ಕೊರೊನಾ ವಿರುದ್ಧದ ಯುದ್ಧದಲ್ಲಿ ಗೆದ್ದ ಸಹೋದರಿ : ತಂಗಿಯ ಟಪ್ಪಾಂಗುಚ್ಚಿ ಸ್ಟೆಪ್ಸ್‌ ವೈರಲ್

ಕೊರೊನಾ ವೈರಸ್ ಎಂಬ ಪದ ಕೇಳಿದ ತಕ್ಷಣ ಅದೊಂದು ಅವ್ಯಕ್ತ ಭಯ ಅರೆಕ್ಷಣದಲ್ಲಿ ಮನಸ್ಸಿನ ತುಂಬಾ ಆವರಿಸಿ ಬಿಡುತ್ತದೆ. ಮನೆಯಿಂದ ಹೊರಗೆ ಹೋಗುವಾಗಲೂ ಬಲು ಎಚ್ಚರಿಕೆಯಿಂದ ಇರುವಂತೆ ಮಾಡಿದೆ ಈ ವೈರಸ್. ಹೀಗಾಗಿ, ಒಂದೊಮ್ಮೆ ಕೊರೊನಾ ಸೋಂಕಿಗೊಳಗಾದವರು ಸಂಪೂರ್ಣ ಗುಣಮುಖರಾಗಿ ಬಂದರೆ ಖಂಡಿತಾ ಆ ಇಡೀ ಏರಿಯಾದಲ್ಲಿ ಯುದ್ಧ ಗೆದ್ದ ಸಂಭ್ರಮದ ವಾತಾವರಣವಿರುತ್ತದೆ. ಎಲ್ಲರೂ ಬಲು ಅಕ್ಕರೆಯಿಂದಲೇ ಕೊರೊನಾ ಸೋಂಕಿನಿಂದ ಪಾರಾದವರನ್ನು ಸ್ವಾಗತಿಸುತ್ತಾರೆ. ಅದರಲ್ಲೂ ಮನೆಯಲ್ಲಂತೂ ಹಬ್ಬಕ್ಕಿಂತಲೂ ದೊಡ್ಡ ಸಂಭ್ರಮ ತುಂಬಿರುತ್ತದೆ. ಇದು ಕೂಡಾ ಅಂತಹದ್ದೇ ಒಂದು ಸಂಭ್ರಮದ ವಿಡಿಯೋ.

Also Read : ಬಟರ್ ಚಿಕನ್ ಆಸೆಗೆ 32 ಕಿ.ಮೀ ದೂರ ಬಂದು 1.23 ಲಕ್ಷ ರೂ. ದಂಡ ತೆತ್ತ ವ್ಯಕ್ತಿ...!

ಸದ್ಯ ಯುವತಿಯೊಬ್ಬರ ಡಾನ್ಸ್‌ನ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಭರ್ಜರಿಯಾಗಿ ವೈರಲ್ ಆಗುತ್ತಿದೆ. ತನ್ನ ಸಹೋದರಿ ಕೊರೊನಾ ಮುಕ್ತರಾಗಿ ಮನೆಗೆ ಬಂದ ಸಂಭ್ರಮದಲ್ಲಿ ಈ ಸಹೋದರಿ ಮನೆಯ ಎದುರು ಭರ್ಜರಿ ಟಪ್ಪಾಂಗುಚ್ಚಿ ಸ್ಟೆಪ್ಸ್‌ ಹಾಕಿದ್ದಾರೆ. ಈ ಡಾನ್ಸ್‌ಗೆ ಎಲ್ಲರೂ ಫಿದಾ ಆಗಿದ್ದಾರೆ.

Also Read : ಸಂಗೀತಕ್ಕೆ ದನಿಗೂಡಿಸುವ ಮುದ್ದು ಗಿಣಿ : ಇದು ಖುಷಿಕೊಡುವ ವಿಡಿಯೋ

ಹೀಗೆ ತನ್ನ ಟಪ್ಪಾಂಗುಚ್ಚಿ ನೃತ್ಯ ಕೌಶಲ್ಯದಲ್ಲೇ ಎಲ್ಲರ ಮನಸ್ಸು ಗೆದ್ದವರು ಪುಣೆಯ 23 ವರ್ಷದ ಸಲೋನಿ ಸತ್‌ಪ್ಯೂಟ್. ತನ್ನ ಅಕ್ಕ ಈ ಕೊರೊನಾ ಸೋಂಕಿನಿಂದ ಮುಕ್ತರಾಗಿ ಮನೆಗೆ ಮರಳುತ್ತಿದ್ದಂತೆಯೇ ಸಲೋನಿ ಕುಣಿದು ತನ್ನ ಸಂಭ್ರಮವನ್ನು ವ್ಯಕ್ತಪಡಿಸಿದ್ದರು. ಅಕ್ಕ ಅರ್ಧದಾರಿಯಲ್ಲಿ ಬರುತ್ತಿದ್ದಾಗಲೇ ಓಡಿ ಹೋದ ಸಲೋನಿ ಭರ್ಜರಿಯಾಗಿ ಕುಣಿದು ತನ್ನ ಖುಷಿಯನ್ನು ವ್ಯಕ್ತಪಡಿಸಿದ್ದಾರೆ. ಈ ವಿಡಿಯೋವನ್ನು ಐಪಿಎಸ್ ಅಧಿಕಾರಿ ಅಧಿಕಾರಿ ಡಿಪನ್ಶು ಕಬ್ರಾ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ.

Also Read : ನಾನು ಕೊರೊನಾ ಸೋಂಕಿತ, ಆಸ್ಪತ್ರೆಗೆ ಹೋಗುತ್ತಿದ್ದೇನೆ : ಕೇಳಿದ ಪ್ರಶ್ನೆಗೆ ಬಂದ ಉತ್ತರ ಕೇಳಿದ ಪತ್ರಕರ್ತ ತಬ್ಬಿಬ್ಬು!

ತಂಗಿಯ ಟಪ್ಪಾಂಗುಚ್ಚಿ ಸ್ಟೆಪ್ಸ್‌ನ ಸ್ವಾಗತದ ಬಳಿಕ ಕೊರೊನಾ ಮುಕ್ತರಾದ ಯುವತಿಯ ತಾಯಿ ಆರತಿ ಬೆಳಗಿ ಮಗಳನ್ನು ಮನೆಯೊಳಗೆ ಬರ ಮಾಡಿಕೊಂಡಿದ್ದರು. ಸದ್ಯ ಈ ವಿಡಿಯೋ ಎಲ್ಲರಿಗೂ ಖುಷಿಕೊಟ್ಟಿದೆ. ನಿಜಕ್ಕೂ ಈ ಸಡಗರ ಮನಸ್ಸಿಗೆ ಹಿತ ನೀಡುತ್ತದೆ.