ಅಜ್ಜಿ ಮೊಮ್ಮಗಳು ಆಟ ಆಡುವ ರೀತಿಯನ್ನು ನೋಡಿದರೇನೆ ಖುಷಿಯಾಗುತ್ತದೆ...

ಸಾಮಾಜಿಕ ಅಂತರ ಕಾಯ್ದುಕೊಂಡು ಅಜ್ಜಿ ಮತ್ತು ಮೊಮ್ಮಗಳು ಆಟ ಆಡುವ ಹೃದಯಸ್ಪರ್ಶಿ ವಿಡಿಯೋ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ. ಎಲ್ಲರೂ ಈ ವಿಡಿಯೋಗೆ ಫಿದಾ ಆಗಿದ್ದಾರೆ.

Vijaya Karnataka Web 16 Apr 2020, 7:12 pm

ರಕ್ಕಸ ಕೊರೊನಾ ವೈರಸ್ ಎಲ್ಲರ ನೆಮ್ಮದಿಯನ್ನೂ ನುಂಗಿ ಗಹಗಹಿಸುತ್ತಲೇ ಇದೆ. ಈ ವೈರಾಣುವಿನಿಂದಾಗಿ ಜನಜೀವನವೇ ಅಸ್ತವ್ಯಸ್ತಗೊಂಡಿದೆ. ಮನೆಯೊಳಗೆ ಕುಳಿತುಕೊಳ್ಳಲಾರದೆ, ಹೊರಗೆಲ್ಲೂ ಸುತ್ತಾಡಲಾರದೆ ಜನ ಚಡಪಡಿಸುತ್ತಿದ್ದಾರೆ. ಅದೂ ಅಲ್ಲದೆ, ಒಬ್ಬರನ್ನೊಬ್ಬರು ಭೇಟಿಯಾಗಲೂ ಅವಕಾಶ ಇಲ್ಲದೇ ಇರುವುದರಿಂದ ಎಲ್ಲರೂ ನೊಂದು ಕುಳಿತಿದ್ದಾರೆ. ಆದರೆ, ನೊಂದು ಕುಳಿತರೆ ಏನೂ ಪ್ರಯೋಜನವಿಲ್ಲ. ಇರುವ ಪರಿಸ್ಥಿತಿಯನ್ನು ಎದುರಿಸಬೇಕಾಗಿದೆ.

ajji — | Screengrab from video | Courtesy : Instagram/ Community Cafe Canberra

Also Read : ಮನೆಯಲ್ಲಿದ್ದುಕೊಂಡೇ ವಿಮಾನದಲ್ಲಿ ಪ್ರಯಾಣ! : ಈ ವಿಡಿಯೋಗಳಿಗೆ ನೀವು ಫಿದಾ ಆಗ್ತೀರಿ!

ನಿಜ, ಇಂತಹ ಸ್ಥಿತಿಯಲ್ಲಿ ಖಂಡಿತಾ ಕಷ್ಟ ಆಗುತ್ತದೆ. ಆದರೆ, ಇದನ್ನು ಅನುಭವಿಸದೆ ಬೇರೆ ವಿಧಿಯಿಲ್ಲ. ಇದೇ ಕಾರಣಕ್ಕೆ ಒಂದಷ್ಟು ಮಂದಿ ತಮ್ಮದೇ ಶೈಲಿಯಲ್ಲಿ ವಿಶಿಷ್ಟವಾಗಿ ದಿನ ಕಳೆಯುತ್ತಾರೆ. ಅದಕ್ಕೆ ಸಾಕ್ಷಿ ಈ ಅಜ್ಜಿ ಮೊಮ್ಮಗಳು. ಲಾಕ್‌ಡೌನ್, ಕ್ವಾರಂಟೈನ್ ಇವರ ಖುಷಿಗೆ ಅಡ್ಡಿಯಾಗಿಲ್ಲ. ಸಾಮಾಜಿಕ ಅಂತರ ಕಾಯ್ದುಕೊಂಡೇ ಈ ಅಜ್ಜಿ ಮೊಮ್ಮಗಳು ಆಟ ಆಡಿದ್ದಾರೆ. ನಡುವೆ ಕನ್ನಡಿ ಅಡ್ಡ ಇತ್ತು ನಿಜ. ಆದರೆ, ಇವರಿಬ್ಬರ ಖುಷಿ, ಸಡಗರಕ್ಕೆ ಯಾವುದೂ ಅಡ್ಡ ಬರಲು ಸಾಧ್ಯವಿಲ್ಲ... ಇದೇ ಕಾರಣಕ್ಕೆ ಈ ವಿಡಿಯೋ ಈಗ ಸಖತ್ ಆಗಿ ವೈರಲ್ ಆಗುತ್ತಿದೆ.

