ವಿಡಿಯೋ ಕಾಲ್‌ನಲ್ಲೇ ನಡೆದು ಹೋಯಿತು ಎಂಗೇಜ್ಮೆಂಟ್...!

ಈಗ ಎಲ್ಲವೂ ಆನ್‌ಲೈನ್...! ಊಟ ಆನ್‌ಲೈನ್, ವ್ಯಾಪಾರ ಆನ್‌ಲೈನ್... ಜಗತ್ತು ಡಿಜಿಟಲ್ ಆಗುತ್ತಿದ್ದಂತೆಯೇ ಎಲ್ಲವೂ ಆನ್‌ಲೈನ್ ಆಗುತ್ತಿದೆ. ಬರೀ ಇಷ್ಟೇ ಅಲ್ಲ, ಇಂಟರ್ನೆಟ್ ಒಂದಿದ್ದರೆ ಸಾಕು ಮದುವೆ, ಎಂಗೇಜ್ಮೆಂಟ್ ಕೂಡಾ ಆನ್‌ಲೈನ್‌ನಲ್ಲೇ ನಡೆದು ಹೋಗುತ್ತದೆ. ಇದಕ್ಕೆ ಸಾಕ್ಷಿ ಎಂಬಂತೆ ಗುಜರಾತಿ ಕುಟುಂಬವೊಂದು ವಿಡಿಯೋ ಕಾಲ್‌ನಲ್ಲೇ ಜೋಡಿಯೊಂದರ ನಿಶ್ಚಿತಾರ್ಥವನ್ನು ಮುಗಿಸಿಬಿಟ್ಟಿದೆ.

Also Read : ಇನ್‌ಸ್ಟ್ರಾಗ್ರಾಂನಲ್ಲಿ ರತನ್ ಟಾಟಾ ಸಾಧನೆ : ಅಭಿಮಾನಿಗಳಿಗೆ ಹೃದಯಸ್ಪರ್ಶಿ ಧನ್ಯವಾದ

ಸದ್ಯ ಸಾಮಾಜಿಕ ಮಾಧ್ಯಮದಲ್ಲಿ ಇಂತಹದ್ದೊಂದು ವಿಡಿಯೋ ಹರಿದಾಡುತ್ತಿದೆ. ಗುಜರಾತಿ ಕುಟುಂಬವೊಂದು ಸಂಪ್ರದಾಯಬದ್ಧವಾಗಿ ಈ ನಿಶ್ಚಿತಾರ್ಥ ಮುಗಿಸಿದೆ. ಎರಡು ಅಲಂಕೃತ ಮರದ ಸ್ಟೂಲ್‌ನಲ್ಲಿ ಎರಡು ಫೋನ್‌ಗಳನ್ನು ಇಟ್ಟು ಹುಡುಗ- ಹುಡುಗಿಗೆ ವಿಡಿಯೋ ಕಾಲ್ ಮಾಡಲಾಗಿತ್ತು. ಬಳಿಕ ಕುಟುಂಬದವರೆಲ್ಲಾ ಸೇರಿ ನಿಶ್ಚಿತಾರ್ಥದ ಸಂಪ್ರದಾಯವನ್ನು ಶಾಸ್ತ್ರೋಕ್ತವಾಗಿ ಪೂರೈಸಿದ್ದಾರೆ.

Also Read : ಶ್ವಾನ ಆಟ ಆಡುತ್ತಿದ್ದಾಗ ಮನೆಯಲ್ಲಿ ಹೊತ್ತಿ ಉರಿದ ಬೆಂಕಿ...! : ಇಲ್ಲಿದೆ ವಿಡಿಯೋ

ಇಬ್ಬರ ಮನೆಯವರೂ ಈ ಸಂದರ್ಭದಲ್ಲಿ ಉಪಸ್ಥಿತರಿದ್ದರು. ಜೊತೆಗೆ, ಹುಡುಗ ಹುಡುಗಿ ಎದುರು ಆಭರಣ, ಹೊಸ ಬಟ್ಟೆಗಳನ್ನೂ ಇಡಲಾಗಿತ್ತು. ಈ ವೇಳೆ, ಮಹಿಳೆಯೊಬ್ಬರು ಯುವತಿಯ ತಲೆಗೆ ಚುನರಿ ತೊಡಿಸುತ್ತೇನೆಂದು ಕೆಂಪು ದುಪ್ಪಟ್ಟವನ್ನು ಫೋನಿನ ಮೇಲೆ ಹಾಕುವ ದೃಶ್ಯ ಕೂಡಾ ವಿಡಿಯೋದಲ್ಲಿ ಸೆರೆಯಾಗಿದೆ.

Also Read : ಜ್ವಾಲಾ ದೇವಿಯ ಸನ್ನಿಧಿಯಲ್ಲಿ ಎಣ್ಣೆ, ಬತ್ತಿ ಇಲ್ಲದೆಯೇ ಅನಾದಿಕಾಲದಿಂದಲೂ ಉರಿಯುತ್ತಿದೆ ಬೆಂಕಿ...!

ಈ ವಿಡಿಯೋ ಎಲ್ಲಿನದ್ದು ಎಂಬುದು ಗೊತ್ತಾಗಿಲ್ಲ. ಆದರೆ, ಸಾಮಾಜಿಕ ಮಾಧ್ಯಮಗಳಲ್ಲಿ ಈ ವಿಡಿಯೋ ಸಖತ್ ಆಗಿಯೇ ಹರಿದಾಡುತ್ತಿದೆ.