ಪರ್ವತದ ಸಿಂಹಗಳು ಮನೆ ಬಳಿ ಬರುವುದು ಹೊಸದೇನೂ ಅಲ್ಲ. ಯುಎಸ್ನ ಕೆಲವೊಂದು ಕಾಡಂಚಿನ ಪ್ರದೇಶದ ಮನೆ ಬಾಗಿಲಿಗೆ ಈ ಕಾಡುಮೃಗಗಳು ಬರುವ ಘಟನೆಗಳು ಆಗಾಗ ನಡೆಯುತ್ತಿರುತ್ತವೆ. ಆಹಾರ ಹುಡುಕಿಕೊಂಡು ಬರುವ ಈ ಪರ್ವತದ ಸಿಂಹಗಳು ಮನೆ ಬಳಿ ಇರುವ ಸಾಕುಪ್ರಾಣಿಗಳನ್ನೂ ತಿಂದು ಹಸಿವು ನೀಗಿಸಿಕೊಳ್ಳುತ್ತವೆ. ಹೀಗೆ ಕಾಡುಮೃಗದ ಕಣ್ಣಿಗೆ ಬಿದ್ದರೆ ಮನೆಯ ಶ್ವಾನಗಳು ಬದುಕುಳಿಯುವ ಸಾಧ್ಯತೆ ಬಲು ಕಡಿಮೆ. ಆದರೆ, ಒಂದೊಂದು ಸಲ ಶ್ವಾನ ಕೂಡಾ ತಮ್ಮ ಧೈರ್ಯ ಪ್ರದರ್ಶಿಸುವ ಯತ್ನ ಮಾಡುತ್ತವೆ. ಸದ್ಯ ಅಂತಹದ್ದೊಂದು ದೃಶ್ಯ ವೈರಲ್ ಆಗುತ್ತಿದೆ. ಇದು ಶ್ವಾನ ಧೈರ್ಯ ಪ್ರದರ್ಶಿಸಿದ ದೃಶ್ಯವೂ ಹೌದು, ನಮ್ಮಲ್ಲೊಂದು ಕಿರುನಗೆ ಮೂಡಿಸುವ ದೃಶ್ಯವೂ ಹೌದು. ಇಲ್ಲೊಂದು ಶ್ವಾನ ತನ್ನ ಮನೆ ಎದುರು ಬಂದಿದ್ದ ಪರ್ವತದ ಸಿಂಹವನ್ನು ಹೆದರಿಸುವ ಪ್ರಯತ್ನ ಮಾಡಿದೆ. ಗಾಜಿನ ಬಾಗಿಲಿನ ಆಚೆ ಮನೆಯೊಳಗೆ ಇದ್ದ ಈ ಶ್ವಾನ ಮನೆಯ ಹೊರಗೆ ಇರುವ ಪರ್ವತದ ಸಿಂಹವನ್ನು ಕಂಡು ತನ್ನ ಸಿಟ್ಟನ್ನು ಪ್ರದರ್ಶಿಸಿತ್ತು. ಶ್ವಾನದ ಈ ಧೈರ್ಯವನ್ನು ಕಂಡು ಪರ್ವತದ ಸಿಂಹ ಕೂಡಾ ಒಂದು ಕ್ಷಣ ತಬ್ಬಿಬ್ಬಾಗಿತ್ತು.
