ಆ್ಯಪ್ನಗರ

ಬ್ಯುಸಿ ಹೈವೇಯಲ್ಲಿ ನಿಶ್ಚಿಂತೆಯಿಂದ ಓಡಾಡಿದ ಗಜಪಡೆ : ಇದು ವಿದೇಶದ ವಿಡಿಯೋ ಅಲ್ಲ...!

ಹೆಣ್ಣಾನೆಯೊಂದು ತನ್ನ ಮರಿ ಸೇರಿದಂತೆ ಗುಂಪಿನೊಂದಿಗೆ ಹೆದ್ದಾರಿಯನ್ನು ದಾಟುವ ವಿಡಿಯೋ ಈಗ ವೈರಲ್ ಆಗುತ್ತಿದೆ. ನಿಶ್ಚಿಂತೆಯಿಂದ ಆನೆಗಳ ಹಿಂಡು ಹೆದ್ದಾರಿ ಪಕ್ಕದಲ್ಲಿ ಹಾಕಿದ್ದ ಗ್ರಿಲ್‌ಗಳನ್ನು ಮುರಿದು ಮುನ್ನುಗ್ಗಿದ್ದನ್ನು ಕಂಡು ಅಲ್ಲಿದ್ದವರು ದಂಗಾಗಿದ್ದರು.

Vijaya Karnataka Web 6 Dec 2019, 8:32 am
ಕೊಯಮತ್ತೂರು : ಆ ಆನೆ ಹಿಂಡು ಸ್ವಚ್ಛಂದವಾಗಿ ವಿಹರಿಸುತ್ತಿದ್ದವು. ತಮ್ಮ ದಾರಿಗೆ ಅಡ್ಡಲಾಗಿದ್ದ ಎಲ್ಲವನ್ನೂ ಪುಡಿಗಟ್ಟಿ ಮುಂದೆ ಸಾಗುತ್ತಿದ್ದವು. ಇಷ್ಟಕ್ಕೂ ಈ ಆನೆಗಳು ಸಾಗಿದ್ದು ಯಾವುದೇ ಅರಣ್ಯದಲ್ಲಿ ಅಲ್ಲ...! ಬದಲಾಗಿ ಬ್ಯುಸಿ ಹೆದ್ದಾರಿಯಲ್ಲಿ...! ತಮಿಳುನಾಡಿನ ಕೊಯಮತ್ತೂರಿನಲ್ಲಿ ಸೆರೆಯಾದ ಈ ವಿಡಿಯೋ ಈಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ಆಗಿಯೇ ವೈರಲ್ ಆಗುತ್ತಿದೆ.
Vijaya Karnataka Web elephant
ರಸ್ತೆ ದಾಟುತ್ತಿರುವ ಆನೆ ಹಿಂಡು | Image Courtesy: Parveen Kaswan, IFS/Twitter


Also Read : ಇಲ್ಲಿ ಗಡಿ ಕಾಯುತ್ತದೆಯಂತೆ ಹುತಾತ್ಮ ಯೋಧನ ಆತ್ಮ... : ಕಟ್ಟಿದ್ದಾರೆ ಮಂದಿರ... ಈ ಕತೆಯೇ ರೋಚಕ...

ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ಪ್ರವೀಣ್ ಕಶ್ವಾನ್ ಟ್ವಿಟ್ಟರಿನಲ್ಲಿ ಈ ವಿಡಿಯೋ ಶೇರ್ ಮಾಡಿಕೊಂಡಿದ್ದಾರೆ. ಸುಮಾರು 38 ಸೆಕೆಂಡಿನ ಈ ವಿಡಿಯೋ ಕ್ಲಿಪ್‌ನಲ್ಲಿ ಹೆಣ್ಣಾನೆಯೊಂದು ತನ್ನ ಗುಂಪಿನೊಂದಿಗೆ ಹೆದ್ದಾರಿಯಲ್ಲಿ ಸಂಚರಿಸುವ ದೃಶ್ಯವಿದೆ. ಈ ಹೆದ್ದಾರಿ ದಾಟುವುದಕ್ಕೂ ಮುನ್ನ ಆನೆಗಳ ಹಿಂಡು ಕಬ್ಬಿಣದ ರೋಡ್ ಡಿವೈಡರನ್ನು ಮುರಿದು ಹಾಕಿವೆ.

