ಬರೀ ಆತಂಕದ ನಡುವೆಯೇ ಆಸ್ಟ್ರೇಲಿಯಾಕ್ಕೆ ಖುಷಿ ಕೊಟ್ಟಿತ್ತು ಆ ಸಿಹಿ ಸುದ್ದಿ...

2020ನೇ ಇಸವಿಯನ್ನು ಜನ ಎಂದೂ ಮರೆಯಲು ಸಾಧ್ಯವೇ ಇಲ್ಲ. ಯಾಕೆಂದರೆ, ಈ ವರ್ಷ ಒಂದಷ್ಟು ದುರಂತಗಳಿಗೆ ಸಾಕ್ಷಿಯಾಯಿತು. ಅದರಲ್ಲೂ ರಕ್ಕಸ ಕೊರೊನಾ ವೈರಸ್ ಈಗಲೂ ಜನರನ್ನು ಕ್ಷಣಕ್ಷಣಕ್ಕೂ ಕಾಡುತ್ತಲೇ ಇದೆ.

ನೆನಪಿದೆಯಾ ಕೆಲ ತಿಂಗಳ ಹಿಂದಷ್ಟೇ ಆಸ್ಟ್ರೇಲಿಯಾದ ಒಂದಷ್ಟು ಭಾಗ ಅಕ್ಷರಶಃ ಬೆಂಕಿಯುಂಡೆಯಾಗಿತ್ತು. ಕಾಡಿಗೆ ಬಿದ್ದ ಬೆಂಕಿ ಕೋಟ್ಯಂತರ ಸಂಖ್ಯೆ ಜೀವಿಗಳನ್ನು ಆಪೋಷಣೆ ಪಡೆದಿತ್ತು. ಅದೆಷ್ಟೋ ಜನ ಮನೆ ಕಳೆದುಕೊಂಡು ಸಂತ್ರಸ್ತರಾಗಿದ್ದರು. ಈ ಬೆಂಕಿ ಕೆನ್ನಾಲೆಗೆ ಹಲವರನ್ನು ಬಲಿ ಪಡೆದು ಗಹಗಹಿಸಿತ್ತು.

Also Read : ಮೂರನೇ ಮಹಡಿ ಕಿಟಕಿಯಿಂದ ಜಾರಿದ ಕಂದ : ದೇವರಂತೆ ಬಂದ ಯುವಕ...

ಹೇಳಿ ಕೇಳಿ ಆಸ್ಟ್ರೇಲಿಯಾದ ಕಾಡುಗಳು ಕೋಲಾಗಳ ಆವಾಸ ಸ್ಥಾನ. ಅಂದು ಈ ಮುಗ್ಧ ಕೋಲಾ ಕರಡಿಗಳ ಮನೆಗೇ ಬೆಂಕಿ ಬಿದ್ದಿತ್ತು. ಹೀಗಾಗಿ, ಅದೆಷ್ಟೋ ಕೋಲಾಗಳು ಬೆಂಕಿಯಲ್ಲಿ ಸಜೀವ ದಹನವಾಗಿದ್ದರೆ, ಗಾಯಗೊಂಡು ತೀವ್ರ ನರಳಾಡುತ್ತಿದ್ದ ಕೆಲ ಕೋಲಾಗಳು ಜೀವ ಉಳಿಸಿಕೊಳ್ಳಲು ಓಡಿ ಬರುತ್ತಿದ್ದ ದೃಶ್ಯಗಳು ಅಂದು ಎಲ್ಲರ ಮನಸ್ಸು ಕರಗಿಸುತ್ತಿತ್ತು.

Also Read : ಹಾರಿ ಬಂದು ಕಾರಿನ ಮುಂಭಾಗದ ಗಾಜಿನಲ್ಲಿ ಸಿಕ್ಕಿಬಿದ್ದ ಆಮೆ...!

ಈ ಘೋರ ದಿನಗಳ ನೆನಪಿನ ದೃಶ್ಯ ಇಂದಿಗೂ ಕಣ್ಣಿಗೆ ಕಟ್ಟಿದಂತಿದೆ. ಆದರೆ, ಈ ನೋವನ್ನು ಮರೆಸುವ ಸಿಹಿ ಸುದ್ದಿ ಬಂದಿದೆ. ಅದೇನೆಂದರೆ, ಈ ದುರಂತದ ಬಳಿಕ ಈಗ ಕೋಲಾ ಮರಿಯೊಂದು ಜನಿಸಿದೆ. ಇದು ಆಸೀಸ್ ಜನರ ಖುಷಿಯನ್ನು ಇಮ್ಮಡಿಯಾಗಿಸಿದೆ. ಈ ಮುದ್ದು ಮರಿ ಅಂದಿನ ನೆನಪನ್ನು ಮರೆಸುತ್ತಿದೆ.

Also Read : 76 ವರ್ಷದ ಅಜ್ಜಿಯ ಜೋಕಾಲಿಯಾಟ...! : ವೃದ್ಧೆಯ ಉತ್ಸಾಹಕ್ಕೆ ನೆಟ್ಟಿಗರು ಫಿದಾ


ಆಸ್ಟ್ರೇಲಿಯಾದ ರೆಪ್ಟೈಲ್ ಪಾರ್ಕ್‌ನಲ್ಲಿ ಈ ಮರಿ ಜನಿಸಿದ್ದು, ಇಲ್ಲಿ ಸಂಭ್ರಮ ಮನೆ ಮಾಡಿದೆ. ಅಂದಿನ ಕಾಳ್ಗಿಚ್ಚು ಕೋಲಾ ಸಂತತಿಗೆ ಮಾರಕವಾಗಲಿದೆ ಎಂಬ ಆತಂಕ ಎದುರಾಗಿತ್ತು. ಆದರೆ, ಈ ಮುದ್ದು ಮರಿಯ ಜನನದಿಂದ ಈ ಆತಂಕ ಕೊಂಚ ದೂರವಾಗಿದ್ದು, ಮತ್ತೆ ಇಲ್ಲಿ ಕೋಲಾಗಳ ಓಡಾಡವನ್ನು ಕಣ್ತುಂಬಿಕೊಳ್ಳುವ ಭರವಸೆ ಮೂಡಿದೆ. ಈ ಕಂದನಿಗೆ ಅಧಿಕಾರಿಗಳು ಎಶ್ ಎಂದು ಹೆಸರಿಟ್ಟಿದ್ದಾರೆ. ಸದ್ಯ ಈ ವಿಡಿಯೋ ಫೇಸ್‌ಬುಕ್‌ನಲ್ಲಿ ಅಪ್ಲೋಡ್ ಆಗಿದ್ದು, ಈ ಮರಿಯನ್ನು ಕಂಡು ಎಲ್ಲರೂ ಸಂತಸ ವ್ಯಕ್ತಪಡಿಸಿದ್ದಾರೆ.