ಕಲ್ಲಂಗಡಿ ಹಣ್ಣಿನ ತುಂಡಿನಿಂದ ನಾದ ಹೊರಹೊಮ್ಮಿಸಬಹುದೇ? : ಹಲವು ಪ್ರಶ್ನೆಗಳನ್ನು ಸೃಷ್ಟಿಸಿದೆ ಈ ವಿಡಿಯೋ

ಹಣ್ಣಿನ ತುಂಡಿನಿಂದ ನಾದ ಹೊರಹೊಮ್ಮಲು ಸಾಧ್ಯವೇ...? ಇಂತಹದ್ದೊಂದು ಪ್ರಶ್ನೆ ಮೂಡಿಸಿದೆ ಸದ್ಯ ವೈರಲ್ ಆಗುತ್ತಿರುವ ವಿಡಿಯೋ. ಈ ವಿಡಿಯೋ ನೋಡುವಾಗ ನಿಜಕ್ಕೂ ಅಚ್ಚರಿಯಾಗುತ್ತದೆ.

ಸಂಗೀತ ಎಂಬುದು ಅದ್ಭುತ ಶಕ್ತಿ. ಮನಸ್ಸಿನ ನೋವನ್ನು ದೂರ ಮಾಡುವ, ಮನಸ್ಸಿಗೊಂದು ನೆಮ್ಮದಿ ನೀಡುವ ಶಕ್ತಿ ಸಂಗೀತಕ್ಕಿದೆ. ಇದೇ ಕಾರಣಕ್ಕೆ ಎಲ್ಲರೂ ಒಂದಲ್ಲ ಒಂದು ರೀತಿಯಲ್ಲಿ ಸಂಗೀತಪ್ರೇಮಿಗಳೇ ಆಗಿರುತ್ತಾರೆ. ಎಂತಹವರನ್ನೂ ಸೆಳೆದು ಬಿಡುವ ತಾಕತ್ತು ಮಧುರ ಸಂಗೀತಕ್ಕಿದೆ. ಕಲಾಪ್ರಿಯ ಹೃದಯವಿದ್ದರೆ ಕೇಳುವ ಪ್ರತಿಯೊಂದು ಶಬ್ದವೂ ನಾದವೇ. ಕಲ್ಲಿನಲ್ಲೂ ನಾದ ಹೊರಹೊಮ್ಮುತ್ತದೆ ಎಂಬುದನ್ನು ನಾವು ಕೇಳಿದ್ದೇವೆ. ಆದರೆ, ಹಣ್ಣಿನ ತುಂಡಿನಿಂದ ನಾದ ಹೊರಹೊಮ್ಮುವುದನ್ನು ಎಂದಾದರೂ ನೋಡಿದ್ದೀರಾ...? ಬಹುಶಃ ಇರಲಿಕ್ಕಿಲ್ಲವೇನೋ. ಆದರೆ, ಇಲ್ಲೊಬ್ಬರು ಸಂಗೀತಗಾರ ಕಲ್ಲಂಗಡಿ, ಕರಬೂಜ ಮತ್ತು ಕಿವೀಸ್ ಹಣ್ಣಿನ ತುಂಡಿನಿಂದ ಎಲೆಕ್ಟ್ರಾನಿಕ್ ಮ್ಯೂಸಿಕ್ ಹೊರಹೊಮ್ಮಿಸಿದ್ದಾರೆ. ಸದ್ಯ ಈ ವಿಡಿಯೋ ಇಂಟರ್‌ನೆಟ್‌ನಲ್ಲಿ ಹವಾ ಸೃಷ್ಟಿಸಿದೆ.

Also Read : Great Escape : ವ್ಯಕ್ತಿಯ ಸೈಕಲನ್ನು ಪುಡಿಗೈದ ಆನೆ : ಗಜರಾಜನಿಂದ ವ್ಯಕ್ತಿ ಪಾರಾಗಿದ್ದೇ ಪವಾಡ!

