Cute Video : ಅಪ್ಪನ ಕುತ್ತಿಗೆಗೆ ಕಟ್ಟಿರುವ ಬಾಸ್ಕೆಟ್‌ಗೆ ಬಾಲ್ ಹಾಕುತ್ತಾ ಖುಷಿಪಡುವ ಬಾಲಕ

ಮಕ್ಕಳ ಆಟ ತುಂಟಾಟ ನೋಡುವುದೇ ಖುಷಿ. ಪುಟಾಣಿಗಳು ಜೊತೆಗಿದ್ದರೆ ಅದರ ಆನಂದವೇ ಬೇರೆ. ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಪುಟಾಣಿಗಳ ಆಟದ ಸಾಕಷ್ಟು ವಿಡಿಯೋಗಳು ವೈರಲ್ ಆಗುತ್ತಲೇ ಇರುತ್ತವೆ ಮತ್ತು ಈ ಎಲ್ಲಾ ವಿಡಿಯೋಗಳು ಕ್ಷಣಾರ್ಧದಲ್ಲಿ ಎಲ್ಲರ ಮನಗೆಲ್ಲುತ್ತಿವೆ. ಈಗ ಇಂತಹದ್ದೇ ಇನ್ನೊಂದು ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಹವಾ ಕ್ರಿಯೇಟ್ ಮಾಡಿದೆ. ಇದು ಪುಟಾಣಿಯೊಬ್ಬ ತನ್ನ ತಂದೆಯೊಂದಿಗೆ ಖುಷಿಯಿಂದ ಆಟ ಆಡುವ ಅದ್ಭುತ ಕ್ಷಣಗಳ ನೋಟ...

'ಬ್ಯೂಟೆಂಗೆಬೆಡೆನ್' ಎಂಬ ಡಚ್ ಟ್ವಿಟರ್ ಪೇಜ್‌ನಲ್ಲಿ ಅಪ್ಲೋಡ್ ಆದ ವಿಡಿಯೋ ಇದು. ಈ ಕ್ಲಿಪ್‌ನಲ್ಲಿ ಪುಟಾಣಿ ಬಾಲಕ ತನ್ನ ತಂದೆಯ ಕುತ್ತಿಗೆಗೆ ಕಟ್ಟಿದ ಬಾಸ್ಕೆಟ್‌ ನೆಟ್‌ಗೆ ಬಾಲ್ ಎಸೆಯುತ್ತಾ ಬಾಸ್ಕೆಟ್ ಬಾಲ್ ಆಡುವ ಅಪೂರ್ವ ದೃಶ್ಯವಿದೆ. `ಬಾಲ್ ಇಸ್ ಲೈಫ್' ಎಂದು ಕ್ಯಾಪ್ಶನ್ ಬರೆದು ಈ ವಿಡಿಯೋವನ್ನು ಹಂಚಿಕೊಳ್ಳಲಾಗಿದೆ.

Also Read : ಮಹಿಳೆಯ 14 ಲಕ್ಷ ರೂ ಮೌಲ್ಯದ ಹ್ಯಾಂಡ್ ಬ್ಯಾಗನ್ನು ನಾಶಪಡಿಸಿದ ಅಧಿಕಾರಿಗಳು! : ಯಾಕೆ ಗೊತ್ತಾ...?

ತಂದೆ ನಿಧಾನಕ್ಕೆ ಮುಂದೆ ಮುಂದೆ ಸಾಗುತ್ತಿದ್ದರೆ ಬಾಲಕ ಅತ್ಯಂತ ನಿಖರವಾಗಿ ಚೆಂಡನ್ನು ಬಾಸ್ಕೆಟ್ ಒಳಗೆ ಎಸೆಯುತ್ತಿದ್ದ. ಪುತ್ರ ಎಸೆದ ಚೆಂಡನ್ನು ಕೈಯಲ್ಲಿ ಹಿಡಿಯುವ ತಂದೆ ಮತ್ತೆ ಅದನ್ನು ಮಗನಿಗೆ ನೀಡುತ್ತಾರೆ. ಈ ಚೆಂಡನ್ನು ಪಡೆದು ಪುತ್ರ ಮತ್ತೆ ಬಾಸ್ಕೆಟ್ ಒಳಗೆ ಎಸೆಯುತ್ತಾನೆ. ಈ ದೃಶ್ಯವನ್ನು ನೋಡುವುದಕ್ಕೇ ಖುಷಿಯಾಗುತ್ತದೆ.

Also Read : Caught On Camera : ಬೈಕ್‌ನಲ್ಲಿ ಬಂದ ಕಳ್ಳರಿಗೆ ಸರಿಯಾದ `ಪಾಠ' ಕಲಿಸಿದ 15 ವರ್ಷದ ಸಾಹಸಿ ಬಾಲಕಿ

ಪುಟಾಣಿಯ ಈ ಆಟದ ಕೌಶಲ್ಯ, ನಿಖರತೆ ನೋಡಿದರೆ ಭವಿಷ್ಯದಲ್ಲಿ ಈ ಬಾಲಕ ಇದೇ ಕ್ಷೇತ್ರದಲ್ಲಿ ಮಿಂಚಬಹುದೋ ಏನೋ ಎಂದೆನಿಸುತ್ತದೆ. ಇಲ್ಲಿ ತಂದೆಯ ಪ್ರೋತ್ಸಾಹವೂ ಇಷ್ಟವಾಗುತ್ತದೆ. ಎಲ್ಲಾ ಮಕ್ಕಳಿಗೂ ತಂದೆಯೇ ಮೊದಲ ಹೀರೋ. ಹೆತ್ತವರು ಸದಾ ಮಕ್ಕಳ ಬಾಳಿಗೆ ಬೆಳಕಾಗಿರುತ್ತಾರೆ. ಮಕ್ಕಳಿಗಾಗಿ ಹೆತ್ತವರು ಏನು ಬೇಕಾದರೂ ಮಾಡಲು ಸಿದ್ಧರಿರುತ್ತಾರೆ. ಈ ವಿಡಿಯೋ ಕೂಡಾ ಅಂತಹ ನಿಷ್ಕಲ್ಮಶ, ನಿಸ್ವಾರ್ಥ ಪ್ರೀತಿಗೆ ಸಾಕ್ಷಿ.

Also Read : ಸೆಖೆ ಆಗುತ್ತದೆಯೆಂದು ವಿಮಾನದ ರೆಕ್ಕೆಯಲ್ಲಿ ನಿಂತು `ಗಾಳಿ' ತೆಗೆದುಕೊಂಡ ಮಹಿಳೆ!

ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಎಲ್ಲರನ್ನು ಮಂತ್ರಮುಗ್ಧರನ್ನಾಗಿಸಿದೆ. ಈ ಪ್ರೀತಿ, ಪುಟಾಣಿಯ ಖುಷಿ ಎಲ್ಲರ ಮನಸ್ಸಿಗೂ ಹಿತ ನೀಡಿದೆ.