ಮೊಮ್ಮಕ್ಕಳನ್ನು ನೋಡಲು ಡಿಫ್ರೆಂಟ್ ಗೆಟಪ್‌ನಲ್ಲಿ ಬಂದ ಅಜ್ಜಿ: ಇದು ಹೃದಯಸ್ಪರ್ಶಿ ವಿಡಿಯೋ

ಅದೆಷ್ಟು ದಿನಗಳ ಕಾತರವಿದು... ಖುಷಿಖುಷಿಯಾಗಿದ್ದ ಅಜ್ಜಿ ಮೊಮ್ಮಕ್ಕಳನ್ನು ರಕ್ಕಸ ಕೊರೊನಾ ವೈರಸ್ ದೂರ ಮಾಡಿತ್ತು. ಆಟ ಆಡುತ್ತಾ ಅಜ್ಜಿಯೊಂದಿಗೆ ಕಾಲ ಕಳೆಯುತ್ತಿದ್ದ ಮೊಮ್ಮಕ್ಕಳು ಒಂದು ಮನೆಯಲ್ಲಿ ಉಳಿದಿದ್ದರೆ, ಅಜ್ಜಿ ಇನ್ನೊಂದು ಮನೆಯಲ್ಲಿ ಉಳಿದು ಪರಸ್ಪರ ಭೇಟಿಯಾಗದ ನೋವಲ್ಲಿ ಕೊರಗುತ್ತಿದ್ದರು. ಆದರೆ, ಈಗ ಈ ನೋವು ಮರೆಯಾಗಿದೆ. ಅಜ್ಜಿ ಮೊಮ್ಮಕ್ಕಳು ಕೊನೆಗೂ ಭೇಟಿಯಾಗಿದ್ದಾರೆ. ಈ ದೃಶ್ಯವೇ ಹೃದಯಸ್ಪರ್ಶಿಯಾಗಿದೆ...

Also Read : 120 ವರ್ಷ ಹಿಂದಿನ ಫೋಟೋಗಳ ಡೆವಲಪ್! : ನೋಡಿದರೇನೇ ಅಚ್ಚರಿಯಾಗುತ್ತದೆ!

ಕೊರೊನಾ ವೈರಸ್ ದಾಂಗುಡಿ ಇಟ್ಟ ಬಳಿಕ ಜಗತ್ತಿನ ನೆಮ್ಮದಿಯೇ ದೂರವಾಗಿದೆ. ಹೆಚ್ಚಿನ ಜನರು ಮನೆಯೊಳಗೇ ಕಾಲ ಕಳೆಯುವುದರಿಂದ ದೂರದ ಸ್ಥಳದಲ್ಲಿ ವಾಸವಾಗಿರುವ ಕುಟುಂಬದ ಸದಸ್ಯರು ಪರಸ್ಪರ ಭೇಟಿಯಾಗುವುದಕ್ಕೂ ಸಾಧ್ಯವಾಗುತ್ತಿಲ್ಲ. ಹೀಗಾಗಿ, ಒಂದಷ್ಟು ಜನ ಅತ್ಯಂತ ಸೃಜನಾತ್ಮಕವಾಗಿ ಪರಸ್ಪರ ಭೇಟಿಯಾಗುವ ಮಾರ್ಗಗಳನ್ನು ಕಂಡುಕೊಳ್ಳುತ್ತಿದ್ದಾರೆ. ಕಳೆದ ತಿಂಗಳು ಕ್ಯಾಲಿಫೋರ್ನಿಯಾದ 10 ವರ್ಷದ ಬಾಲಕಿ ತನ್ನ ಅಜ್ಜ ಅಜ್ಜಿಯನ್ನು ತಬ್ಬಿಕೊಳ್ಳಲು `ಅಪ್ಪುಗೆಯ ಪರದೆ'ಯನ್ನು ಸಿದ್ಧ ಮಾಡಿದ್ದಳು. ಇದೇ ರೀತಿ ಅನೇಕರು ಅನೇಕ ಸೃಜನಾತ್ಮಕ ರೀತಿಯಲ್ಲಿ ಪರಸ್ಪರ ಭೇಟಿಯಾಗಿದ್ದರು. ಇದೀಗ ಅಜ್ಜಿ ಮೊಮ್ಮಕ್ಕಳು ಭೇಟಿಯಾಗುವ ಹೃದಯಸ್ಪರ್ಶಿ ವಿಡಿಯೋವೊಂದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.

