ಅಬ್ಬಬ್ಬಾ! ಈ ಬುದ್ಧಿವಂತ ಮುದ್ದು ಶ್ವಾನದ ಐಡಿಯಾ ಒಂದು ಕ್ಷಣ ನಮ್ಮನ್ನೇ ತಬ್ಬಿಬ್ಬಾಗಿಸುತ್ತದೆ...!

ಸೋಶಿಯಲ್ ಮೀಡಿಯಾ ಎಂಬುದು ಈಗ ಎಲ್ಲರ ಬೆಸ್ಟ್‌ ಫ್ರೆಂಡ್. ಬಹುತೇಕರು ಸೋಶಿಯಲ್ ಮೀಡಿಯಾವನ್ನು ಬಳಸುತ್ತಾರೆ. ದಿನಕ್ಕೆ ಕನಿಷ್ಠ ಒಂದು ಬಾರಿಯಾದರೂ ತಮ್ಮ ಸಾಮಾಜಿಕ ಜಾಲತಾಣದಲ್ಲಿ ಕಣ್ಣಾಡಿಸದಿದ್ದರೆ ಬಹುತೇಕರಿಗೆ ಏನನ್ನೋ ಕಳೆದುಕೊಂಡಂತಹ ಅನುಭವವಾಗುತ್ತದೆ. ಹೀಗೆ ಜನರ ಜೀವನದಲ್ಲಿ ಪ್ರಮುಖ ಭಾಗವಾಗಿರುವ ಈ ಸೋಶಿಯಲ್ ಮೀಡಿಯಾದಲ್ಲಿ ಕೆಲವೊಮ್ಮೆ ಕಾಣಸಿಗುವ ದೃಶ್ಯಗಳು ನಿಜಕ್ಕೂ ಬೆರಗು ಮೂಡಿಸುತ್ತವೆ, ಅಚ್ಚರಿಗೆ ಕಾರಣವಾಗುತ್ತವೆ. ಜೊತೆಗೆ ಮೊಗದಲ್ಲಿ ಮಂದಹಾಸ ಮೂಡಿಸುತ್ತವೆ. ನಮ್ಮ ಮನಸ್ಸಿನ ಬೇಸರ ಕಳೆಯುವಂತಹ ಸಾಕಷ್ಟು ಅಪರೂಪದ ದೃಶ್ಯವನ್ನು ನಾವು ಸಾಮಾಜಿಕ ಮಾಧ್ಯಮಗಳಲ್ಲಿ ನೋಡಬಹುದು... ಸದ್ಯ ಅಂತಹದ್ದೇ ಒಂದು ವಿಡಿಯೋ ಎಲ್ಲರ ಗಮನ ಸೆಳೆದಿದೆ.

ಇದು ಶ್ವಾನದ ಜಾಣತನದ ದೃಶ್ಯ. ಶ್ವಾನಗಳೆಂದರೆ ಬಹುತೇಕ ಎಲ್ಲರೂ ಇಷ್ಟಪಡುತ್ತಾರೆ. ಇವುಗಳ ಆಟ ತುಂಟಾಟ ಎಲ್ಲರಿಗೂ ಬಲು ಇಷ್ಟ. ಇಂತಹ ಮುದ್ದು ಶ್ವಾನಗಳು ಒಮ್ಮೊಮ್ಮೆ ತೋರುವ ಬುದ್ಧಿವಂತಿಕೆ ಬೆರಗು ಮೂಡಿಸುತ್ತದೆ. ಇವುಗಳ ಇಂತಹ ತುಂಟಾಟಗಳನ್ನು ನೋಡುವಾಗಲೂ ಮನಸ್ಸು ಉಲ್ಲಸಿತವಾಗುತ್ತದೆ. ಈ ದೃಶ್ಯವನ್ನು ನೋಡಿದ ನೀವೂ ಒಂದು ಕ್ಷಣ ನಗದೇ ಇರಲು ಸಾಧ್ಯವೇ ಇಲ್ಲ.

