ಸಿಂಹಿಣಿಯಾದರೇನು...? ಇವಳ ಮಾತೃಹೃದಯಕ್ಕೆ ಬೆಲೆ ಕಟ್ಟಲಾಗುವುದೇ...?

ಅವಳು ಸಿಂಹಿಣಿ... ಬೇರೆಯವರ ಪಾಲಿಗೆ ಅವಳು ಕ್ರೂರ ಪ್ರಾಣಿ... ಆದರೆ, ತನ್ನ ಮರಿಗಳಿಗೆ ಮುದ್ದಿನ ತಾಯಿ... ತನ್ನ ಮುದ್ದು ಮರಿಗಳು ಕಷ್ಟಪಡುವುದನ್ನು ನೋಡಲು ಯಾವತ್ತೂ ಇಷ್ಟಪಡದ ಜೀವ ಅವಳು... ಅದಕ್ಕೆ ಸಾಕ್ಷಿ ಈ ಸಣ್ಣ ವಿಡಿಯೋ...

ಅದಕ್ಕೇ ಹೇಳುವುದು ತಾಯಿ ಎಂದರೆ ಪ್ರತ್ಯಕ್ಷ ದೇವರೆಂದು... ಎಷ್ಟು ಅದ್ಭುತವಾಗಿದೆಯಲ್ವಾ ಈ ವಿಡಿಯೋ. ಸಿಂಹಿಣಿಯಾದರೇನು...? ಅವಳೂ ಒಬ್ಬಳು ತಾಯಿಯಲ್ವಾ..? ಅವಳಲ್ಲೂ ಮಾತೃಹೃದಯ ಎಂಬುವುದಿದೆಯಲ್ವಾ...? ಈ ಪ್ರೀತಿಗೆ ಬೆಲೆ ಕಟ್ಟಲು ಸಾಧ್ಯವೇ...? ಖಂಡಿತಾ ಇಲ್ಲ.

Also Read : ಗೂಗಲ್‌ನಲ್ಲಿ ಪುರುಷರು ಈಗ ಅತೀ ಹೆಚ್ಚು ಸರ್ಚ್ ಮಾಡುತ್ತಿರುವುದು ಇದನ್ನೇ...!

ಇದು ಗಿರ್ ರಾಷ್ಟ್ರೀಯ ಉದ್ಯಾನವನದಲ್ಲಿ ಸೆರೆಯಾದ ಅಪರೂಪದ ದೃಶ್ಯ. ಸಿಂಹದ ಕುಟುಂಬವೊಂದು ಕಡಿದಾದ ಪ್ರದೇಶದಲ್ಲಿ ಸಾಗುತ್ತಿತ್ತು. ಈ ವೇಳೆ, ಒಂದು ಮರಿಗೆ ನೀರಿದ್ದ ಜಾಗದಲ್ಲಿ ಹಾರಿ ಮತ್ತೊಂದು ದಡಕ್ಕೆ ಸೇರಲು ಆಗಲಿಲ್ಲ. ಕಂದನ ಕಷ್ಟವನ್ನು ಅರಿತುಕೊಳ್ಳಲು ತಾಯಿಗೆ ಹೆಚ್ಚು ಹೊತ್ತು ಹಿಡಿಯಲಲ್ಲ. ಹೀಗಾಗಿ, ಓಡಿ ಹೋಗಿ ಮರಿಯನ್ನು ಬಾಯಿಯಲ್ಲಿ ಜಾಗರೂಕತೆಯಿಂದ ಹಿಡಿದು ತನ್ನೊಂದಿಗೆ ಕರೆತಂದಿದ್ದಾಳೆ.

Also Read : ಆರು ಜನರ ಹತ್ಯೆಯ ಹಿಂದೆ ಯಾರಿದ್ದಾರೆ ? ಯಾಕೆ ಬಯಲಾಗುತ್ತಿಲ್ಲ ರಹಸ್ಯ?

ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ಸುಸಂತನಂದ ಈ ಅದ್ಭುತ ಮತ್ತು ಹೃದಯಸ್ಪರ್ಶಿ ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಶೇರ್ ಮಾಡಿದ್ದಾರೆ. ಸುಸಂತನಂದ ಅವರು ವನ್ಯಜೀವಿಗಳ ಅಪರೂಪದ ವಿಡಿಯೋಗಳನ್ನು ಶೇರ್ ಮಾಡುವುದರಲ್ಲಿ ಯಾವತ್ತೂ ಹಿಂದೆ ಬಿದ್ದವರಲ್ಲ. ಅದರಲ್ಲೂ ಇಂತಹ ದೃಶ್ಯಗಳನ್ನು ಕಂಡ ತಕ್ಷಣ ಇವರು ತಮ್ಮ ಫಾಲೋವರ್ಸ್‌ಗಾಗಿ ಹಂಚಿಕೊಳ್ಳುತ್ತಾರೆ. ಸದ್ಯ ಸಿಂಹಿಣಿಯ ಮಾತೃಹೃದಯ ಸಾರುವ ಈ ವಿಡಿಯೋ ಕೂಡಾ ಬಹಳಷ್ಟು ಜನರಿಗೆ ಇಷ್ಟವಾಗಿದೆ.

Also Read : ಮತ್ತೆ ನೆನಪಾದ ದೇವದಾಸ್ : ಮನಸ್ಸು ತಟ್ಟುತ್ತದೆ ಈ ಮುದ್ದು ಗೆಳೆತನ

ಈ ಜಗತ್ತಿನಲ್ಲಿ ತಾಯಿಯಿಂದ ಮಾತ್ರ ಪ್ರೀತಿಯನ್ನು ತನ್ನ ಮಕ್ಕಳಿಗೆ ಸಮಾನಾಗಿ ಹಂಚಲು ಸಾಧ್ಯ ಎಂದು ಸುಸಂತನಂದ ಅವರು ತಮ್ಮ ಕ್ಯಾಪ್ಶನ್‌ನಲ್ಲಿ ಬರೆದುಕೊಂಡಿದ್ದಾರೆ. ಇದು ಎಷ್ಟು ನಿಜ ಅಲ್ವಾ...?