ಕೊಲೊರಾಡೋದ ಗ್ರ್ಯಾಂಡ್ ಲೇಕ್ ಮತ್ತು ಗ್ರಾನ್ಬಿ ನಡುವಿನ ಮನೆಯಲ್ಲಿ ಡಿಸೆಂಬರ್ 2ರಂದು ನಡೆದ ಘಟನೆ ಇದು. ಈ ಮನೆಯ ಮಾಲಕಿ ಸಾರಾ ಬೊಲೆ ಅವರು ಸಂಜೆ ತಮ್ಮ ಕೆಲಸ ಮುಗಿಸಿಕೊಂಡು ಹಿಂದಿರುಗಿದಾಗ ಈ ದೃಶ್ಯ ಕಂಡಿದ್ದರು. ಇವರ ಮುದ್ದಿನ ಶ್ವಾನ ಡ್ಯಾಶ್ ಮನೆ ಎದುರು ಬಂದಿದ್ದ ಪರ್ವತದ ಸಿಂಹವನ್ನು ಕಂಡು ದಿಟ್ಟಿಸಿ ನೋಡುತ್ತಿತ್ತು. ಗಾಜಿನ ಬಾಗಿಲಿನ ಈಚೆ ಮೌನವಾಗಿ ಡ್ಯಾಶ್ ಸಿಂಹವನ್ನೇ ದಿಟ್ಟಿಸಿ ನೋಡುತ್ತಿದ್ದ ಈ ದೃಶ್ಯವನ್ನು ಸಾರಾ ಅವರು ಸೆರೆ ಹಿಡಿದಿದ್ದರು. ಪರ್ವತದ ಸಿಂಹ ಬಾಗಿಲಿನ ಹತ್ತಿರಕ್ಕೆ ಬಂದರೂ ಈ ಶ್ವಾನ ಭಯದಿಂದ ಓಡದೆ ಅಲ್ಲೇ ಕುಳಿತಿತ್ತು. ಈ ವೇಳೆ, ಇವರು ತಮ್ಮ ಶ್ವಾನವನ್ನು ಕರೆದರೂ ಅದು ಅಲ್ಲಿಂದ ಕದಲಿರಲಿಲ್ಲ. ತನ್ನ ದೃಷ್ಟಿಯನ್ನೂ ಆಚೆ ಈಚೆ ಮಾಡಿರಲಿಲ್ಲ.
ತುಂಬಾ ಹೊತ್ತಿನ ತನಕ ಈ ಶ್ವಾನ ಪರ್ವತದ ಸಿಂಹದ ಕಣ್ಣಿಗೆ ಕಣ್ಣಿಟ್ಟು ಧೈರ್ಯದಿಂದ ಪರಿಸ್ಥಿತಿಯನ್ನು ಎದುರಿಸಿತ್ತು. ಕೊನೆಗೆ, ಈ ಕಾಡುಮೃಗ ಅಲ್ಲಿಂದ ಹೋಗಿತ್ತು. ಹೀಗೆ ಪರ್ವತದ ಸಿಂಹ ಅಲ್ಲಿಂದ ಓಡುವಾಗ ಶ್ವಾನ ಬೊಗಳುವುದಕ್ಕೆ ಆರಂಭಿಸಿತ್ತು. ಸದ್ಯ ಈ ವಿಡಿಯೋ ಟ್ವಿಟ್ಟರ್, ಫೇಸ್ಬುಕ್, ಯುಟ್ಯೂಬ್ ಸೇರಿದಂತೆ ವಿವಿಧ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಹರಿದಾಡುತ್ತಿದೆ. ಎಲ್ಲರೂ ಈ ದೃಶ್ಯವನ್ನು ಬಲು ಕುತೂಹಲದಿಂದ ನೋಡುತ್ತಿದ್ದಾರೆ. ಜತೆಗೆ, ಕೆಲವರು ತಮಾಷೆಯ ಪ್ರತಿಕ್ರಿಯೆಯನ್ನೂ ನೀಡುತ್ತಿದ್ದಾರೆ. ಈ ದೃಶ್ಯ ಎಲ್ಲರಲ್ಲೂ ಕಿರುನಗೆ ಮೂಡಿಸುವಲ್ಲಿ ಯಶಸ್ವಿಯಾಗಿದೆ.
