ಸುಸ್ತಾಗಿ ಕಾಲುಜಾರಿ ಬೀಳುತ್ತಿದ್ದರೂ ಪ್ರಯತ್ನ ಬಿಡದ ಮರಿಯಾನೆ : ಈ ಓಟ, ಆಟದ ದೃಶ್ಯವೇ ಸುಂದರ

ಕಾಡಿನಲ್ಲಿ ಓಡುವ ಆಟ... ಕಾಡು ಹಂದಿಗಳಿಗೆ ಆನೆಗೆ ಸಿಗಬಾರದು ಎಂಬ ಹಠ... ಆನೆಗೆ ಕಾಡು ಹಂದಿಗಳನ್ನು ಬಿಡಬಾರದು ಎಂದು ಛಲ...

ಆನೆಗಳು ಸದಾ ಖುಷಿ ಖುಷಿಯಾಗಿ ಇರುವ ಪ್ರಾಣಿಗಳು. ಇವುಗಳು ತುಂಟಾಟವನ್ನು ನೋಡುವುದೇ ಒಂದು ಸುಂದರ ಅನುಭವ. ಅದರಲ್ಲೂ ಮರಿಯಾನೆಗಳ ತುಂಟಾಟ ನಿಜಕ್ಕೂ ಮನಸ್ಸಿಗೆ ಹಿತ ನೀಡುತ್ತದೆ. ಈ ಮರಿಯಾನೆಗಳ ಆಟಗಳನ್ನು ಎಷ್ಟು ನೋಡಿದರೂ ಮನಸ್ಸು ತಣಿಯದು. ಹೀಗಾಗಿ, ಸೋಶಿಯಲ್ ಮೀಡಿಯಾದಲ್ಲೂ ಒಂದಲ್ಲ ಒಂದು ಆನೆಗಳ ಇಂತಹ ಅಪೂರ್ವ ವಿಡಿಯೋಗಳು ಪ್ರತಿದಿನ ಕಾಣಸಿಗುತ್ತವೆ. ಈ ಎಲ್ಲಾ ದೃಶ್ಯಗಳನ್ನು ಕ್ಷಣಾರ್ಧದಲ್ಲಿ ನಮ್ಮ ಮನಸೂರೆಗೊಳ್ಳುತ್ತವೆ. ಇದೀಗ ಇಂತಹದ್ದೇ ಇನ್ನೊಂದು ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರ ಗಮನ ಸೆಳೆದಿದೆ.

Also Read : Caught On Camera : ಪಿಜ್ಜಾದಿಂದ ಪೊಲೀಸರಿಗೆ ಸಿಕ್ಕಿಬಿದ್ದ ಖತರ್ನಾಕ್ ಕಳ್ಳ...!

ಇದು ಆನೆಯೊಂದು ತನ್ನ `ಏರಿಯಾ'ದಲ್ಲಿದ್ದ ಎರಡು ಕಾಡುಹಂದಿಗಳನ್ನು ಬೆನ್ನಟ್ಟುವ ವಿಡಿಯೋ. ಇದು ಆನೆಯ ಆಟವೇ ಆದರೂ ಇಲ್ಲಿ ಈ ಮರಿಯಾನೆಯ ಛಲ ಮಾತ್ರ ಎದ್ದು ಕಾಣುತ್ತದೆ. ಓಡಿ ಓಡಿ ಸುಸ್ತಾದರೂ ಈ ಆನೆ ಕೊನೆತನಕ ತನ್ನ ಪ್ರಯತ್ನವನ್ನು ಬಿಡುವುದಿಲ್ಲ...

Also Read : ಬೇರೊಬ್ಬರ ದೇಹದಲ್ಲಿದ್ದ ತನ್ನ ಮಗನ ಹೃದಯದ ಬಡಿತ ಆಲಿಸಿದ ತಾಯಿ! : ಭಾವನಾತ್ಮಕ ದೃಶ್ಯವಿದು


