ಬಾಹ್ಯಾಕಾಶದಿಂದ ಭೂಮಿ ಹೇಗೆ ಕಾಣಿಸುತ್ತದೆ ಗೊತ್ತಾ?: ಗಗನಯಾತ್ರಿ ಹಂಚಿಕೊಂಡ ವಿಡಿಯೋ ವೈರಲ್

ಆಕಾಶ, ಭೂಮಿ ಜನರ ಪಾಲಿಗೆ ಸದಾ ಕೌತುಕದ ಮೂಟೆ. ಎಲ್ಲರೂ ಬೆರಗುಗಣ್ಣಿಂದಲೇ ನಮ್ಮ ಈ ಪರಿಸರದ ಅದ್ಭುತವನ್ನು ಸದಾ ಕಣ್ತುಂಬಿಕೊಳ್ಳುತ್ತಿರುತ್ತಾರೆ. ಆಕಾಶ, ಭೂಮಿಯನ್ನು ದಿನಾ ನಾವು ನೋಡುತ್ತಿದ್ದರೂ ಇದರ ಬಗ್ಗೆ ಎಲ್ಲರಿಗೂ ಖಂಡಿತಾ ಕುತೂಹಲ ಇದ್ದೇ ಇದೆ. ಜನರ ಇಂತಹ ಕುತೂಹಲ ತಣಿಸಲೆಂದೇ ಒಂದಷ್ಟು ವಿಡಿಯೋಗಳು ಸದಾ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಇದೀಗ, ಬಾಹ್ಯಾಕಾಶದಿಂದ ಸೆರೆ ಹಿಡಿದ ಭೂಮಿಯ ವಿಡಿಯೋವೊಂದು ಎಲ್ಲರ ಗಮನ ಸೆಳೆದಿದೆ.

Also Read : ನೀರಿನಲ್ಲೂ ಧಗಧಗಿಸುವ ಅಗ್ನಿ...! : ಅಚ್ಚರಿ ಮೂಡಿಸಿದೆ ಬೆಂಕಿಯುಗುಳುವ ನಲ್ಲಿ...!

ಇದು ಗಗನಯಾತ್ರಿ ವಿಕ್ಟರ್ ಗ್ಲೋವರ್ ಬಾಹ್ಯಾಕಾಶದಿಂದ ಸೆರೆ ಹಿಡಿದ ವಿಡಿಯೋ. ತಾನು ಮೊದಲ ಬಾರಿಗೆ ಸೆರೆಹಿಡಿದ ಭೂಮಿಯ ಈ ದೃಶ್ಯವನ್ನು ಇವರು ಟ್ವಿಟ್ಟರ್‌ನಲ್ಲಿ ಹಂಚಿಕೊಂಡಿದ್ದಾರೆ. ಮೋಡಿ ಮಾಡುವಂತಹ ಈ ವಿಡಿಯೋ ಈಗ ಜನರ ಮನಸ್ಸು ಗೆದ್ದಿದೆ.


Also Read : ಹಿಮದಲ್ಲಿ ಶ್ವಾನದ ಮರಿಯ ಖುಷಿ ಆಟ : ಮನ ಸೆಳೆಯುತ್ತದೆ ಮುದ್ದಾದ ದೃಶ್ಯ

ಸದ್ಯ ವಿಕ್ಟರ್ ಗ್ಲೋವರ್ ಸ್ಪೇಸ್‌ ಎಕ್ಸ್ ಕ್ರೂ ಡ್ರ್ಯಾಗನ್‌ನಲ್ಲಿದ್ದಾರೆ. ಅಂತಾರಾಷ್ಟ್ರೀಯ ಬಾಹ್ಯಾಕಾಶ ನಿಲ್ದಾಣದಲ್ಲಿರುವ ವಿಕ್ಟರ್ `ಬಾಹ್ಯಾಕಾಶದಿಂದ ನನ್ನ ಮೊದಲ ವಿಡಿಯೋ. ಡ್ರ್ಯಾಗನ್ ರೆಸಿಲಿಯೆನ್ಸ್‌ ಕಿಟಕಿಯ ಮೂಲಕ ಭೂಮಿಯನ್ನು ನೋಡಿದ ಕ್ಷಣ' ಎಂದು ಬರೆದುಕೊಂಡಿದ್ದಾರೆ.

Also Read : ಮಾಲಿಕರಿಗೆ ತನ್ನ ಬಗ್ಗೆ `ಚಾಡಿ' ಹೇಳಿದ್ದಕ್ಕೆ ಜೊತೆಗಾರ ಶ್ವಾನದ ಮೇಲೆ ಕೋಪ! : ಬಲು ತಮಾಷೆಯ ದೃಶ್ಯವಿದು

ನಿರೀಕ್ಷೆಯಂತೆಯೇ ಈ ವಿಡಿಯೋ ಈಗ ಎಲ್ಲರ ಗಮನ ಸೆಳೆದಿದೆ. 1.7 ಮಿಲಿಯನ್‌ಗೂ ಅಧಿಕ ವೀಕ್ಷಣೆ ಗಳಿಸುವಲ್ಲಿಯೂ ಈ ವಿಡಿಯೋ ಸಕ್ಸಸ್ ಆಗಿದೆ. ಈ ವಿಡಿಯೋ ನೋಡಿದ ಎಲ್ಲರೂ ಕುತೂಹಲಭರಿತರಾಗಿಯೇ ಪ್ರತಿಕ್ರಿಯೆ ನೀಡಿದ್ದಾರೆ. ನಿಜಕ್ಕೂ ಇದೊಂದು ಅದ್ಭುತ ವಿಡಿಯೋ. ಇದೇ ಕಾರಣಕ್ಕೆ ಕುತೂಹಲಿಗಳನ್ನು ಈ ವಿಡಿಯೋ ಬಹುವಾಗಿ ಸೆಳೆದಿದೆ. ಎಲ್ಲರೂ ಬಲು ಇಷ್ಟಪಟ್ಟು ಈ ವಿಡಿಯೋ ನೋಡಿ ಎಂಜಾಯ್ ಮಾಡಿದ್ದಾರೆ. ಸಾಮಾನ್ಯರಿಗೆ ಸದಾ ಬಾಹ್ಯಾಕಾಶದ ಬಗ್ಗೆ ಕುತೂಹಲ ಇದ್ದೇ ಇರುತ್ತದೆ. ಹೀಗಾಗಿ, ಸಹಜವೆಂಬಂತೆ ಈ ವಿಡಿಯೋ ಇವರ ಹೃದಯ ಗೆದ್ದಿದೆ.