`ನನ್ನ ಅನುಮತಿ ಇಲ್ಲದೆ ಫೋಟೋ ತೆಗೆದ್ರೆ ಅಷ್ಟೇ...!' : ಹೀಗೆ ಹೇಳುತ್ತಿರಬಹುದಾ ಈ ಆನೆ...?

ಆನೆಗಳು ಬಲು ಬುದ್ಧಿವಂತ ಜೀವಿಗಳು. ಇಂತಹ ಆನೆಗಳು ಬಹುತೇಕ ಸಂದರ್ಭದಲ್ಲಿ ಖುಷಿ ಖುಷಿಯಾಗಿ ಕಳೆಯುತ್ತವೆ. ಇನ್ನು ಆನೆಗಳ ತುಂಟಾಟವನ್ನು ನೋಡುವುದು ಕೂಡಾ ಬಲು ಸೊಗಸು. ಹೀಗೆ, ಆನೆಗಳು ಸಂತಸದಿಂದ ಇರುವ ಅದೆಷ್ಟೋ ವಿಡಿಯೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಲೇ ಇರುತ್ತವೆ ಮತ್ತು ಈ ಎಲ್ಲಾ ವಿಡಿಯೋಗಳನ್ನು ನೆಟ್ಟಿಗರು ಬಲು ಇಷ್ಟಪಟ್ಟು ನೋಡುತ್ತಿರುತ್ತಾರೆ. ಸದ್ಯ ಇಂತಹದ್ದೇ ಒಂದು ವಿಡಿಯೋ ವೈರಲ್ ಆಗುತ್ತಿದೆ. ಇದು ಆನೆಯ ತುಂಟಾಟವೂ ಹೌದು, ಕೋಪ - ಅಸಮಾಧಾನದ ಸಾತ್ವಿಕ ಪ್ರದರ್ಶನವೂ ಹೌದು.

Also Read : ಕೃತಕ ಕಾಲಿನಲ್ಲಿ ನಡೆಯುತ್ತಿದೆ ಈ ಆನೆ : ಇದು ಹೃದಯಸ್ಪರ್ಶಿ ವಿಡಿಯೋ

ಅದೊಂದು ಆನೆ ನೀರಿನ ತೊಟ್ಟಿಯ ಪಕ್ಕ ನಿಂತಿತ್ತು. ನೋಡುವುದಕ್ಕೇ ಸುಂದರ ಆನೆಯದು. ಇಂತಹ ಸನ್ನಿವೇಶ ಇದ್ದರೆ ಯಾರಾದರೂ ಛಾಯಾಗ್ರಾಹಕರು ಇದನ್ನು ಸೆರೆಹಿಡಿಯದೇ ಇರುತ್ತಾರಾ...? ಅಂತೆಯೇ, ಈ ಛಾಯಾಗ್ರಾಹಕರೂ ಆನೆಯ ಸೊಬಗನ್ನು ತಮ್ಮ ಕ್ಯಾಮೆರಾದಲ್ಲಿ ಸೆರೆ ಹಿಡಿಯಲು ಸಿದ್ಧರಾಗಿದ್ದರು. ಆದರೆ, ಜಾಣ ಆನೆಗೆ ಇದು ಗೊತ್ತಾಗಿತ್ತು. ಅಲ್ಲದೆ, ಬಹುಶಃ ತನ್ನ ಫೋಟೋ ಕ್ಲಿಕ್ಕಿಸುವುದು ಆನೆಗೂ ಇಷ್ಟ ಇರಲಿಲ್ಲ ಎಂದೆನಿಸುತ್ತದೆ. ಅದಕ್ಕೆ ತೊಟ್ಟಿಗೆ ಇಳಿಸಿದ್ದ ಸೊಂಡಿಲನ್ನು ತೆಗೆದು ಛಾಯಾಗ್ರಾಹಕನೆಡೆಗೆ ನೀರು ಹಾರಿಸಿತ್ತು ಆನೆ...! ಆ ಛಾಯಾಗ್ರಾಹಕ ವಾಹನದೊಳಗೆ ಇದ್ದುದರಿಂದ ಏನೂ ಆಗಲಿಲ್ಲ. ಇಲ್ಲವಾದರೆ, ಕ್ಯಾಮೆರಾಕ್ಕೆ ನೀರು ಬಿದ್ದು ಖಂಡಿತಾ ತೊಂದರೆಯಾಗುತ್ತಿತ್ತು...!

Also Read : ಈ ಪ್ರಖ್ಯಾತ ಹೋಟೆಲ್‌ನ ಕೋಣೆ ಕೋಣೆಗೆ ಹೋದರೂ ಸಿಗುತ್ತದೆ ದೆವ್ವದ ಕತೆ...!

ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ಸುಸಂತ ನಂದ ಅವರು ಈ ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇಲ್ಲಿದೆ ಆ ವಿಡಿಯೋ...

Also Read : ಬ್ರಿಟಿಷರ ಕಾಲದ `ಗೊಂಬೆಗಳ ಮನೆ'ಯಲ್ಲಿದೆಯಂತೆ ಯುವತಿಯರ ಪ್ರೇತಾತ್ಮಗಳ ಸಂಚಾರ

ಈ ವಿಡಿಯೋ ಈಗ ನೆಟ್ಟಿಗರ ಗಮನ ಸೆಳೆದಿದೆ. ಅಲ್ಲದೆ, ಎಲ್ಲರೂ ಬಲು ತಮಾಷೆಯ ಪ್ರತಿಕ್ರಿಯೆಯನ್ನು ಕೊಟ್ಟಿದ್ದಾರೆ. `ನನಗೆ ಕ್ಯಾಮೆರಾ ಕಂಡರೆ ನಾಚಿಕೆ, ನಿಮಗೆ ಗೊತ್ತಿಲ್ಲವೇ...?' ಎಂದು ಒಬ್ಬರು ಆನೆಯ ದಾಟಿಯಲ್ಲಿ ಪ್ರತಿಕ್ರಿಯೆ ಕೊಟ್ಟರೆ, ಇನ್ನೊಬ್ಬರು `ಈ ವಿಡಿಯೋ ಶೇರ್ ಮಾಡಿದ್ದಕ್ಕೆ ಧನ್ಯವಾದ. ಮುಂದಿನ ಸಲ ನಾನು ಫೋಟೋ ಕ್ಲಿಕ್ಕಿಸುವಾಗ ರೈನ್ ಕವರ್ ಬಳಸುತ್ತೇನೆ' ಎಂದು ಹೇಳಿದ್ದಾರೆ. ಹೀಗೆ ಖುಷಿ, ತಮಾಷೆಯ ಪ್ರತಿಕ್ರಿಯೆಗಳೊಂದಿಗೆ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿಯಾಗಿಯೇ ಹರಿದಾಡುತ್ತಿದೆ.