ಒಂದ್ಕಡೆಯಿಂದ ಇನ್ನೊಂದೆಡೆಗೆ ಓಡಾಡುತ್ತಿದೆ ಪೊದೆ...! ಇದು ಮ್ಯಾಜಿಕ್ ಅಲ್ಲ...!

ಏನ್ ಹೇಳ್ತಿದ್ದೀರಿ... ಪೊದೆ ಎಲ್ಲಾದರೂ ಓಡಾಡಲು ಸಾಧ್ಯನಾ...? ಹೀಗಂತ, ನೀವು ಕೇಳಬಹುದು. ಆದರೆ, ಇಲ್ಲಿರುವ ವಿಡಿಯೋ ನೋಡಿದರೆ ನಿಮಗೇ ಒಂದು ಕ್ಷಣ ಶಾಕ್ ಆದರೂ ಅಚ್ಚರಿ ಇಲ್ಲ...

Video Courtesy : Global Entertainment Tube/Youtube

ನೋಡಿದ್ರಲ್ಲಾ...? ಇದೆಲ್ಲಾ ಲಾಕ್‌ಡೌನ್ ಎಫೆಕ್ಟ್‌. ಕೊರೊನಾ ವೈರಸ್ ಕಾಟ ಕೊಡಲು ಆರಂಭಿಸಿದಾಗಿನಿಂದ ಎಲ್ಲೆಲ್ಲೂ ಭೀತಿ ಎದುರಾಗಿದೆ. ಇದು ಒಬ್ಬರಿಂದ ಒಬ್ಬರಿಗೆ ಬಹುಬೇಗ ಹರಡುವ ವೈರಸ್ ಆಗಿರುವುದರಿಂದ ವಿಶ್ವದ ಬಹುತೇಕ ರಾಷ್ಟ್ರಗಳು ಲಾಕ್‌ಡೌನ್ ಘೋಷಿಸಿವೆ. ಅದರಲ್ಲೂ ಸಾವಿನ ಸಂಖ್ಯೆ ಅಧಿಕವಾದ ಮೇಲಂತೂ ಜನ ಮನೆಯಿಂದ ಹೊರಗೆಯೇ ಬರುವಂತಿಲ್ಲ ಎಂದು ಎಲ್ಲೆಲ್ಲೂ ಕಟ್ಟುನಿಟ್ಟಿನ ಆದೇಶ ಹೊರಡಿಸಲಾಗಿದೆ.

Also Read : ನೋವಿನ ಮೇಲೆ ನೋವು! :`ಪ್ಲೀಸ್ ನಮಗಾಗಿ ಪ್ರಾರ್ಥಿಸಿ'ಯೆಂದು ಮನವಿ ಮಾಡಿದ ಡಾಕ್ಟರ್ ಪತ್ನಿ!

ಬಹುತೇಕರು ಮನೆಯೊಳಗೇ ಅಡುಗೆ ಮಾಡುತ್ತಾ, ಮ್ಯಾರಥಾನ್ ಮಾಡುತ್ತಾ, ಆಟ ಆಡುತ್ತಾ, ಕುಟುಂಬದೊಂದಿಗೆ ಕಾಲ ಕಳೆಯುತ್ತಿದ್ದಾರೆ. ಆದರೆ, ಎಲ್ಲರಿಗೂ ಮನೆಯೊಳಗೆ ಕುಳಿತುಕೊಳ್ಳುವುದು ಸಾಧ್ಯವೇ ಇಲ್ಲ. ಕೆಲವರಿಗೆ ಒಮ್ಮೆಯಾದರೂ ಮನೆಯಿಂದ ಹೊರಗೆ ಬರಲೇ ಬೇಕು. ಇಲ್ಲದಿದ್ದರೆ ಏನನ್ನೋ ಕಳೆದುಕೊಂಡ ಫೀಲ್ ಆಗುವುದು ಸತ್ಯ. ಇದೇ ಕಾರಣಕ್ಕೆ ಕೆಲವರು ಮನೆಯಿಂದ ಹೊರಬರುವುದಕ್ಕೆ ನಾನಾ ತಂತ್ರಗಳನ್ನು ಹೆಣೆಯುತ್ತಿದ್ದಾರೆ. ಆ ತಂತ್ರಗಳಲ್ಲಿ ಇದು ಕೂಡಾ ಒಂದು.

Also Read : 26 ಲಕ್ಷ ರೂ. ಮೌಲ್ಯದ ಆಹಾರ ವಸ್ತುಗಳನ್ನು ಎಸೆದ ಸೂಪರ್‌ ಮಾರ್ಕೆಟ್...! ಯಾಕೆ ಗೊತ್ತಾ...?

ಹರ್ಟ್‌ಫೋರ್ಡ್‌ಶೈರ್‌ನ ಸ್ಟೀವನೇಜ್‌ನ ನಿಕೋಲಸ್ ಮುರ್ರೆ ಮತ್ತು ಮೇಡ್ಲೈನ್ ಮೈ-ಡೇವಿಸ್ ಸೆರೆಹಿಡಿದ ವಿಡಿಯೋ ಇದು. ಇವರ ನೆರೆಮನೆಯವರು ಮನೆಯಿಂದ ಹೊರಬರಲು ಮಾಡಿದ ಐಡಿಯಾವನ್ನು ಇವರು ಕ್ಯಾಮೆರಾದಲ್ಲಿ ಸೆರೆ ಹಿಡಿದಿದ್ದಾರೆ. ಈ ತಮಾಷೆಯ ವಿಡಿಯೋ ಈಗ ಸಾಮಾಜಿಕ ಮಾಧ್ಯಮಗಳಲ್ಲಿ ಭರ್ಜರಿಯಾಗಿಯೇ ವೈರಲ್ ಆಗುತ್ತಿದೆ. ಈ ವಿಡಿಯೋವನ್ನು ನೋಡಿದ ಎಲ್ಲರೂ ನಕ್ಕು ನಕ್ಕು ಸುಸ್ತಾಗಿದ್ದಾರೆ.

Also Read : ಪಕ್ಕಾ ಫಿಲ್ಮಿ ಸ್ಟೈಲ್‌ನಲ್ಲಿ ಟ್ರಕ್ ಚೇಸ್ ಮಾಡಿದ ಪೊಲೀಸರು : ಸಖತ್ತಾಗಿದೆ ವಿಡಿಯೋ

ಯುಟ್ಯೂಬ್, ಫೇಸ್‌ಬುಕ್, ಟ್ವಿಟ್ಟರ್, ಇನ್‌ಸ್ಟ್ರಾಗ್ರಾಂ ಸೇರಿದಂತೆ ಹಲವು ಮಾಧ್ಯಮಗಳಲ್ಲಿ ಈ ವಿಡಿಯೋ ವೈರಲ್ ಆಗುತ್ತಿದೆ. ಕೆಲವರು ಲಾಕ್‌ಡೌನ್ ಸಂದರ್ಭದಲ್ಲಿ ಇವರು ಹೀಗೆ ಮನೆಯಿಂದ ಹೊರಗೆ ಬರಬಾರದು ಎಂದು ಹೇಳಿದ್ದರೆ, ಹಲವರು ಇವರ ಕ್ರಿಯೇಟಿವಿಟಿಯನ್ನು ಮೆಚ್ಚಿಕೊಂಡಿದ್ದಾರೆ. ಈ ಪರ ವಿರೋಧದ ಚರ್ಚೆಯ ನಡುವೆ ಈ ವಿಡಿಯೋ ಭರ್ಜರಿಯಾಗಿಯೇ ಹರಿದಾಡುತ್ತಿದೆ.