Also Read : ಮೊದಲ ಬಾರಿಗೆ ಕನ್ನಡಿ ನೋಡಿದ ಕುದುರೆ : ಹೇಗಿತ್ತು ಗೊತ್ತಾ ಆ ಪ್ರತಿಕ್ರಿಯೆ? : ಬಲು ತಮಾಷೆಯ ದೃಶ್ಯವಿದು

ಶ್ವಾನಗಳು ಒಮ್ಮೊಮ್ಮೆ ಮನುಷ್ಯರಿಗಿಂತಲೂ ಚುರುಕಾಗಿ ಯೋಚಿಸುತ್ತವೆ ಎಂಬುದಕ್ಕೆ ಸಾಕ್ಷಿ ಇದು. ಆ ವ್ಯಕ್ತಿ ತನ್ನ ಶ್ವಾನಕ್ಕೆ ಟೇಬಲ್ ಮೇಲೆ ತಿಂಡಿ ಹಾಕಿ ಮನೆಯೊಳಗೆ ಹೋಗುವ ಮೂಲಕ ಈ ಕ್ಲಿಪ್ ಆರಂಭವಾಗುತ್ತದೆ. ಹೀಗೆ ಶ್ವಾನಕ್ಕೆ ತಿಂಡಿ ಹಾಕಿ ಮಾಲಿಕ ಒಳಗೆ ಹೋಗುತ್ತಿದ್ದಂತೆಯೇ ಅದನ್ನು ತಿಂದ ಶ್ವಾನ ಬಳಿಕ ತೋರುವ ಚಾಕಚಕ್ಯತೆ ಬೆರಗುಗೊಳಿಸುತ್ತದೆ.


Also Read : 78 ವರ್ಷದ ವರ, 17 ವರ್ಷದ ವಧು... ಮದುವೆಯಾದ 22 ದಿನಕ್ಕೇ ವಿಚ್ಛೇದನ...!

ಮಾಲಿಕರು ಹಾಕಿದ ತಿಂಡಿಯನ್ನು ತಿಂದ ಶ್ವಾನ ಮತ್ತೆ ಟೇಬಲ್‌ನ ಡ್ರಾಯರ್ ಎಳೆದು ಅದರಲ್ಲಿದ್ದ ಇನ್ನೊಂದು ತಿಂಡಿಯನ್ನು ತಂದು ತನ್ನ ಟೇಬಲ್ ಮೇಲೆ ಹಾಕಿ ಮಾಲಿಕರು ಬರುವವರೆಗೆ ಕಾದು ಕುಳಿತಿತ್ತು. ಶ್ವಾನ ಮೊದಲು ಕೊಟ್ಟಿದ್ದ ತಿಂಡಿಯನ್ನು ತಿಂದ ವಿಷಯ ಗೊತ್ತಿಲ್ಲದ ಮಾಲಿಕರು ಟೇಬಲ್ ಮೇಲೆ ತಿಂಡಿ ಕಂಡು ಪ್ರೀತಿಯಿಂದ ಅದನ್ನು ತನ್ನ ಶ್ವಾನಕ್ಕೆ ತಿನ್ನಿಸಿದ್ದರು...! ಅಲ್ಲಿಗೆ ಶ್ವಾನಕ್ಕೆ ಎರಡು ತಿಂಡಿ ಸಿಕ್ಕಂತಾಗಿತ್ತು...!

Also Read : ಭೂಕಂಪದ ಭೀಕರ ದೃಶ್ಯ ಕ್ಯಾಮೆರಾದಲ್ಲಿ ಸೆರೆ! : ಎದೆ ನಡುಗಿಸುವಂತಿದೆ ಈ ಕ್ಷಣ!

ಸದ್ಯ ಈ ತಮಾಷೆಯ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ವ್ಯಾಪಕವಾಗಿ ವೈರಲ್ ಆಗುತ್ತಿದೆ. ಇದು ಬೇಕೆಂದೇ ಮಾಡಿರುವ ವಿಡಿಯೋದಂತೆ ಕಂಡರೂ ಎಲ್ಲರೂ ಶ್ವಾನದ ಬುದ್ಧಿವಂತಿಕೆ, ಅಭಿನಯಕ್ಕೆ ಫಿದಾ ಆಗಿದ್ದಾರೆ. ಬಹುಶಃ ನೀವು ಕೂಡಾ ಈ ಶ್ವಾನದ ನಟನೆಗೆ ಬೆರಗಾಗಿರಬಹುದು.