ಲಂಡನ್‌ನಿಂದ ಕೋಲ್ಕತ್ತಾಗೆ ಇತ್ತು ಬಸ್ ಸೇವೆ...! : 1957ರ ಅಪರೂಪದ ಫೋಟೋ ವೈರಲ್

ಹಳೇ ಫೋಟೋಗಳನ್ನು ನೋಡುವುದೆಂದರೆ ಎಲ್ಲರಿಗೂ ಇಷ್ಟ. ಇದು ನೆನಪಿನ ಮೆರವಣಿಗೆ ಕೂಡಾ ಹೌದು. ಸದ್ಯ ಇಂತಹದ್ದೇ ನೆನಪಿನ ಬುತ್ತಿಯ ಫೋಟೋವೊಂದು ವೈರಲ್ ಆಗುತ್ತಿದೆ. ಇದು 1957ರ ಸುಮಾರಿಗೆ ಕ್ಲಿಕ್ಕಿಸಿದ ಫೋಟೋ. ಲಂಡನ್‌ನಿಂದ ಕೋಲ್ಕತ್ತಾಗೆ ಬರುತ್ತಿದ್ದ ಬಸ್ಸಿನ ಫೋಟೋ ಇದು...! ಈ ಬ್ಲ್ಯಾಕ್ ಆಂಡ್ ವೈಟ್ ಫೋಟೋ ಕಂಡು ನೆಟ್ಟಿಗರು ಫಿದಾ ಆಗಿದ್ದಾರೆ.


ಈ ಫೋಟೋದಲ್ಲಿ ಲಂಡನ್‌ನ ವಿಕ್ಟೋರಿಯಾ ಕೋಚ್ ಸ್ಟೇಷನ್‌ನಲ್ಲಿ ಪ್ರಯಾಣಿಕರು ಈ ಬಸ್ಸನ್ನು ಹತ್ತುವ ದೃಶ್ಯವಿದೆ. ಲಂಡನ್‌ನಿಂದ ಈ ಬಸ್ ನೇರವಾಗಿ ಕಲ್ಕತ್ತಾ ಅಂದರೆ ಈಗಿನ ಕೋಲ್ಕತ್ತಾಗೆ ಬರುತ್ತಿತ್ತು. ಇದು ಈ ಬಸ್‌ನ ಮೊದಲ ಪ್ರಯಾಣದ ದೃಶ್ಯ. ಏಪ್ರಿಲ್ 1957ರಲ್ಲಿ ಈ ಬಸ್‌ ತನ್ನ ಮೊದಲ ಪ್ರಯಾಣವನ್ನು ಆರಂಭಿಸಿತ್ತು. ಏಪ್ರಿಲ್ 15, 1957ರಂದು ತನ್ನ ಮೊದಲ ಬಸ್ ಪ್ರಯಾಣ ಆರಂಭಿಸಿದ್ದ ಈ ಬಸ್ ಜೂನ್ 5ರಂದು ಕೋಲ್ಕತ್ತಾ ತಲುಪಿತ್ತು.

Also Read : 53 ವರ್ಷದ ಸುಖದಾಂಪತ್ಯ... ಕೈಕೈ ಹಿಡಿದೇ ಜೀವ ಬಿಟ್ಟ ವೃದ್ಧ ದಂಪತಿ...! : ಕಣ್ಣೀರ ಕತೆಯಿದು

ಆಲ್ಬರ್ಟ್ ಟ್ರಾವೆಲ್ ಎಂಬ ಹೆಸರಿನ ಈ ಬಸ್ ಇಂಗ್ಲೆಂಡ್, ಬೆಲ್ಜಿಯಂ, ಪಶ್ಚಿಮ ಜರ್ಮನಿ, ಆಸ್ಟ್ರಿಯಾ, ಯುಗೊಸ್ಲಾವಿಯ, ಬಲ್ಗೇರಿಯಾ, ಟರ್ಕಿ, ಇರಾನ್, ಅಫ್ಘಾನಿಸ್ತಾನ, ಪಶ್ಚಿಮ ಪಾಕಿಸ್ತಾನದ ಮೂಲಕ ಭಾರತಕ್ಕೆ ಬಂದಿತ್ತು. ಭಾರತದಲ್ಲಿ ನವದೆಹಲಿಯಿಂದ ಆಗ್ರಾ, ಅಲಹಾಬಾದ್, ಬನಾರಸ್ ಮತ್ತು ಅಂತಿಮವಾಗಿ ಕೋಲ್ಕತ್ತಾಕ್ಕೆ ತಲುಪಿತ್ತು. ಇದೊಂದು ಐಷಾರಾಮಿ ಬಸ್. ಇದರಲ್ಲಿ ಓದಲು ವ್ಯವಸ್ಥೆ, ಸ್ಪೀಪಿಂಗ್ ಬಂಕ್‌ಗಳು‌, ರೇಡಿಯೋ, ಟೇಟ್ ರೆಕಾರ್ಡರ್, ಫ್ಯಾನ್ ಸೇರಿದಂತೆ ವಿವಿಧ ಸೌಲಭ್ಯಗಳೂ ಇದ್ದವು. ಅಲ್ಲದೆ, ವಿವಿಧ ಪ್ರವಾಸಿ ತಾಣಗಳನ್ನು ವೀಕ್ಷಿಸುವ ಜೊತೆಗೆ ನವದೆಹಲಿ, ಟೆಹ್ರಾನ್, ಸಾಲ್ಜ್‌ಬರ್ಗ್, ಕಾಬೂಲ್, ಇಸ್ತಾಂಬುಲ್ ಮತ್ತು ವಿಯೆನ್ನಾದಲ್ಲಿ ಪ್ರಯಾಣಿಕರಿಗೆ ಶಾಪಿಂಗ್ ಮಾಡುವುದಕ್ಕೂ ಅವಕಾಶಗಳಿದ್ದವು.

Also Read : 129 ವರ್ಷಗಳ ಬಳಿಕ ಕಾಣಿಸಿಕೊಂಡಿತು ಅಪರೂಪದ ಹಾವು...!

ಲಂಡನ್‌ನಿಂದ ಭಾರತಕ್ಕೆ ಒಂದು ಕಡೆಯ ಪ್ರಯಾಣಕ್ಕೆ 85 ಪೌಂಡ್ಸ್‌ ಅಂದರೆ ಭಾರತದ ಇಂದಿನ ಸುಮಾರು 8,019 ರೂಪಾಯಿ ಟಿಕೆಟ್ ದರ ಕೊಡಬೇಕಾಗಿತ್ತು. ಈ ದರದಲ್ಲಿ ಆಹಾರ, ಪ್ರಯಾಣ ಮತ್ತು ವಸತಿ ಸೌಕರ್ಯ ಕೂಡಾ ಒಳಗೊಂಡಿತ್ತು.

Also Read : ಮನೆಯೊಳಗಿನಿಂದಲೇ 30 ಅಡಿ ಆಳದ ಬಾವಿಗೆ ಬಿದ್ದ ವ್ಯಕ್ತಿ...! : ಕನಸಲ್ಲ ಇದು ನಿಜ!

ನಿಜಕ್ಕೂ ಇದು ಸಂಗ್ರಹ ಯೋಗ್ಯ ಫೋಟೋವಾಗಿದೆ. ಸದ್ಯ ಈ ಫೋಟೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ಎಲ್ಲರೂ ಬಲು ಕುತೂಹಲದಿಂದಲೇ ಇದನ್ನು ವೀಕ್ಷಿಸುತ್ತಿದ್ದಾರೆ.