ಸಾಗರದಾಳದ ಸುಂದರ ಜೀವಿಯಿದು : ಆದರೆ, ಇದರ ಕತೆ ಇದು ಕಂಡಷ್ಟು ಸುಂದರವಾಗಿಲ್ಲ!

`ಸಾಗರದಾಳದ ಅತ್ಯಂತ ಸುಂದರ ಹಂತಕ' ಇದು...! ಬಲು ಅಪಾಯಕಾರಿಯಾದ ಮತ್ತು ನೋಡಲು ಅತ್ಯಂತ ಸುಂದರವಾದ ಸಾಗರದಾಳದ ಜೀವಿಯ ಕತೆ ಇದು.

ಸಾಗರ ಎಂಬುದು ಇಂದಿಗೂ ಎಲ್ಲರ ಪಾಲಿನ ಕುತೂಹಲದ ಕೇಂದ್ರ. ನೀಲ ಸಮುದ್ರ ತನ್ನ ಸೊಬಗಿನಿಂದ ಸೆಳೆದಷ್ಟೇ ಅದ್ಭುತವಾಗಿ ತನ್ನೊಡಲಲ್ಲಿ ಬಚ್ಚಿಟ್ಟಿರುವ ಅನೇಕ ರಹಸ್ಯಗಳಿಂದಲೂ ಗಮನ ಸೆಳೆಯುತ್ತವೆ. ಅನೇಕ ಜೀವರಾಶಿಗಳ ನೆಲೆ ಸಾಗರ. ಇಂತಹ ಅನೇಕ ಜೀವರಾಶಿಗಳಲ್ಲಿ ಕೆಲವೊಂದು ಜೀವಿಗಳು ಆಗಾಗ ಜನರಿಗೂ ಕಾಣಸಿಗುತ್ತವೆ. ಹೀಗೆ ಕಾಣಸಿಗುವ ಜೀವಿಗಳು ಅರೆಕ್ಷಣದಲ್ಲಿ ಎಲ್ಲರನ್ನೂ ಸೆಳೆದು ಬಿಡುತ್ತವೆ. ಇದು ಕೂಡಾ ಅಂತಹದ್ದೇ ಒಂದು ವಿಶಿಷ್ಟ ಜೀವಿಯ ಕತೆ.

Also Read : ಉತ್ತಾಹ್ ಆಯ್ತು, ಈಗ ರೊಮೇನಿಯಾದಲ್ಲೂ ನಿಗೂಢ ಲೋಹದ ಸ್ತಂಭ `ಪ್ರತ್ಯಕ್ಷ', ಮಾಯ...!

ದಕ್ಷಿಣ ಆಫ್ರಿಕಾದ ಕಡಲತಡಿಯಲ್ಲಿ ವಿಚಿತ್ರ ಜೀವಿಯೊಂದು ಕಾಣಸಿಕ್ಕಿದೆ. ತಕ್ಷಣಕ್ಕೆ ಫ್ಯಾಂಟಸಿ ಅಥವಾ ಸೈನ್ಸ್‌ ಫಿಕ್ಷನ್ ಸಿನೆಮಾದಲ್ಲಿ ಬರುವ ಪಾತ್ರಗಳಂತೆ ಕಾಣುತ್ತದೆ ಈ ಜೀವಿ. ಇದು ಸ್ತಬ್ಧವಾಗಿ ಇದ್ದಾಗ ಅಪರೂಪ ಕಲಾಕೃತಿಯಂತೆ ಕಣ್ಣಿಗೆ ಗೋಚರವಾಗುತ್ತದೆ. ಅಷ್ಟು ಸುಂದರ ಜೀವಿಯಿದು.

Also Read : ಕೋವಿಡ್‌-19 ಸೋಂಕಿಗೆ ಹೆತ್ತವರು ಬಲಿ: ಕಂದ ಬರ್ತ್‌ಡೇಗೆ ಒಟ್ಟಾದ ಜನ: ಭಾವನಾತ್ಮಕ ಸನ್ನಿವೇಶವಿದು


