ಖುಷಿಯಲ್ಲಿ ಗಿಫ್ಟ್‌ ಪ್ಯಾಕ್ ತೆರೆಯುವ ಕೋತಿ : ಮಿಲಿಯನ್‌ಗೂ ಅಧಿಕ ವೀಕ್ಷಣೆ ಗಳಿಸಿದ ವಿಡಿಯೋವಿದು

ಗಿಫ್ಟ್‌ ಪ್ಯಾಕ್ ತೆರೆಯುವ ಖುಷಿಯೇ ಬೇರೆ. ತಮ್ಮ ಪ್ರೀತಿಪಾತ್ರರು ಅದ್ಯಾವ ಉಡುಗೊರೆ ಕೊಟ್ಟಿದ್ದಾರೆ ಎಂಬ ಕುತೂಹಲದಲ್ಲಿಯೇ ಎಲ್ಲರೂ ಗಿಫ್ಟ್‌ ಪ್ಯಾಕ್‌ಗಳನ್ನು ತೆರೆಯುತ್ತಾರೆ. ಅಂತೆಯೇ ಇಲ್ಲೊಂದು ಕೋತಿ ಕೂಡಾ ಥೇಟ್ ಮನುಷ್ಯರಂತೆಯೇ ಖುಷಿ, ಕುತೂಹಲದಿಂದ ತನಗೆ ಬಂದ ಗಿಫ್ಟ್‌ ಪ್ಯಾಕ್ ತೆರೆದಿದೆ. ಸದ್ಯ ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ಸಖತ್ ಹವಾ ಕ್ರಿಯೇಟ್ ಮಾಡಿದೆ. ಲಕ್ಷಾಂತರ ಜನ ಈ ವಿಡಿಯೋ ನೋಡಿ ಮಂತ್ರಮುಗ್ಧರಾಗಿದ್ದಾರೆ.

Also Read : ತಂದೆಯ ಚೈತನ್ಯಪೂರ್ಣ ಮಾತು, ಸಾಧಿಸಿ ತೋರಿಸಿದಳು ಪುಟ್ಟ ಮಗಳು: ಸ್ಫೂರ್ತಿದಾಯಕ ವಿಡಿಯೋವಿದು

ದಿ ಕೋಲ್ಡೆಸ್ಟ್ ವಾಟರ್ ಎಂಬ ಸಂಸ್ಥೆ ತಮ್ಮ ಥರ್ಮಸ್ ಉತ್ಪನ್ನದ ಪ್ಯಾಕ್ ಅನ್ನು ಜಾರ್ಜ್‌ ಎಂಬ ಕೋತಿಗೆ ನೀಡಿ ತೆರೆಸಿತ್ತು. ಈ ಗಿಫ್ಟ್‌ ಪ್ಯಾಕ್ ಪಡೆಯುತ್ತಿದ್ದಂತೆಯೇ ಕೋತಿ ಕೂಡಾ ಕುತೂಹಲದಿಂದ ಅದನ್ನು ತೆರೆದು ಥರ್ಮಸ್ ಹೊರಗೆಳೆದು, ಅದರ ಬಾಯಿಮುಚ್ಚಳವನ್ನೂ ತೆಗೆದು ಬಲು ಖುಷಿಯಿಂದ ನೋಡಿದೆ. ಈ ಗಿಫ್ಟ್‌ ಪ್ಯಾಕ್ ಒಡೆಯುವಾಗ ಕೋತಿಯ ಮುಖದಲ್ಲಿ ಕಾಣುತ್ತಿದ್ದ ಆ ಖುಷಿ, ಉತ್ಸಾಹ, ಕುತೂಹಲದ ಗೆರೆಗಳು ಸ್ಪಷ್ಟವಾಗಿ ಗೋಚರಿಸುತ್ತಿತ್ತು. ಈ ವಿಡಿಯೋವನ್ನು ದಿ ಕೋಲ್ಡೆಸ್ಟ್ ವಾಟರ್ ಸಂಸ್ಥೆ ಕೂಡಾ ಶೇರ್ ಮಾಡಿತ್ತು. ಇದಾದ ಬಳಿಕ ಈ ದೃಶ್ಯ ಫೇಸ್‌ಬುಕ್, ಟ್ವಿಟ್ಟರ್, ಯುಟ್ಯೂಬ್ ಸೇರಿದಂತೆ ಹಲವು ಸಾಮಾಜಿಕ ಮಾಧ್ಯಮಗಳಲ್ಲಿ ಹವಾ ಎಬ್ಬಿಸಿದೆ.

ಇಲ್ಲಿದೆ ವೈರಲ್ ವಿಡಿಯೋ :

Also Read : ಸಿಂಹಗಳ ತಂಡವನ್ನೇ ಓಡಿಸಲ್ಲ ಸಾಮರ್ಥ್ಯ ಹೊಂದಿರುವ ಈ ಸಣ್ಣ ಪ್ರಾಣಿಗಳ ಹಿಂದಿದೆ ರೋಚಕ ಕತೆ!

ಬಾಸ್ಕೆಟ್‌ಬಾಲ್ ಮಾಜಿ ಆಟಗಾರ ರೆಕ್ಸ್‌ ಚಾಪ್ಮನ್ ಕೂಡಾ ಈ ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಬಲು ಆಸಕ್ತಿಯಿಂದ ಈ ಬಾಕ್ಸ್‌ ತೆರೆದು ಥರ್ಮಸ್ ಪರಿಶೀಲಿಸಿದ ಬಳಿಕ ಅದರ ಬಾಯಿಮುಚ್ಚಳವನ್ನು ಎಚ್ಚರಿಕೆಯಿಂದ ಮುಚ್ಚಿ ಕೋತಿ ನಂತರ ಕೈಪಿಡಿ ಅರ್ಥಾತ್ ಮ್ಯಾನುವಲ್‌ ಓದುವುದಕ್ಕೆ ಶುರು ಮಾಡಿತ್ತು. ಈ ಅಷ್ಟೂ ದೃಶ್ಯವೂ ನೆಟ್ಟಿಗರ ಮೊಗದಲ್ಲಿ ಸಂತೋಷ ಅರಳುವಂತೆ ಮಾಡಿತ್ತು.

Also Read : ನಿದ್ದೆಯಲ್ಲಿದ್ದ ಅಮ್ಮನಿಗೆ ಕೀಟಲೆ ಮಾಡುವ ಕಂದ : ಅದ್ಭುತವಾಗಿದೆ ಸಿಂಹಗಳ ಈ ವಿಡಿಯೋ

ಇಂತಹ ಖುಷಿಯ ವಿಡಿಯೋ ವೈರಲ್ ಆಗದೇ ಇರಲು ಸಾಧ್ಯನಾ..? ವಿವಿಧ ಸೋಶಿಯಲ್ ಮೀಡಿಯಾದಲ್ಲಿ ಈ ವಿಡಿಯೋ ಈಗ ಹರಿದಾಡುತ್ತಿದ್ದು, ಇದುವರೆಗೆ ಒಂದು ಮಿಲಿಯನ್‌ಗೂ ಅಧಿಕ ವೀಕ್ಷಣೆ ಗಳಿಸುವಲ್ಲಿ ಯಶಸ್ವಿಯಾಗಿದೆ. ಜೊತೆಗೆ, ನೆಟ್ಟಿಗರು ಕೂಡಾ ಬಲು ತಮಾಷೆಯಿಂದ ಪ್ರತಿಕ್ರಿಯೆ ನೀಡಿದ್ದಾರೆ.