ಕೊಲೊರಾಡೋದ ಗ್ರ್ಯಾಂಡ್ ಲೇಕ್ ಮತ್ತು ಗ್ರಾನ್ಬಿ ನಡುವಿನ ಮನೆಯಲ್ಲಿ ಡಿಸೆಂಬರ್ 2ರಂದು ನಡೆದ ಘಟನೆ ಇದು. ಈ ಮನೆಯ ಮಾಲಕಿ ಸಾರಾ ಬೊಲೆ ಅವರು ಸಂಜೆ ತಮ್ಮ ಕೆಲಸ ಮುಗಿಸಿಕೊಂಡು ಹಿಂದಿರುಗಿದಾಗ ಈ ದೃಶ್ಯ ಕಂಡಿದ್ದರು. ಇವರ ಮುದ್ದಿನ ಶ್ವಾನ ಡ್ಯಾಶ್ ಮನೆ ಎದುರು ಬಂದಿದ್ದ ಪರ್ವತದ ಸಿಂಹವನ್ನು ಕಂಡು ದಿಟ್ಟಿಸಿ ನೋಡುತ್ತಿತ್ತು. ಗಾಜಿನ ಬಾಗಿಲಿನ ಈಚೆ ಮೌನವಾಗಿ ಡ್ಯಾಶ್ ಸಿಂಹವನ್ನೇ ದಿಟ್ಟಿಸಿ ನೋಡುತ್ತಿದ್ದ ಈ ದೃಶ್ಯವನ್ನು ಸಾರಾ ಅವರು ಸೆರೆ ಹಿಡಿದಿದ್ದರು. ಪರ್ವತದ ಸಿಂಹ ಬಾಗಿಲಿನ ಹತ್ತಿರಕ್ಕೆ ಬಂದರೂ ಈ ಶ್ವಾನ ಭಯದಿಂದ ಓಡದೆ ಅಲ್ಲೇ ಕುಳಿತಿತ್ತು. ಈ ವೇಳೆ, ಇವರು ತಮ್ಮ ಶ್ವಾನವನ್ನು ಕರೆದರೂ ಅದು ಅಲ್ಲಿಂದ ಕದಲಿರಲಿಲ್ಲ. ತನ್ನ ದೃಷ್ಟಿಯನ್ನೂ ಆಚೆ ಈಚೆ ಮಾಡಿರಲಿಲ್ಲ.
ತುಂಬಾ ಹೊತ್ತಿನ ತನಕ ಈ ಶ್ವಾನ ಪರ್ವತದ ಸಿಂಹದ ಕಣ್ಣಿಗೆ ಕಣ್ಣಿಟ್ಟು ಧೈರ್ಯದಿಂದ ಪರಿಸ್ಥಿತಿಯನ್ನು ಎದುರಿಸಿತ್ತು. ಕೊನೆಗೆ, ಈ ಕಾಡುಮೃಗ ಅಲ್ಲಿಂದ ಹೋಗಿತ್ತು. ಹೀಗೆ ಪರ್ವತದ ಸಿಂಹ ಅಲ್ಲಿಂದ ಓಡುವಾಗ ಶ್ವಾನ ಬೊಗಳುವುದಕ್ಕೆ ಆರಂಭಿಸಿತ್ತು. ಸದ್ಯ ಈ ವಿಡಿಯೋ ಟ್ವಿಟ್ಟರ್, ಫೇಸ್ಬುಕ್, ಯುಟ್ಯೂಬ್ ಸೇರಿದಂತೆ ವಿವಿಧ ಸೋಶಿಯಲ್ ಮೀಡಿಯಾ ಖಾತೆಗಳಲ್ಲಿ ಹರಿದಾಡುತ್ತಿದೆ. ಎಲ್ಲರೂ ಈ ದೃಶ್ಯವನ್ನು ಬಲು ಕುತೂಹಲದಿಂದ ನೋಡುತ್ತಿದ್ದಾರೆ. ಜತೆಗೆ, ಕೆಲವರು ತಮಾಷೆಯ ಪ್ರತಿಕ್ರಿಯೆಯನ್ನೂ ನೀಡುತ್ತಿದ್ದಾರೆ. ಈ ದೃಶ್ಯ ಎಲ್ಲರಲ್ಲೂ ಕಿರುನಗೆ ಮೂಡಿಸುವಲ್ಲಿ ಯಶಸ್ವಿಯಾಗಿದೆ.