ನೆರೆಮನೆಯ ಸ್ನೇಹಿತರನ್ನು ಕರೆದು ಈಜಾಡಲು ಹೋಗುವ ಬಾತುಕೋಳಿಗಳು...!

ಸ್ನೇಹಿತರು ಒಟ್ಟಾದರೆ ಆ ಖುಷಿಯೇ ಬೇರೆ. ಅದರಲ್ಲೂ ಕೆಲ ಸ್ನೇಹಿತರು ಸಂಜೆಯಾದರೆ ಸಾಕು ಅವರವರ ಮನೆಗೆ ಹೋಗಿ ಸ್ನೇಹಿತರನ್ನು ಕರೆದುಕೊಂಡು ಗ್ರೌಂಡಿಗೆ ಹೋಗಿ ಆಟ ಆಡಿ ಸಂಭ್ರಮಿಸುತ್ತಾರೆ. ಹಾಗಂತ, ಹೀಗೆ ಗೆಳೆಯರ ಮನೆಗೆ ಹೋಗಿ ಅವರನ್ನು ಕರೆದುಕೊಂಡು ಬರುವ ಸಂಬಂಧ ಬರೀ ಮನುಷ್ಯರಲ್ಲಿ ಮಾತ್ರ ಇರುವುದಾ...? ಖಂಡಿತಾ ಇಲ್ಲ. ಅದಕ್ಕೆ ಸಾಕ್ಷಿ ಇಲ್ಲಿದೆ...

Also Read : 73ರ ವರ, 67ರ ವಧು...! ಸಿನೆಮಾ ಕತೆಗಿಂತ ಭಿನ್ನವಾಗಿಲ್ಲ ಈ ಮದುವೆ ಕತೆ...!

11 ಬಾತುಕೋಳಿಗಳ ಗುಂಪು ಈಗ ತಮ್ಮ ಸ್ನೇಹದ ಕಾರಣಕ್ಕೇ ಎಲ್ಲರ ಗಮನ ಸೆಳೆದಿದೆ. ಅಲ್ಲದೆ, ಈ ಬಾತುಕೋಳಿಗಳು ತಮ್ಮ ಸ್ನೇಹಿತರ ಮನೆಗೆ ಹೋಗಿ ಸ್ನೇಹಿತರನ್ನೂ ಕರೆದೊಯ್ದು ಈಜಾಟಕ್ಕೆ ತೆರಳುತ್ತವೆ. ಇದು ಇವುಗಳ ದಿನಚರಿಯಲ್ಲಿ ಒಂದು. ಮೊದಲು ಒಂದು ಗುಂಪು ಒಟ್ಟು ಸೇರಿದರೆ, ನಂತರ ಈ ಗುಂಪು ಪಕ್ಕದ ಮನೆಯ ಇನ್ನೊಂದು ಗುಂಪನ್ನು ಕರೆದೊಯ್ಯುತ್ತದೆ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿಯಾಗಿಯೇ ವೈರಲ್ ಆಗುತ್ತಿದೆ.

Also Read : ಕೈಗಳನ್ನು ಸ್ವಚ್ಛವಾಗಿಟ್ಟುಕೊಳ್ಳುವುದರ ಲಾಭವೇನು...? : ಇಲ್ಲಿವೆ ಅದ್ಭುತ ವಿಡಿಯೋಗಳು

ಬೆಳಗ್ಗೆ ಹೀಗೆ ಈಜಲು ಹೋಗುವ ಈ ಬಾತುಕೋಳಿಗಳು ಸಂಜೆ ಜೊತೆಯಾಗಿಯೇ ಮನೆಗೆ ಬಂದು ಸೇರುತ್ತವೆ. ಈ ಅಪೂರ್ವ ಸ್ನೇಹ ಈಗ ನೆಟ್ಟಿಗರ ಮನಗೆದ್ದಿದೆ.

Also Read : ಕೊರೊನಾ : ಭಾವನಾತ್ಮಕ ಸನ್ನಿವೇಶಕ್ಕೆ ಸಾಕ್ಷಿಯಾಯ್ತು ತಾತ್ಕಾಲಿಕ ಆಸ್ಪತ್ರೆ.

ನಿಜವಾಗಿಯೂ ಈ ಸ್ನೇಹವನ್ನು ಕಂಡಾಗ ಅಚ್ಚರಿಯಾಗುತ್ತದೆ. ಈ ಸುಂದರ ಸ್ನೇಹವೇ ಎಲ್ಲರ ಹೃದಯವನ್ನು ತಟ್ಟುವಂತಿದೆ...