ಕಾಡಿನ ಜೀವಿಗಳ ಬದುಕೇ ಆಸಕ್ತಿದಾಯಕ. ಈ ಕ್ಲಿಪ್ ಕೂಡಾ ವನ್ಯಜೀವಿಗಳ ಬದುಕನ್ನು ನೋಡುವ ಆಸಕ್ತಿಯನ್ನು ಇನ್ನೂ ಹೆಚ್ಚು ಮಾಡುತ್ತದೆ. ಇದು ನೈರೋಬಿ ರಾಷ್ಟ್ರೀಯ ಉದ್ಯಾನವನದಲ್ಲಿ ಸೆರೆಯಾದ ದೃಶ್ಯ. ಇಲ್ಲಿನ ಬೊಂಡೆನಿ ಎಂಬ ಆನೆ ಇದೇ ಅರಣ್ಯದಲ್ಲಿರುವ ಎರಡು ಕಾಡುಹಂದಿಗಳನ್ನು ಬೆನ್ನಟ್ಟುತ್ತಾ ಆಟ ಆಡಿದೆ. ತಾನೇ ಶುರು ಮಾಡಿದ ಈ ಆಟದಲ್ಲಿ ಯಶಸ್ಸು ಕಾಣಬೇಕು ಎಂಬುದು ಬೊಂಡೆನಿ ಛಲ. ಹೀಗಾಗಿ, ಈ ಓಟದ ವೇಳೆ ಕೆಲವು ಸಲ ಸುಸ್ತಾಗಿ ಕಾಲು ಜಾರಿ ಬಿದ್ದರೂ ಇವನು ತನ್ನ `ಕೆಲಸ'ವನ್ನು ನಿಲ್ಲಿಸಲಿಲ್ಲ. ಈ ವಿಶಿಷ್ಟ ವಿಡಿಯೋವನ್ನು ಶೆಲ್ಡ್ರಿಕ್ ವೈಲ್ಡ್‌ಲೈಫ್ ಟ್ರಸ್ಟ್‌ ತನ್ನ ಇನ್‌ಸ್ಟಾಗ್ರಾಂ ಖಾತೆಯಲ್ಲಿ ಹಂಚಿಕೊಂಡಿದೆ.

Also Read : 2020ರ ಕೊನೆಯ ಸೂರ್ಯಾಸ್ತ! : ಇಲ್ಲಿ 2021ರ ಜನವರಿ 22ರವರೆಗೆ ಸೂರ್ಯ ಉದಯಿಸುವುದೇ ಇಲ್ಲ!

ತನ್ನ ಪ್ರದೇಶದಿಂದ ಅವುಗಳನ್ನು ತೆರವುಗೊಳಿಸುವುದು ಬೊಂಡೆನಿಯ ಪ್ರಮುಖ ಉದ್ದೇಶವಾಗಿತ್ತು. ಹೀಗಾಗಿ, ತನ್ನ ಈ `ತೆರವು ಕಾರ್ಯಾಚರಣೆ'ಯ ಬಗ್ಗೆ ಬೊಂಡೆನಿ ಸಖತ್ ಆಸಕ್ತಿ ಹೊಂದಿದ್ದ. ತಾನು ನೆಲಕ್ಕೆ ಉರುಳುತ್ತಿದ್ದರೂ ಇವನು ಪ್ರಯತ್ನವನ್ನು ಬಿಟ್ಟಿರಲಿಲ್ಲ.

ಶೆಲ್ಡ್ರಿಕ್ ವೈಲ್ಡ್‌ಲೈಫ್‌ ಟ್ರಸ್ಟ್‌ನ ಆರೈಕೆಯಲ್ಲಿರುವ ಕಿರಿಯ ಅನಾಥ ಆನೆಗಳಲ್ಲಿ ಬೊಂಡೆನಿ ಕೂಡಾ ಸೇರಿದ್ದಾನೆ. ಸದ್ಯ ಈ ವಿಡಿಯೋ ಇನ್‌ಸ್ಟಾಗ್ರಾಂನಲ್ಲಿ ಹಲವರ ಗಮನ ಸೆಳೆದಿದೆ. ಎಲ್ಲರಿಗೂ ಬೊಂಡೆನಿ ಛಲ ಇಷ್ಟವಾಗಿದೆ. ಲಕ್ಷಾಂತರ ವೀಕ್ಷಣೆ ಮತ್ತು ಲೈಕ್ಸ್‌ ಗಳಿಸುವಲ್ಲಿ ಈ ವಿಡಿಯೋ ಸಕ್ಸಸ್ ಆಗಿದೆ.