Also Read : ತನ್ನ ವಾಹನ ಅಪಘಾತ ಮಾಡಿ ಇನ್ನೊಂದು ಕಾರು ಕದ್ದು ಪರಾರಿ : ಇಲ್ಲೂ ಆಕೆಗೆ ಕಾಡಿತು ವಿಧಿ!

ಆಸ್ಟ್ರೇಲಿಯಾದ ಕ್ಯಾನ್ಬೆರಾದಲ್ಲಿರುವ ಕಮ್ಯೂನಿಟಿ ಕೆಫೆ ತನ್ನ ಇನ್‌ಸ್ಟ್ರಾಗ್ರಾಂ ಖಾತೆಯಲ್ಲಿ ಈ ಮುದ್ದು ಮುದ್ದಾದ ವಿಡಿಯೋವನ್ನು ಶೇರ್ ಮಾಡಿದೆ. ಮರೆವಿನ ಕಾಯಿಲೆ, ಬುದ್ಧಿಮಾಂದ್ಯತೆಯಿಂದ ಬಳಲುತ್ತಿರುವ ವೃದ್ಧರು ಮತ್ತು ಅವರ ಕುಟುಂಬಗಳಿಗೆ ಈ ಕೆಫೆಯಲ್ಲಿ ಆರೈಕೆ ಮಾಡಲಾಗುತ್ತದೆ.

Also Read : ಡ್ಯಾಡಿ... ಒಳಗೆ ಬನ್ನಿ! ಈ ಡಾಕ್ಟರ್ ದುಃಖ ಆ ಭೂಮಿ ತೂಕ! : ಇದು ಕಣ್ಣೀರು ತರಿಸುವ ದೃಶ್ಯ!

ಈ ವಿಡಿಯೋವನ್ನು ನೋಡಿದ ನೆಟ್ಟಿಗರು ಇಲ್ಲಿರುವ ಖುಷಿಗೆ ಫಿದಾ ಆಗಿದ್ದಾರೆ. ಈ ಮುಗ್ಧತೆ, ಆಪ್ತತೆ ನಿಜಕ್ಕೂ ಇಷ್ಟವಾಗುತ್ತದೆ. ಅಜ್ಜಿ ಮತ್ತು ಮೊಮ್ಮಗಳು ಇಬ್ಬರೂ ಇಲ್ಲಿ ಮುಗ್ಧ ಮಗುವಿನಂತೆಯೇ ಕಾಣುತ್ತಾರೆ. ಈ ಖುಷಿಗೆ ಖಂಡಿತಾ ಬೆಲೆ ಕಟ್ಟುವುದಕ್ಕೆ ಸಾಧ್ಯವೇ ಇಲ್ಲ...

ಅಜ್ಜಿ ಮೊಮ್ಮಗಳು ಆಟ ಆಡುವ ರೀತಿಯನ್ನು ನೋಡಿದರೇನೆ ಖುಷಿಯಾಗುತ್ತದೆ...

ಮುಂದಿನ ಲೇಖನ