ಬಾಲಿವುಡ್ ಹಾಡಿಗೆ ಹೆಜ್ಜೆ ಹಾಕುತ್ತಲೇ ಮಂಟಪಕ್ಕೆ ವಧುವಿನ ಎಂಟ್ರಿ : ವಿಡಿಯೋ ವೈರಲ್

ವಿವಾಹ ಎಂದರೇನೇ ಸಂಭ್ರಮ... ಪ್ರತಿಯೊಬ್ಬರ ಬದುಕಿನ ಅಪೂರ್ವ ಕ್ಷಣಗಳಲ್ಲಿ ವಿವಾಹ ಕೂಡಾ ಒಂದು. ಹೀಗಾಗಿ, ತಮ್ಮ ಬದುಕಿನ ಬಹುದೊಡ್ಡ ಘಟ್ಟದಲ್ಲಿ ಇನ್ನಷ್ಟು ಸಡಗರ ಇರಬೇಕೆಂದು ಎಲ್ಲರೂ ಕನಸು ಕಾಣುತ್ತಿರುತ್ತಾರೆ. ಈ ಕನಸು ಸಹಜವೂ ಹೌದು. ಅಂತೆಯೇ, ವಧು ಅಥವಾ ವರ ಭರ್ಜರಿ ಡಾನ್ಸ್‌ ಮೂಲಕ ಮದುವೆ ಮಂಟಪಕ್ಕೆ ಎಂಟ್ರಿ ಕೊಡುವುದು ಕೂಡಾ ಈಗೀಗ ಟ್ರೆಂಡ್ ಆಗಿದೆ. ಹೀಗೆ ಅದ್ಭುತ ಡಾನ್ಸ್‌ ಮೂಲಕವೇ ಮದುವೆ ಮಂಟಪಕ್ಕೆ ಎಂಟ್ರಿ ಕೊಟ್ಟ ವಧು ವರರ ವಿಡಿಯೋಗಳು ಈಗಾಗಲೇ ಸೋಶಿಯಲ್ ಮೀಡಿಯಾದಲ್ಲಿ ಹಲವು ಸಲ ವೈರಲ್ ಆಗಿವೆ. ಇದೀಗ ಇಂತಹದ್ದೇ ಮತ್ತೊಂದು ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಟ್ರೆಂಡ್ ಸೃಷ್ಟಿಸಿದೆ.

Also Read : ಮೀನಿನ ಬಲೆಗೆ ಸಿಲುಕಿ ಒದ್ದಾಡಿದ್ದ ಡಾಲ್ಫಿನ್‌ : ರಕ್ಷಣೆಯ ವಿಡಿಯೋ ವೈರಲ್

ವಿವಾಹ ಮಂಟಪಕ್ಕೆ ವಧು ವರರ ಆಗಮನ ಕಲ್ಯಾಣದ ಪ್ರಮುಖ ಘಟ್ಟ. ಸಾಮಾನ್ಯವಾಗಿ ವಧು ವರರು ನಾಚಿ ನೀರಾಗುತ್ತಾ ಸಂಬಂಧಿಕರೊಂದಿಗೆ ಮಂಟಪದತ್ತ ಬರುತ್ತಾರೆ. ಆದರೆ, ಕೆಲವು ಉತ್ಸಾಹಿಗಳು ಡಾನ್ಸ್‌ ಮಾಡುತ್ತಲೇ ಬಂದು ವಿವಾಹದ ಸಂಭ್ರಮವನ್ನು ಇನ್ನಷ್ಟು ರಂಗೇರಿಸುತ್ತಾರೆ. ಅಂತೆಯೇ, ಇಲ್ಲೊಬ್ಬರು ವಧು ಇದೇ ರೀತಿ ಬಾಲಿವುಡ್ ಹಾಡಿಗೆ ಭರ್ಜರಿ ಸ್ಟೆಪ್ಸ್‌ ಹಾಕುತ್ತಲೇ ಎಂಟ್ರಿ ಕೊಟ್ಟಿದ್ದಾರೆ.


Also Read : ವ್ಹಾವ್... ಅದ್ಭುತ... ಶ್ವಾನದ ಈ ಪ್ರೀತಿ ನೋಡಿ ಭಾವುಕರಾಗದೇ ಇರಲು ಸಾಧ್ಯವೇ ಇಲ್ಲ

ಮಹಾರಾಷ್ಟ್ರದ ಈ ವಧು ಹೀಗೆ ಡಿಫ್ರೆಂಟ್ ಆಗಿ ಕಲ್ಯಾಣ ಮಂಟಪಕ್ಕೆ ಬರುವ ಈ ದೃಶ್ಯ ಈಗ ಎಲ್ಲರ ಗಮನ ಸೆಳೆದಿದೆ. ವಿವಾಹಕ್ಕೆ ಆಗಮಿಸಿದ್ದವರು ಕೂಡಾ ಉತ್ಸಾಹದಿಂದಲೇ ವಧುವಿಗೆ ಇನ್ನಷ್ಟು ಹುರಿದುಂಬಿಸಿದ್ದರು. ಮಂಟಪದಲ್ಲಿ ನಿಂತಿದ್ದ ವರ ಕೂಡಾ ತನ್ನ ಬಾಳಸಂಗಾತಿಯ ಭರ್ಜರಿ ಡಾನ್ಸ್‌ಗೆ ಫಿದಾ ಆಗಿ ಮೆಚ್ಚುಗೆ ವ್ಯಕ್ತಪಡಿಸುವ ದೃಶ್ಯ ಕೂಡಾ ಸೂಪರ್.


Also Read : ಈ ಮೀನಿನ ವಯಸ್ಸು ಬರೋಬ್ಬರಿ 81...! : 2ನೇ ಮಹಾಯುದ್ಧದ ಸಂದರ್ಭದಲ್ಲೂ ಬದುಕಿತ್ತು ಈ ಮತ್ಸ್ಯ!

ನಿರೀಕ್ಷೆಯಂತೆಯೇ ಈ ವಿಡಿಯೋ ಕೂಡಾ ಸೋಶಿಯಲ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ. ಎಲ್ಲರೂ ವಧುವಿನ ಉಲ್ಲಾಸಪೂರ್ಣ ನೃತ್ಯಕ್ಕೆ ಶಹಬ್ಬಾಸ್ ಎಂದಿದ್ದಾರೆ. ಜೊತೆಗೆ, ನವಜೋಡಿಗೆ ಶುಭ ಹಾರೈಸಿದ್ದಾರೆ.