ಸಂಗೀತಕ್ಕೆ ಕೀಬೋರ್ಡ್ ವಾದಕನ ಡಾನ್ಸ್‌ : ಉಲ್ಲಾಸದಾಯಕ ನೃತ್ಯ ಸಖತ್ ವೈರಲ್

ವೃತ್ತಿಯ ಸಂತೃಪ್ತಿ, ತಾದಾತ್ಮ್ಯತೆ ಬದುಕಿನ ಪ್ರತಿಕ್ಷಣವನ್ನೂ ಪ್ರೀತಿಸುವಂತೆ ಮಾಡುತ್ತದೆ. ತಾವು ಮಾಡುವ ಕೆಲಸವನ್ನು ಪ್ರೀತಿಸಿದಾಗ ಕೆಲಸದ ಸವಾಲುಗಳು ಹತ್ತಿರಕ್ಕೆ ಸುಳಿಯುವುದೇ ಇಲ್ಲ. ಇಂತಹ ಕೆಲ ಉಲ್ಲಾಸದ ಕ್ಷಣದ ವಿಡಿಯೋಗಳು ಸೋಶಿಯಲ್ ಮೀಡಿಯಾದಲ್ಲೂ ಕಾಣಸಿಗುತ್ತವೆ. ಸದ್ಯ ಅಂತಹದ್ದೇ ಒಂದು ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿಯಾಗಿ ಹರಿದಾಡುತ್ತಿದ್ದು, ಎಲ್ಲರಲ್ಲೂ ನಗುವರಳಿಸಿದೆ. ಇಲ್ಲೊಬ್ಬರು ಕೀಬೋರ್ಡ್ ವಾದಕ ಸಂಗೀತ ನುಡಿಸುತ್ತಲೇ ಚಿತ್ರವಿಚಿತ್ರ ಸ್ಟೆಪ್ಸ್‌ ಹಾಕಿದ್ದಾರೆ. ಇವರ ಸ್ಟೆಪ್ಸ್‌ ಪ್ರೇಕ್ಷಕರನ್ನೂ ಸೆಳೆದಿದೆ.

ಸಂಗೀತಗಾರ ವಿಕಾಸ್ ದುಡೆಜಾ ಎಂಬವರು ತಮ್ಮ ಫೇಸ್‌ಬುಕ್ ಖಾತೆಯಲ್ಲಿ ಹಂಚಿಕೊಂಡಿರುವ ವಿಡಿಯೋ ಇದು. ಈ ಕ್ಲಿಪ್‌ನಲ್ಲಿ ಕೀಬೋರ್ಡ್ ವಾದಕರೊಬ್ಬರು ಸಂಗೀತ ನುಡಿಸುತ್ತಲೇ ಭರ್ಜರಿ ಸ್ಟೆಪ್ಸ್‌ ಹಾಕಿರುವ ದೃಶ್ಯವಿದೆ. ಸಹ ಸಂಗೀತಗಾರರೊಂದಿಗೆ ಸಂಗೀತ ನುಡಿಸುತ್ತಲೇ ಇವರು ಕುಣಿದು ನೋಡುಗರನ್ನು ಮೋಡಿ ಮಾಡಿದ್ದಾರೆ.

Also Read : ಈ ಅಜ್ಜನ ಡಾನ್ಸ್‌ ನೋಡಿ ನೀವು ಬಿದ್ದು ಬಿದ್ದು ನಗುವುದು ಗ್ಯಾರಂಟಿ...!


ಈ ದೃಶ್ಯ ಎಲ್ಲಿನದ್ದು, ಯಾವಾಗ ಸೆರೆಯಾಗಿದ್ದು ಎಂಬುದು ಸ್ಪಷ್ಟವಾಗಿಲ್ಲ. ಆದರೆ, ಈ ವಿಡಿಯೋ ಈಗ ಎಲ್ಲರ ಗಮನ ಸೆಳೆದಿದೆ. ಸಾವಿರಾರು ವೀಕ್ಷಣೆ ಮತ್ತು ಲೈಕ್ಸ್‌ ಗಳಿಸುವಲ್ಲಿ ಈ ವಿಡಿಯೋ ಯಶಸ್ವಿಯಾಗಿದೆ.

Also Read : ಟಿವಿಯಲ್ಲಿ ಕುದುರೆ ರೇಸ್ ಕಂಡು ಕುಣಿಯುವ ಮುದ್ದು ಶ್ವಾನ : ಇದು ತಮಾಷೆಯ ದೃಶ್ಯ

Also Read : ಚಲಿಸುತ್ತಿದ್ದ ಟ್ರೈನ್ ಹತ್ತಲು ಹೋಗಿ ಅವಾಂತರ! : ಕಾಲುಜಾರಿ ಕೆಳಗೆ ಬಿದ್ದ ವ್ಯಕ್ತಿ! : ಭಯಾನಕ ದೃಶ್ಯ ವೈರಲ್

ಈ ಹಿಂದೆ ಕೂಡಾ ಇಂತಹದ್ದೇ ಹಲವು ವಿಡಿಯೋಗಳು ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿತ್ತು. ವೃದ್ಧರೊಬ್ಬರು ಕಾರ್ಯಕ್ರಮದಲ್ಲಿ ವಾದ್ಯ ನುಡಿಸುತ್ತಲೇ ಎದ್ದು ಜನರೊಂದಿಗೆ ಕುಣಿದು ಖುಷಿ ಕೊಟ್ಟಿದ್ದರು. ಯುವಕರೆಲ್ಲಾ ಮ್ಯೂಸಿಕ್ ಬೀಟ್ಸ್‌ಗೆ ಕುಣಿಯುತ್ತಿದ್ದಂತೆಯೇ ಪುಳಕಗೊಂಡ ಈ ವೃದ್ಧ ಕೂಡಾ ತಾವು ವಾದ್ಯ ನುಡಿಸುವುದನ್ನು ನಿಲ್ಲಿಸಿ ಕುಣಿಯಲು ಆರಂಭಿಸಿದ್ದರು. ಈ ವೇಳೆ, ಪಕ್ಕದಲ್ಲಿಯೇ ಇದ್ದ ಇನ್ನೊಬ್ಬರು ವೃದ್ಧ ಇವರನ್ನು ತಡೆದು ಮತ್ತೆ ವಾದ್ಯ ನುಡಿಸುವಂತೆ ಮಾಡಿದ್ದರು. ಈ ವಿಡಿಯೋ ಕೂಡಾ ಸಾಕಷ್ಟು ಗಮನ ಸೆಳೆದಿತ್ತು.