ಇದನ್ನು ಕಂಡಾಗ ಡ್ರ್ಯಾಗನ್‌ಗಳನ್ನು ನೋಡಿದಂತಾಗುತ್ತದೆ. ಹೀಗೆ ಡ್ರ್ಯಾಗನ್‌ ರೀತಿಯೇ ಕಾಣುವ `ಬ್ಲೂ ಡ್ರ್ಯಾಗನ್ಸ್ ಆಫ್ ಗ್ಲಾಕಸ್ ಅಟ್ಲಾಂಟಿಕಸ್' ಎಂದು ಕರೆಯಲ್ಪಡುವ ಸುಮಾರು 20 ಈ ವಿಶಿಷ್ಟ ಜೀವಿಗಳು ಇತ್ತೀಚೆಗೆ ಕೇಪ್ ಟೌನ್ ಬಳಿಯ ಫಿಶ್ ಹೋಕ್ ಬೀಚ್‌ನಲ್ಲಿ ಕಾಣಸಿಕ್ಕಿತ್ತು. ನೋಡಲು ಅತ್ಯಂತ ಅದ್ಭುತವಾಗಿ ಕಾಣಸಿಗುವ ಈ ಜೀವಿಗಳು ಅಷ್ಟೇ ಅಪಾಯಕಾರಿ ಕೂಡಾ ಹೌದು. ಇದೇ ಕಾರಣಕ್ಕೆ ಇದನ್ನು `ಸಾಗರದ ಅತ್ಯಂತ ಸುಂದರವಾದ ಕೊಲೆಗಾರ' ಎಂದೂ ಕರೆಯಲಾಗುತ್ತದೆ. ಯಾಕೆಂದರೆ, ಇದು ಬಲು ವಿಷಕಾರಿಯೂ ಹೌದು. ಪರಭಕ್ಷಕಗಳನ್ನು ಕುಟುಕಿ ಸಾಯಿಸುವಂತಹ ತಾಕತ್ತು ಈ ಜೀವಿಗಳಿಗಿದೆ.

Also Read : ಬಲಶಾಲಿ ಚಿರತೆಯನ್ನೇ ಹೆದರಿಸಿ ಬೆನ್ನಟ್ಟಿದ ಕೋತಿಗಳು! : 2020ರಲ್ಲಿ ಏನು ಬೇಕಾದರೂ ಆಗಬಹುದು!

ಮಾರಿಯಾ ವ್ಯಾಗೆನರ್ ಎಂಬವರು ಬೀಚ್‌ನಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಈ ಜೀವಿಯನ್ನು ಕಂಡಿದ್ದರು. ತಕ್ಷಣಕ್ಕೆ ಇದು ಇವರಿಗೆ ಮಿನಿ ಡ್ರ್ಯಾಗನ್‌ನಂತೆ ಕಂಡಿತ್ತು. ಅದೂ ಅಲ್ಲದೆ, ಪಕ್ಷಿ, ಹಲ್ಲಿ ಮತ್ತು ಅಕ್ಟೋಪಸ್‌ನಲ್ಲಿರುವ ಒಂದಷ್ಟು ವೈಶಿಷ್ಟ್ಯತೆಗಳನ್ನೂ ಇದು ಹೊಂದಿದೆ.

ಮಾರಿಯಾ ಮ್ಯಾಗೆನರ್ ಈ ಜೀವಿಗಳನ್ನು ಪತ್ತೆ ಸಮುದ್ರಕ್ಕೆ ಬಿಟ್ಟಿದ್ದಾರೆ. ಆದರೆ, ಇದು ಅಪಾಯಕಾರಿಯಾಗಿರಬಹುದು ಎಂದು ತಿಳಿದುಕೊಂಡ ಮಾರಿಯಾ ಸುರಕ್ಷಿತ ಅಂತರವಿಟ್ಟುಕೊಂಡು ಇವುಗಳನ್ನು ಮತ್ತೆ ನೀರಿಗೆ ಬಿಟ್ಟಿದ್ದಾರೆ. ತಾನು ಸಾಕಷ್ಟು ವರ್ಷಗಳಿಂದ ಬೀಚ್ ಬದಿಯಲ್ಲಿಯೇ ನೆಲೆಸಿದ್ದರೂ ಇದುವರೆಗೆ ಇಂತಹ ಜೀವಿಯನ್ನು ನೋಡಿಲ್ಲ ಎಂಬುದು ಇವರ ಮಾತು. ಸದ್ಯ ಈ ವಿಶಿಷ್ಟ ಜೀವಿಯ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದ್ದು, ಎಲ್ಲರೂ ಬಲು ಕುತೂಹಲದಿಂದಲೇ ವೀಕ್ಷಿಸುತ್ತಿದ್ದಾರೆ.