ಈ ಏಡಿಯ ಬೆಲೆ 5 ಲಕ್ಷ ಅಲ್ಲ, 10 ಲಕ್ಷ ಅಲ್ಲ... 20 ಲಕ್ಷವೂ ಅಲ್ಲ...! : ಗೊತ್ತಾದರೆ ಶಾಕ್ ಆಗ್ತೀರಿ

ಒಂದು ಏಡಿ ಬೆಲೆ ಎಷ್ಟಿರಬಹುದು...? ಜಾಸ್ತಿ ಅಂದರೆ ಭಾರತದಲ್ಲಿ ನಾವು ಸಾವಿರ ಲೆಕ್ಕದಲ್ಲಿ ಅಂದಾಜು ಹಾಕಬಹುದೇನೋ... ಆದರೆ, ಜಪಾನಿನಲ್ಲಿ ಒಂದು ಏಡಿ ಬಿಕರಿಯಾದ ಬೆಲೆ ಕೇಳಿದರೆ ತಲೆ ತಿರುಗುವುದು ಗ್ಯಾರಂಟಿ...! ಯಾಕೆಂದರೆ, ಇಲ್ಲಿ ಬೃಹತ್ ಏಡಿ ಮಾರಾಟವಾಗಿದ್ದು ಬರೋಬ್ಬರಿ 32 ಲಕ್ಷಕ್ಕೆ...!

ಜಪಾನಿನ ಬಿಡ್ಡರ್ ಒಬ್ಬರು 42 ಯುಎಸ್‌ ಡಾಲರ್ ಅಂದರೆ ಸರಿಸುಮಾರು ಭಾರತದ 32,61,216 ರೂಪಾಯಿಗೆ ಈ ಹಿಮ ಏಡಿಯನ್ನು ಹರಾಜಿನಲ್ಲಿ ಖರೀದಿಸಿದ್ದಾರೆ.

Also Read : ಕಚೇರಿಯೊಳಗೆ ಹೆಲ್ಮೆಟ್ ಹಾಕಿಕೊಂಡು ಕೆಲಸ ಮಾಡುವ ಸಿಬ್ಬಂದಿ...! : ಯಾಕೆ ಗೊತ್ತಾ...?

ಪಶ್ಚಿಮ ಟೊಟೊರಿ ಪ್ರಾಂತ್ಯದಲ್ಲಿ ಈ ವಾರದಿಂದ ಚಳಿಗಾಲದ ಮತ್ಸ್ಯ ಬೇಟೆ ಆರಂಭವಾಗಿದೆ. ಈ ವೇಳೆ, ಈ ಬೃಹತ್ ಪ್ರಮಾಣದ ಏಡಿ ಸಿಕ್ಕಿದೆ. ಇದನ್ನು ಹರಾಜಿನ ಮೂಲಕ ಮಾರಾಟ ಮಾಡಲಾಗಿದ್ದು, ಹರಾಜಿನಲ್ಲಿ ಈ ಏಡಿ ದಾಖಲೆಯ ಬೆಲೆಗೆ ಬಿಕರಿಯಾಗಿದೆ. ಇದು ಎಲ್ಲರನ್ನೂ ಒಂದು ಕ್ಷಣ ದಂಗಾಗುವಂತೆ ಮಾಡಿದೆ.


Also Read : Heart Breaking Video : ಈ ಮುದ್ದು ಶ್ವಾನದ ದುಃಖ ನೋಡಿದರೆ ಖಂಡಿತಾ ಕಣ್ಣೀರು ಬರುತ್ತದೆ...!

`ನನಗೆ ಈ ಏಡಿಯ ಬೆಲೆ ಕಂಡು ಅಚ್ಚರಿಯಾಗಿದೆ' ಎಂದು ಇಲ್ಲಿ ಸರ್ಕಾರಿ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ. ಈ ಹಿಮ ಏಡಿ 1.2 ಕೆಜಿ ತೂಕವಿದ್ದು, 14.6 ಇಂಚು ಉದ್ದವಿದೆ. ಈ ದುಬಾರಿ ಏಡಿ ಈಗ ಹಿಂದಿನ ಎಲ್ಲಾ ದಾಖಲೆಗಳನ್ನು ಮುರಿದು ಹಾಕಿದೆ. `ಇದು ವಿಶ್ವದ ಅತೀ ದುಬಾರಿ ಏಡಿ'ಯಾಗಿರುವ ಸಾಧ್ಯತೆ ಇದ್ದು, ಗಿನ್ನಿಸ್ ದಾಖಲೆಗೆ ಹೆಸರು ನೊಂದಾಯಿಸುವ ಪ್ರಯತ್ನ ನಡೆಯುತ್ತಿದೆ.

Also Read : ಬಟ್ಟೆಯಂಗಡಿಯೊಳಗೆ ನಿತ್ಯ ದನಕ್ಕೆ ಪೂಜೆ ಸಲ್ಲಿಸುವ ಗ್ರಾಹಕರು...! : ಇಲ್ಲಿದೆ ಅಚ್ಚರಿಯ ವಿಡಿಯೋ

ಸ್ಥಳೀಯ ವ್ಯಾಪಾರಿಯೊಬ್ಬರು ಈ ಏಡಿಯನ್ನು ಖರೀದಿಸಿದ್ದು, ಟೋಕಿಯೊದ ಗ್ಲಿಟ್ಝಾ ಗಿಂಜಾ ಜಿಲ್ಲೆಯ ದುಬಾರಿ ಜಪಾನೀಸ್ ರೆಸ್ಟೋರೆಂಟ್‌ಗೆ ನೀಡಲಾಗುತ್ತದೆ' ಎಂದು ಸ್ಥಳೀಯ ಮಾಧ್ಯಮಗಳು ವರದಿ ಮಾಡಿವೆ.