ಜೋಕಾಲಿಯನ್ನು ಮುಟ್ಟಿ ಬಿದ್ದಂತೆ ನಟಿಸುವ ಕಂದ : ಇದು ಖುಷಿ ಕೊಡುವ ವಿಡಿಯೋ

ಮಕ್ಕಳಿರುವ ಮನೆ ಸ್ವರ್ಗಕ್ಕೆ ಸಮಾನ. ಪುಟ್ಟ ಮಕ್ಕಳು ಜೊತೆಯಲ್ಲಿದ್ದರೆ ಯಾವ ನೋವು, ದುಃಖವೂ ಹತ್ತಿರ ಸುಳಿಯದು. ದೇವರಂತಹ ಮಕ್ಕಳಿಗೆ ಮನಸ್ಸಿನ ನೋವನ್ನು ದೂರ ಮಾಡುವ ಎಲ್ಲಾ ಶಕ್ತಿ ಇದೆ. ಪುಟಾಣಿಗಳ ಕಿಲಕಿಲ ನಗು, ಪುಟ್ಟ ಪುಟ್ಟ ಹೆಜ್ಜೆಯನಿಟ್ಟು ಓಡುವ ಸಂಭ್ರಮವನ್ನು ನೋಡುವುದೇ ಚೆಂದ. ಇಂತಹ ಪುಟಾಣಿಗಳು ಒಮ್ಮೊಮ್ಮೆ ತಮ್ಮ ಮುಗ್ಧ ತುಂಟಾಟದಿಂದಲೂ ಗಮನ ಸೆಳೆಯುತ್ತಾರೆ. ಮನಸ್ಸಿಗೆ ಮುದ ನೀಡುತ್ತಾರೆ. ಸಾಮಾಜಿಕ ಮಾಧ್ಯಮಗಳಲ್ಲಿ ಇಂತಹ ಅದೆಷ್ಟೋ ವಿಡಿಯೋಗಳು ಕಾಣಸಿಗುತ್ತವೆ. ಸದ್ಯ ಇಂತಹದ್ದೇ ಅಪೂರ್ವ ವಿಡಿಯೋವೊಂದು ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಕಂದ ತೋರಿದ ನಟನೆ ಅದ್ಭುತವಾಗಿದೆ...

Also Read : ಬೈಕ್ ತರ ಕಾಣುತ್ತದೆ, ಆದರೆ, ಖಂಡಿತಾ ಬೈಕ್ ಅಲ್ಲ!: ಇಲ್ಲಿದೆ ತಮಾಷೆಯ ವಿಡಿಯೋ

ಆ ಮುದ್ದು ಮಗು ಜೋಕಾಲಿ ಪಕ್ಕ ಆಡುತ್ತಿದ್ದ. ಆಗಷ್ಟೇ ಜಗತ್ತನ್ನು ಕುತೂಹಲದಿಂದ ಕಾಣುವ ಖುಷಿಯದು. ಹೀಗಾಗಿ, ಈ ಜೋಕಾಲಿಯನ್ನು ನೋಡಿದಾಗಲೂ ಪುಟಾಣಿಗೆ ಏನನಿಸಿತೋ ಏನೋ... ಸೀದಾ ಹೋಗಿ ಮುಟ್ಟಿದ. ಅದು ತೂಗುವುದನ್ನೇ ನೋಡುತ್ತಾ ನಿಂತ ಕಂದ ಬಳಿಕ ತಾನೇ ಜೋಕಾಲಿಗೆ ತಾಗಿ ಕೆಳಗೆ ಬಿದ್ದ...! ಈ ಅಷ್ಟೂ ದೃಶ್ಯವನ್ನು ಕಂದನ ಹೆತ್ತವರು ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದಾರೆ.

Also Read : ಫುಟ್ಬಾಲ್ ಟೀಮ್ ಗೋಲ್ ಹೊಡೆದಾಗ ಸಂಭ್ರಮಿಸುವ ಪುಟಾಣಿ : ಇದು ಅದ್ಭುತ ವಿಡಿಯೋ

ಎಂ.ಡಾಟ್ ಎಂಬ ಟ್ವಿಟ್ಟರ್ ಬಳಕೆದಾರರು ತಮ್ಮ ಪುತ್ರನ ಈ ವಿಡಿಯೋವನ್ನು ಮೊದಲು ಶೇರ್ ಮಾಡಿದ್ದರು. ಇದಾದ ಬಳಿಕ ಬಾಸ್ಕೆಟ್‌ಬಾಲ್ ಮಾಜಿ ಆಟಗಾರ ರೆಕ್ಸ್‌ ಚಾಪ್ಮನ್ ಇದೇ ವಿಡಿಯೋವನ್ನು ರೀಟ್ವೀಟ್ ಮಾಡಿದ್ದು, ಸದ್ಯ ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ಸುಮಾರು 21 ಸೆಕೆಂಡಿನ ಈ ಕ್ಲಿಪ್‌ಗೆ ಅದೆಷ್ಟೋ ನೆಟ್ಟಿಗರು ಫಿದಾ ಆಗಿದ್ದಾರೆ.

Also Read : ತಿಂಡಿ ತಿಂದು ಸಿಕ್ಕಿಬಿದ್ದಾಗ ನಿಂತಲ್ಲೇ ನಿದ್ರೆ ಮಾಡಿದಂತೆ ನಟಿಸಿದ ಕಂದ! : ಮಜವಾಗಿದೆ ವಿಡಿಯೋ

ಎರಡು ದಿನಗಳ ಹಿಂದಷ್ಟೇ ಇನ್ನೊಬ್ಬಳು ಪುಟಾಣಿಯ ಇಂತಹದ್ದೇ ವಿಡಿಯೋ ವೈರಲ್ ಆಗಿತ್ತು. ಮನೆಯಲ್ಲಿ ತನಗೆ ಇಷ್ಟದ ತಿಂಡಿಯನ್ನು ತಿನ್ನುವಾಗ ಅಮ್ಮನ ಕೈಗೆ ಸಿಕ್ಕಿಬಿದ್ದಾಗ ಈ ಪುಟಾಣಿ ನಿಂತಲ್ಲೇ ನಿದ್ದೆ ಮಾಡುವಂತೆ ನಟಿಸಿದ್ದಳು. ಈ ಮುದ್ದು ವಿಡಿಯೋ ಕೂಡಾ ಎಲ್ಲರ ಗಮನ ಸೆಳೆದಿತ್ತು. ಇಂತಹ ಅಪೂರ್ವ ವಿಡಿಯೋಗಳಿಗೆ ಯಾರಾದರೂ ಮನಸೋಲದೆ ಇರಲು ಸಾಧ್ಯವೇ...? ಪುಟ್ಟ ಮಕ್ಕಳ ಇಂತಹ ಆಟ ಖಂಡಿತಾ ಮನಸ್ಸಿಗೆ ನೆಮ್ಮದಿ ಕೊಡುತ್ತದೆ.