ನಡುರಾತ್ರಿ ಕಾಫಿಶಾಪ್‌ನೊಳಗೆ ಚಿರತೆಯ ಬಿಂದಾಸ್ ವಾಕ್...!

ಯಾರ ಭಯವೂ ಇಲ್ಲ... ಯಾವ ಅಂಜಿಕೆಯೂ ಇಲ್ಲ... ತನ್ನದೇ ಸಾಮ್ರಾಜ್ಯ ಎಂಬಂತೆ ಧೈರ್ಯದ ಹೆಜ್ಜೆ... ಜೊತೆಗೆ, ತೀಕ್ಷ್ಣ ಕಣ್ಣ ನೋಟದಲ್ಲೇ ಬೇಟೆಯ ಹುಡುಕಾಟ... ಒಂದೇ ಕ್ಷಣದಲ್ಲಿ ಎದೆ ನಡುಗಿಸುವ ದೃಶ್ಯವಿದು...

ಇದು ಮಹಾರಾಷ್ಟ್ರದ ನಾಸಿಕ್‌ನಲ್ಲಿ ಸೆರೆಯಾದ ದೃಶ್ಯ.. ಇಲ್ಲಿನ ಕಾಫಿಶಾಪ್‌ಗೆ ರಾತ್ರಿ ನುಗ್ಗಿದ್ದ ಚಿರತೆ ಕಾಫಿಶಾಪ್‌ನೊಳಗೆ ಸ್ವಚ್ಛಂದವಾಗಿ ಓಡಾಡಿದೆ. ಮಧ್ಯರಾತ್ರಿ ಸುಮಾರು 1.38ರ ವೇಳೆಗೆ ಎಂಟ್ರಿ ಕೊಟ್ಟ ಈ ವಿಶೇಷ ಅತಿಥಿ ಕಾಫಿಶಾಪ್‌ನೊಳಗೆ ಬೇಟೆಗಾಗಿ ಜಾಡಾಡಿದೆ. ಈ ದೃಶ್ಯ ಅಲ್ಲೇ ಇದ್ದ ಸಿಸಿ ಕ್ಯಾಮೆರಾದಲ್ಲಿ ಸೆರೆಯಾಗಿದೆ. ಸುಮಾರು 7 ಸೆಕೆಂಡಿನ ಈ ವಿಡಿಯೋ ಈಗ ವಿವಿಧ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ.

Also Read : ಚೆಂಡನ್ನು ತಲೆಯಿಂದ ತಡೆಯುವ ಟಾಸ್ಕ್...‌! : ಕೊನೆಗೆ ಆಗಿದ್ದೇನು ಗೊತ್ತಾ...?


Also Read : ಪಾಳು ಬಿದ್ದಿದ್ದ ಒಂದು ಸುಂದರ ಚರ್ಚ್‌ನಲ್ಲಿ ಭಯ ಸೃಷ್ಟಿಸಿತ್ತು ಅದೊಂದು ಕತೆ...!

ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ಸುಸಂತ ನಂದ ಈ ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. `ಮಹಾರಾಷ್ಟ್ರದ ನಾಸಿಕ್‌ನ ಕಾಫಿ ಶಾಪ್‌ಗೆ ಕಾಫಿ ಕುಡಿಯಲು ನಡುರಾತ್ರಿ ಅತಿಥಿಯೊಬ್ಬರು ಬಂದಿದ್ದರು' ಎಂದು ಸುಸಂತ ನಂದ ಬರೆದುಕೊಂಡಿದ್ದಾರೆ. ಸುಸಂತ ನಂದ ಅವರು ವನ್ಯಲೋಕದ ಇಂತಹ ಅಪೂರ್ವ ವಿಡಿಯೋಗಳನ್ನು ಹಂಚಿಕೊಳ್ಳುವುದರಲ್ಲಿ ಎಂದೂ ಹಿಂದೆ ಬಿದ್ದವರಲ್ಲ. ಇವರು ಶೇರ್ ಮಾಡಿದ ಹಲವು ವಿಡಿಯೋಗಳು ವೈರಲ್ ಆಗಿವೆ. ಸದ್ಯ ಈ ವಿಡಿಯೋ ಕೂಡಾ ಅಪ್ಲೋಡ್ ಆದ ಕೆಲವೇ ಕ್ಷಣಗಳಲ್ಲಿ ನೆಟ್ಟಿಗರ ಗಮನ ಸೆಳೆದಿದೆ.

Also Read : ಸಿನಿಮಂದಿಗೆ ಇಷ್ಟವಾಗಿರುವ ಆ ಮುರಿದ ಸೇತುವೆ ಬಳಿ ರಾತ್ರಿ ಯಾರೂ ಹೋಗುವುದಿಲ್ಲ...!

ಮೇ 30ರಂದು ಸೆರೆಯಾದ ದೃಶ್ಯವಿದು. ಈ ವಿಡಿಯೋವನ್ನು ಎಲ್ಲರೂ ಕುತೂಹಲದಿಂದ ವೀಕ್ಷಿಸಿದ್ದಾರೆ. ಜೊತೆಗೆ, ಬಗೆಬಗೆ ಕಮೆಂಟ್‌ಗಳನ್ನೂ ಮಾಡಿದ್ದಾರೆ. ಕೆಲವರು ಈ ಬಗ್ಗೆ ತಮಾಷೆಯ ಪ್ರತಿಕ್ರಿಯೆ ಕೊಟ್ಟರೆ, ಇನ್ನು ಕೆಲವರು ಲಾಕ್‌ಡೌನ್ ಘೋಷಣೆಯಾದ ಬಳಿಕ ಪ್ರಾಣಿಗಳು ಹೀಗೆ ಸ್ವಚ್ಛಂದವಾಗಿ ವಿಹರಿಸುತ್ತಿವೆ ಎಂದು ನೆನಪಿಸಿಕೊಂಡಿದ್ದಾರೆ.