ಹುಸಿ ಮುನಿಸಿಗೂ ನೊಂದು ಕೊಳ್ಳುವ ಬಸವ! : ಇದು ಮುದ ನೀಡುವ ವಿಡಿಯೋ

ಬೃಹತ್ ಗಾತ್ರದ ದೇಹ... ಆದರೆ, ಮನಸ್ಸು ಮುಗ್ಧ ಮಗುವಿನದ್ದು... ನೋಡುವಾಗ ಭಯ ಸೃಷ್ಟಿಸುವ ದೃಷ್ಟಿ... ಆದರೆ, ಹೃದಯದಲ್ಲಿದೆ ಎಂತಹವರನ್ನೂ ಕರಗಿಸಬಲ್ಲ ಪ್ರೀತಿ...

ಸದ್ಯ ಸಾಮಾಜಿಕ ಮಾಧ್ಯಮಗಳಲ್ಲಿ ಬೃಹತ್ ಗಾತ್ರದ ಬಸವನ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ನಿಸ್ವಾರ್ಥ ದೇವರಂತಹ ಪ್ರೀತಿ, ಸ್ನೇಹವಿದು. ಪ್ರೀತಿ ಇದ್ದಲ್ಲಿ ಜಗಳ ಇದ್ದೇ ಇರುತ್ತದೆ, ಮುನಿಸು ಇದ್ದೇ ಇರುತ್ತದೆ. ಇದು ಕೂಡಾ ಅಂತಹದ್ದೇ ಅಪೂರ್ವ ವಿಡಿಯೋ. ಇಲ್ಲಿ ಯುವತಿಯೊಬ್ಬರು ಈ ಬಸವನಿಗೆ ತಿನ್ನಲು ಕೊಡುತ್ತಾರೆ. ಆದರೆ, ಎರಡು ದಿನಗಳಿಂದ ಈ ಬಸವ ತಮ್ಮ ಮನೆ ಪಕ್ಕ ಬಾರದ ಕೋಪ ಈ ಯುವತಿಗೆ. ಇದಕ್ಕಾಗಿ `ಎರಡು ದಿನದಿಂದ ಯಾಕೆ ಬಂದಿಲ್ಲ. ನಾನು ಕೋಪದಲ್ಲಿದ್ದೇನೆ. ನಾನು ನಿಮ್ಮೊಂದಿಗೆ ಮಾತನಾಡುವುದಿಲ್ಲ' ಎಂದು ಹುಸಿ ಮುನಿಸು ತೋರಿಸುತ್ತಾರೆ.

Also Read : ಡ್ಯಾಮ್‌ ಬಾಯ್ತೆರೆದ ಭೀಕರ ದೃಶ್ಯ : ಪೈಲಟ್ ಸೆರೆ ಹಿಡಿದ ವಿಡಿಯೋ ವೈರಲ್

@nikitasoniactress hamari dosti...❤ ##animals ##animallover ##foryou ##tiktok ##tiktokindia ##nikitasonifanzforever ##nikitasoni ##lockdownplan ##lovegol ♬ original sound - nikitasoniactress
ತನ್ನನ್ನು ಅತ್ಯಂತ ಪ್ರೀತಿ, ಗೌರವದಿಂದ ಕಾಣುವ ಈ ಯುವತಿ ಬೇಸರ ಮಾಡಿಕೊಂಡಿದ್ದು ಈ ಬಸವನ ಮನಸ್ಸಿಗೂ ಘಾಸಿಗೊಳಿಸಿತ್ತು. ಹೀಗಾಗಿ, ಅವನು ಸಮಾಧಾನ ಮಾಡಲು ಯುವತಿಯ ಬಳಿ ಬಂದಿದ್ದ. ಎಷ್ಟು ಪ್ರಯತ್ನಿಸಿದರೂ ಯುವತಿ ಮಾತ್ರ ತಾನು ಸಮಾಧಾನ ಆದಂತೆ ತೋರಿಸುವುದೇ ಇಲ್ಲ. ಹುಸಿಮುನಿಸನ್ನು ತೋರಿಸುವುದನ್ನೂ ಬಿಡುವುದಿಲ್ಲ. ಆದರೆ, ಬಸವ ತನ್ನ ಪ್ರಯತ್ನ ಬಿಡಲಿಲ್ಲ...

Also Read : ಪ್ರವಾಸಿಗರನ್ನು ಸೆಳೆಯುತ್ತಿರುವ ಆ ಕೋಟೆಯಲ್ಲಡಗಿದೆ ಅನೇಕ ರಹಸ್ಯಗಳು...!

ಬಸವನ ಈ ಮುಗ್ಧ ಮನಸ್ಸಿಗೆ ಈ ಯುವತಿಯೂ ಕೊನೆಗೂ ಸೋಲೊಪ್ಪಲೇ ಬೇಕಾಗಿತ್ತು. ಎಷ್ಟು ಸುಂದರವಾಗಿದೆಯಲ್ವಾ ಈ ದೃಶ್ಯ...? ಮುಗ್ಧ ಪ್ರಾಣಿಗಳು ತೋರುವ ಪ್ರೀತಿಯೇ ಅಂತಹದ್ದು... ಮುದ್ದು ಜೀವಿಗಳು ತೋರುವ ಪ್ರೀತಿಯಲ್ಲಿ ಕಲ್ಮಶವನ್ನು ಹುಡುಕಲು ಸಾಧ್ಯವೇ ಇಲ್ಲ... ಅದಕ್ಕೆ ಈ ವಿಡಿಯೋಗಿಂತ ಬೇರೆ ಉದಾಹರಣೆಯೇ ಬೇಕಾಗಿಲ್ಲ...

Also Read : ಗೊರಕೆ ಹೊಡೆಯುವ ಗಜರಾಜ! ತಂದೆಯೊಂದಿಗೆ ಮರಿಯ ಆಟ! : ವನ್ಯಲೋಕದಲ್ಲೊಂದು ರೌಂಡ್ಸ್‌


ಇದು ದೇವರಂತಹ ಮನಸ್ಸಿನ ಬಸವ. ಇದೇ ಕಾರಣಕ್ಕೆ ಈ ಸ್ನೇಹವೂ ದೇವರಷ್ಟೇ ಪವಿತ್ರ. ಸಾಕುಪ್ರಾಣಿಗಳು ತೋರುವ ಈ ಪ್ರೀತಿಯನ್ನು ನೋಡಿದಾಗ ನಿಜಕ್ಕೂ ಮನಸ್ಸು ಮುದಗೊಳ್ಳುತ್ತದೆ. ಸದ್ಯ ಈ ವಿಡಿಯೋ ಸಾಕಷ್ಟು ವೈರಲ್ ಆಗುತ್ತಿದೆ. ಈ ವಿಡಿಯೋ ಎಲ್ಲಿನದ್ದು, ಯಾವಾಗ ಸೆರೆ ಹಿಡಿದಿದ್ದು ಎಂದು ಗೊತ್ತಾಗಿಲ್ಲ. ಆದರೆ, ಈ ವಿಡಿಯೋವನ್ನು ಕಂಡ ಎಲ್ಲರೂ ಮನಸಾರೆ ಮೆಚ್ಚಿಕೊಂಡಿದ್ದಾರೆ, ಈ ಸ್ನೇಹ, ಬಸವನ ಹಾಲಿನಂತಹ ಮನಸ್ಸಿಗೂ ತಲೆಬಾಗಿದ್ದಾರೆ.