76 ವರ್ಷದ ಅಜ್ಜಿಯ ಜೋಕಾಲಿಯಾಟ...! : ವೃದ್ಧೆಯ ಉತ್ಸಾಹಕ್ಕೆ ನೆಟ್ಟಿಗರು ಫಿದಾ

ವಯಸ್ಸು ಬರೀ ಸಂಖ್ಯೆಯಷ್ಟೇ...! ಉತ್ಸಾಹವೊಂದಿದ್ದರೆ ಯಾವ ವಯಸ್ಸಿನಲ್ಲಿ ಬೇಕಾದರೂ ಅದ್ಭುತ ಖುಷಿಯ ಜೀವನವನ್ನು ನಡೆಸಬಹುದು... ಬದುಕಿನ ಸಣ್ಣ ಸಣ್ಣ ಖುಷಿಗಳನ್ನೂ ಅನುಭವಿಸಬಹುದು... ಅದಕ್ಕೆ ಸಾಕ್ಷಿ ಈ ಅಜ್ಜಿ...

ಬಾಲ್ಯದ ದಿನಗಳ ನೆನಪು ಎಲ್ಲರಿಗೂ ಸದಾ ಶಾಶ್ವತ. ಜನ ಏನನ್ನು ಮರೆತರೂ ಬಾಲ್ಯವನ್ನು ಖಂಡಿತಾ ಮರೆಯಲಾರರು. ಯಾಕೆಂದರೆ, ಬಾಲ್ಯ ಎಂಬುದೇ ಒಂದು ಸುಂದರ ಜಗತ್ತು... ಆಗಿನ ಆಟ, ತುಂಟಾಟ, ಲೋಕವನ್ನು ಬೆರಗುಗಣ್ಣಿನಿಂದ ನೋಡುತ್ತಿದ್ದ ಖುಷಿ ಎಲ್ಲರನ್ನೂ ಹಕ್ಕಿಯಂತೆ ಹಾರುವಂತೆ ಮಾಡುತ್ತಿತ್ತು... ಬದುಕಿನ ಜಂಜಡಗಳಿಲ್ಲದ ದಿನಗಳಿವುಗಳಾಗಿದ್ದವು. ಇದೆ ಕಾರಣಕ್ಕೆ ಬಾಲ್ಯ ಎಂಬುದು ಸುಂದರ ನೆನಪಿನ ಬುತ್ತಿ. ನಮಗೆಷ್ಟು ವರ್ಷವಾದರೂ ಆಗಿನ ಬಾಲ್ಯದ ಆಟವನ್ನು ಯಾರೂ ಮರೆಯುವುದಿಲ್ಲ ಎಂಬುದಕ್ಕೆ ಈ ಅಜ್ಜಿ ಉದಾಹರಣೆ.

Also Read : ಮಗುವಿನ ನಿರೀಕ್ಷೆಯಲ್ಲಿ ಟ್ರಾನ್ಸ್‌ಜೆಂಡರ್ ದಂಪತಿ : ಇಬ್ಬರ ಫೋಟೋ ವೈರಲ್


ಈ ಅಜ್ಜಿಯ ಹೆಸರು ಜಯಾ. ಆಂಧ್ರಪ್ರದೇಶದ ಅನಂತಪುರ ಜಿಲ್ಲೆಯವರು. ಇವರ ವಯಸ್ಸು 76. ಆದರೆ, ವಯಸ್ಸು ಆಗಿದ್ದು ದೇಹಕಷ್ಟೇ. ಮನಸ್ಸು, ಜೀವನ ಪ್ರೀತಿ, ಜೀವನೋತ್ಸಾಹಕ್ಕೆ ವಯಸ್ಸಾಗಿಲ್ಲ. ಹೀಗಾಗಿ, ಇವರು ತನ್ನ ಬದುಕಿನ ಸಣ್ಣ ಸಣ್ಣ ಖುಷಿಯನ್ನೂ ಅನುಭವಿಸುತ್ತಿದ್ದಾರೆ.

Also Read : ಹಾರಿ ಬಂದು ಕಾರಿನ ಮುಂಭಾಗದ ಗಾಜಿನಲ್ಲಿ ಸಿಕ್ಕಿಬಿದ್ದ ಆಮೆ...!

ಸದ್ಯ ಈ ಅಜ್ಜಿ ಜೋಕಾಲಿಯಾಡುವ ವಿಡಿಯೋ ವೈರಲ್ ಆಗುತ್ತಿದೆ. ಈ ವಿಡಿಯೋ ಕಂಡ ನೆಟ್ಟಿಗರು ಅಜ್ಜಿಯನ್ನು ಉತ್ಸಾಹಕ್ಕೆ ಅಚ್ಚರಿಪಟ್ಟಿದ್ದಾರೆ. ಅಲ್ಲದೆ, ಅಜ್ಜಿಯ ಫಿಟ್ನೆಸ್, ಜೋಕಾಲಿಯಲ್ಲಿ ಬ್ಯಾಲೆನ್ಸ್‌ ಮಾಡುವ ರೀತಿ ಕೂಡಾ ನೆಟ್ಟಿಗರನ್ನು ಬಹುವಾಗಿ ಸೆಳೆದಿದೆ.

Also Read : ಅಬ್ಬಬ್ಬಾ... ಈ 12 ವರ್ಷದ ಬಾಲಕ ಕರಡಿಯಿಂದ ತಪ್ಪಿಸಿಕೊಂಡ ದೃಶ್ಯವೇ ರೋಚಕ!


ಎರಡು ವರ್ಷದ ಹಿಂದೆ ಇಂತಹದ್ದೇ ಇನ್ನೊಂದು ವಿಡಿಯೋ ಕೂಡಾ ವೈರಲ್ ಆಗಿತ್ತು. ಮಾಜಿ ಕ್ರಿಕೆಟಿಗ ವೀರೇಂದ್ರ ಸೆಹ್ವಾಗ್ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಈ ವಿಡಿಯೋ ಹಂಚಿಕೊಂಡಿದ್ದರು. ಕೆಂಬಣ್ಣದ ಸೀರೆಯುಟ್ಟಿದ್ದ ಅಜ್ಜಿ ಬಲು ಉತ್ಸಾಹದಿಂದ ಜೋಕಾಲಿಯಾಡುವ ದೃಶ್ಯ ಕಂಡು ಅಂದು ನೆಟ್ಟಿಗರು ಖುಷಿಪಟ್ಟಿದ್ದರು.