ಈ ವಿಡಿಯೋವನ್ನು ನೋಡಿದಾಗ ಒಂದು ಕ್ಷಣ ನಮ್ಮ ಕಣ್ಣನ್ನೇ ನಾವು ನಂಬಂದಂತಾಗುತ್ತದೆ. ಈ ವಿಡಿಯೋವನ್ನು ಅಮೆರಿಕದ ಮಾಜಿ ಬಾಸ್ಕೆಟ್‌ಬಾಲ್ ಆಟಗಾರ ರೆಕ್ಸ್ ಚಾಪ್ಮನ್ ಈ ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಈ ಕ್ಲಿಪ್‌ನಲ್ಲಿ ಸಂಗೀತಗಾರರೊಬ್ಬರು ಟೇಬಲ್ ಮೇಲೆ ಹಣ್ಣುಗಳ ತುಂಡುಗಳನ್ನು ಇಟ್ಟು ಸಂಗೀತ ನುಡಿಸುವ ದೃಶ್ಯವಿದೆ.

Also Read : ತನ್ನ ಸಮಾಧಿ ಬಳಿ ಆಟವಾಡುತ್ತಿದೆಯಾ 2 ವರ್ಷದ ಕಂದನ ಆತ್ಮ? ಆ ತಾಯಿಗೆ ಕಾಣಿಸಿದ್ದೇನು?

ಈ ಹಣ್ಣುಗಳ ತುಂಡಿಗೆ ವೈಯರ್‌ಗಳ ಸಹಾಯದಿಂದ ಮೆಟಲ್ ಬೋರ್ಡನ್ನು ಸಂಪರ್ಕಿಸಲಾಗಿದೆ. ಅಲ್ಲದೆ, ಇದು ಲ್ಯಾಪ್‌ಟಾಪ್‌ಗೂ ಕನೆಕ್ಟ್‌ ಆಗಿದೆ. ಇದರ ಜೊತೆಗೆ ಡ್ರಮ್ ಸೆಟ್ ಮತ್ತು ಪೆಡಲ್‌ಗಳನ್ನೂ ಮ್ಯೂಸಿಕ್ ಸಿಸ್ಟಮ್‌ಗೆ ಕನೆಕ್ಟ್‌ ಮಾಡಲಾಗಿತ್ತು. ಈ ಹಣ್ಣುಗಳನ್ನು ಕೀಬೋರ್ಡ್ ರೀತಿ ಬಳಸಿ ಇವರು ಎಲೆಕ್ಟ್ರಾನಿಕ್ ಸೌಂಡ್‌ಗಳನ್ನು ಉಂಟು ಮಾಡುತ್ತಿದ್ದರು. ಈ ಸೌಂಡ್ ಅದ್ಭುತ ಸಂಗೀತದಂತೆ ಕೇಳುತ್ತಿತ್ತು.

Also Read : ಅಬ್ಬಬ್ಬಾ... ಮನೆ ಅಡುಗೆ ಕೋಣೆ ಛಾವಣಿಯಿಂದ ಬಿತ್ತು 45 ಕೆಜಿ ತೂಕದ ಎರಡು ಹೆಬ್ಬಾವುಗಳು...!

ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವೈರಲ್ ಆಗುತ್ತಿದೆ. ಎಲ್ಲರೂ ಈ ವಿಡಿಯೋವನ್ನು ಖುಷಿಪಟ್ಟಿದ್ದಾರೆ. ಆದರೆ, ಒಂದಷ್ಟು ಜನ ಈ ವಿಡಿಯೋ ನೋಡಿ ಸಂತಸ ವ್ಯಕ್ತಪಡಿಸಿದರೂ ಇದರ ಸತ್ಯಾಸತ್ಯತೆಯ ಬಗ್ಗೆಯೂ ಅನುಮಾನ ವ್ಯಕ್ತಪಡಿಸಿದ್ದಾರೆ. ಹಲವರನ್ನು ಇದು ನಿಜವೇ ಎಂಬ ಅಚ್ಚರಿಯ ಪ್ರಶ್ನೆಯೂ ಕಾಡುತ್ತಿದೆ. ಇನ್ನೊಂದೆಡೆ, ಕೆಲವರು ಇಂತಹ ಕಲ್ಲಂಗಡಿ ಪಿಯಾನೋವನ್ನು ಎಂದಿಗೂ ನೋಡಿಲ್ಲ ಎಂದು ಅಚ್ಚರಿಯ ಪ್ರತಿಕ್ರಿಯೆ ನೀಡಿದ್ದಾರೆ. ಸದ್ಯ ಈ ಪರ ವಿರೋಧದ ಅಭಿಪ್ರಾಯದೊಂದಿಗೆ ಈ ವಿಡಿಯೋ ವೈರಲ್ ಆಗುತ್ತಿದೆ.