ಕೊಯಮತ್ತೂರಿನ ಮೆಟ್ಟುಪಾಳಯಂ ರಾಷ್ಟ್ರೀಯ ಹೆದ್ದಾರಿಯಲ್ಲಿ ಸೆರೆಯಾದ ದೃಶ್ಯವಿದು. ಆನೆಗಳು ಹೆದ್ದಾರಿಯಲ್ಲೇ ಓಡಾಡಿದ್ದರಿಂದ ಸಂಚಾರ ಕೂಡಾ ಅಸ್ತವ್ಯಸ್ತಗೊಂಡಿತ್ತು. ಜನ ಕೂಡಾ ಕುತೂಹಲದಿಂದ ಆನೆಗಳ ಗುಂಪನ್ನು ವೀಕ್ಷಿಸುತ್ತಿದ್ದರು. ಜೊತೆಗೆ, ತಮ್ಮ ಮೊಬೈಲ್ ಫೋನಿನಲ್ಲಿ ಈ ಅಪರೂಪದ ದೃಶ್ಯವನ್ನು ಸೆರೆಹಿಡಿದಿದ್ದರು.

Also Read : ಪದಗಳಿಗೇ ನಿಲುಕದ ಸ್ನೇಹ... : ಈ ವಿಡಿಯೋ ನೋಡಿದರೆ ಕಣ್ಣೀರು ಬರುತ್ತದೆ...

ಸದ್ಯ ಈ ವಿಡಿಯೋ ಸಖತ್ ವೈರಲ್ ಆಗುತ್ತಿದೆ. ಅಲ್ಲದೆ, ಅರಣ್ಯ ನಾಶ ಮಾಡಿ ಪ್ರಾಣಿಗಳ ಬದುಕನ್ನೇ ನುಂಗುತ್ತಿರುವ ಮನುಷ್ಯನ ಲಾಲಸೆ ಬಗ್ಗೆಯೂ ನೆಟ್ಟಿಗರು ಕಿಡಿಕಾರಿದ್ದಾರೆ. ಇವುಗಳ ರಸ್ತೆಯನ್ನು ಕ್ಲಿಯರ್ ಮಾಡುತ್ತಿಲ್ಲ. ಬದಲಾಗಿ ಆದ ತಮ್ಮ ಜಾಗದ ಒತ್ತುವರಿಯನ್ನು ತೆರವುಗೊಳಿಸುತ್ತಿದೆ ಎಂದು ಒಂದಷ್ಟು ಜನ ತಮ್ಮ ಅಭಿಪ್ರಾಯ ವ್ಯಕ್ತಪಡಿಸಿದ್ದಾರೆ.

Also Read : ಈ ಕೆರೆಯನ್ನು ನಿರ್ಮಿಸಿದವನು ಭೀಮನಂತೆ... ಇದರ ಆಳ ಎಷ್ಟಿದೆಯೆಂದು ಯಾರಿಗೂ ಗೊತ್ತಿಲ್ಲ...!
ನಿಜ... ಜನ ಮುಂದುವರಿದಷ್ಟೂ ಪ್ರಾಣಿಗಳು ಕಷ್ಟ ಅನುಭವಿಸುತ್ತಿವೆ. ಅಭಿವೃದ್ಧಿ ಹೆಸರಿನಲ್ಲಿ ನಾಶವಾಗುತ್ತಿರುವ ಪರಿಸರ ಉಳಿಸಲು ಮುಂದಾಗುವವರ ಸಂಖ್ಯೆಯೂ ಕಡಿಮೆಯಾಗುತ್ತಿದೆ. ಇದು ಭವಿಷ್ಯಕ್ಕೆ ಮಾರಕ ಎಂಬುದರಲ್ಲಿ ಎರಡು ಮಾತಿಲ್ಲ.

ಮುಂದಿನ ಲೇಖನ

Vijay Karnataka News App: ನಿಮ್ಮ ಸುತ್ತಮುತ್ತಲು ನಡೆಯುವ ವಿದ್ಯಮಾನಗಳನ್ನುಹಂಚಿಕೊಳ್ಳಲು ಬಯಸುತ್ತೀರಾ? ಹಾಗಿದ್ದಲ್ಲಿ ವಿಜಯ ಕರ್ನಾಟಕ ಆ್ಯಪ್‌ಡೌನ್‌ಲೋಡ್‌ ಮಾಡಿಕೊಳ್ಳಿ ಹಾಗೂ ರಿಪೋರ್ಟ್‌ ಕಳಿಸಿ
ಲೇಟೆಸ್ಟ್‌ ನ್ಯೂಸ್‌ ಅಪ್‌ಡೇಟ್‌ಗಳನ್ನು ಪಡೆಯಿರಿ, Vijay Karnataka ಫೇಸ್‌ಬುಕ್‌ಪೇಜ್‌ ಲೈಕ್‌ ಮಾಡಿರಿ