Also Read : ಕಪಾಟಿನೊಳಗೆ ಇದಕ್ಕಿದ್ದಂತೆಯೇ ಗೊಂಬೆಗಳ `ಚಲನೆ'!: ವಿಡಿಯೋ ಹಿಂದಿನ ರಹಸ್ಯವೇನು?


ಕೋವಿಡ್ 19 ಸಾಂಕ್ರಾಮಿಕ ರೋಗದಿಂದಾಗಿ ಮಾರ್ಚ್ 17ರಿಂದ ಮೌರೀನ್ ಸ್ವೀನಿ ಅವರಿಗೆ ತನ್ನ ಮೊಮ್ಮಕ್ಕಳನ್ನು ಭೇಟಿಯಾಗಲು ಸಾಧ್ಯವಾಗಿರಲಿಲ್ಲ. ಮೊಮ್ಮಕ್ಕಳು ವಾಸವಾಗಿರುವ ಮನೆ ಸ್ವಲ್ಪವೇ ಸ್ವಲ್ಪ ದೂರದಲ್ಲಿ ಇದ್ದರೂ ಇವರು ಸಾಮಾಜಿಕ ಅಂತರ ಕಾಯ್ದುಕೊಳ್ಳಬೇಕಾಗಿರುವುದರಿಂದ ಪರಸ್ಪರ ಭೇಟಿಯಾಗಿರಲಿಲ್ಲ. ಇದರಿಂದ ಅಜ್ಜಿ ಸ್ವೀನಿ ತುಂಬಾ ನೊಂದಿದ್ದರು. ಜೊತೆಗೆ, ಮೊಮ್ಮಕ್ಕಳಾದ ರಿಯಾನ್ ಮತ್ತು ಲಿಂಕನ್ ಕೂಡಾ ಅಜ್ಜಿಯನ್ನು ಭೇಟಿಯಾಗದೆ ಪರಿತಪಿಸುತ್ತಿದ್ದರು.

Also Read : ಸಿನಿಮಂದಿಗೆ ಇಷ್ಟವಾಗಿರುವ ಆ ಮುರಿದ ಸೇತುವೆ ಬಳಿ ರಾತ್ರಿ ಯಾರೂ ಹೋಗುವುದಿಲ್ಲ...!

ಆದರೆ, ಈಗ ಎರಡ್ಮೂರು ತಿಂಗಳ ಬಳಿಕ ಅಜ್ಜಿ ವಿಭಿನ್ನ ಡ್ರೆಸ್ ತೊಟ್ಟು ಬಂದು ಮೊಮ್ಮಕ್ಕಳನ್ನು ಭೇಟಿಯಾಗಿದ್ದಾರೆ. ಮೊಮ್ಮಕ್ಕಳನ್ನು ತಬ್ಬಿಕೊಂಡು ಮುದ್ದಿಸಿದ್ದಾರೆ. ಅಜ್ಜಿಯನ್ನು ಕಂಡ ತಕ್ಷಣ ಮೊಮ್ಮಕ್ಕಳು ಕೂಡಾ ಓಡೋಡಿ ಬಂದಿದ್ದಾರೆ. ಈ ಸಂತೋಷಕರ ಪುನರ್ಮಿಲನವನ್ನು ಮೌರೀನ್ ಅವರ ಪುತ್ರ ಹಗ್ ಡಿಲ್ಲನ್ ತನ್ನ ಕ್ಯಾಮೆರಾದಲ್ಲಿ ಸೆರೆಹಿಡಿದಿದ್ದು, ಇದು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.