20 ಕೆ.ಜಿ ತೂಕದ ಹೆಬ್ಬಾವನ್ನು ರಕ್ಷಿಸಿದ ಮಹಿಳೆ : ಸಾಹಸಕ್ಕೆ ನೆಟ್ಟಿಗರು ಫಿದಾ : ಇಲ್ಲಿದೆ ವಿಡಿಯೋ

ದೂರದಲ್ಲಿ ಹಾವು ಇದೆ ಎಂದು ಗೊತ್ತಾದರೆ ಯಾರಿಗಾದರೂ ಕೈಕಾಲುಗಳೆಲ್ಲಾ ನಡುಗುತ್ತದೆ. ಬಾಯಿ ಒಣಗಿದಂತಾಗುತ್ತದೆ. ಆದರೆ, ಕೆಲವರಿಗೆ ಹಾಗಲ್ಲ. ಹಾವುಗಳೂ ಆಪ್ತ ಸ್ನೇಹಿತರು...! ಇದಕ್ಕೆ ಸಾಕ್ಷಿ ಈ ಸಾಹಸಿ ಮಹಿಳೆ. ಕೇರಳದಲ್ಲಿ ಮಹಿಳೆಯೊಬ್ಬರು ಸುಮಾರು 20 ಕೆ.ಜಿ ತೂಕದ ಹೆಬ್ಬಾವನ್ನು ಹಿಡಿದಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಹರಿದಾಡುತ್ತಿದ್ದು, ಎಲ್ಲರೂ ಇವರ ಸಾಹಸಕ್ಕೆ ಫಿದಾ ಆಗಿದ್ದಾರೆ.

Also Read : ಅಮ್ಮನಿಗಾಗಿ ಹೋರಾಡಿದ ಪೋರ...: ಖಂಡಿತಾ ಕಣ್ಣೀರು ತರಿಸುತ್ತದೆ ಈ ವಿಡಿಯೋ

ಎರ್ನಾಕುಲಂನ ತರಂಗಿಣಿ ಅಪಾರ್ಟ್‌ಮೆಂಟ್‌ನಲ್ಲಿ ನಡೆದ ಘಟನೆ ಇದು. ಜನವಸತಿ ಪ್ರದೇಶಕ್ಕೆ ಈ ಬೃಹತ್ ಹೆಬ್ಬಾವು ಬಂದಿತ್ತು. ತಾವಿದ್ದ ಪ್ರದೇಶದಲ್ಲಿ ಹಾವೊಂದು ಕಾಣಿಸಿಕೊಂಡಿದೆ ಎಂದು ಗೊತ್ತಾಗುತ್ತಿದ್ದಂತೆಯೇ ಧಾವಿಸಿ ಬಂದಿದ್ದರು ನೌಕಾ ಪಡೆಯ ಹಿರಿಯ ಅಧಿಕಾರಿಯೊಬ್ಬರ ಪತ್ನಿ ವಿದ್ಯಾ ರಾಜು. ಇಬ್ಬರು ಪುರುಷ ಸಹಾಯಕರೊಂದಿಗೆ ಬಂದಿದ್ದ ವಿದ್ಯಾ ಹೆಬ್ಬಾವು ಹಿಡಿಯುವ ಕಾರ್ಯಾಚರಣೆಗಿಳಿದಿದ್ದರು. ತುಂಬಾ ಜಾಗರೂಕತೆಯಿಂದ ಅಷ್ಟೇ ಜವಾಬ್ದಾರಿಯುತವಾಗಿ ವಿದ್ಯಾ ಹೆಬ್ಬಾವಿನ ರಕ್ಷಣೆ ಮಾಡಿದ್ದಾರೆ.

Also Read : ಸಾರೋಟ್ ಜೊತೆ ಹೆದ್ದಾರಿಯಲ್ಲೇ ಓಡಿದ ಕುದುರೆ : ಬೈಕ್‌ನಲ್ಲಿ ಹೋಗಿ ಹಿಡಿದರೂ ನಿಯಂತ್ರಣಕ್ಕೆ ಬರಲಿಲ್ಲ...!

ಸದ್ಯ ಸಾಮಾಜಿಕ ಮಾಧ್ಯಮಗಳಲ್ಲಿ ಈ ವಿಡಿಯೋ ವೈರಲ್ ಆಗುತ್ತಿದೆ. ಸಾಕಷ್ಟು ಜನ ಈ ವಿಡಿಯೋವನ್ನು ವೀಕ್ಷಿಸಿದ್ದು, ಎಲ್ಲರೂ ರಾಜು ಅವರ ಉರಗ ಪ್ರೀತಿಯನ್ನು ಕೊಂಡಾಡಿದ್ದಾರೆ. ಅದರಲ್ಲೂ ವಿದ್ಯಾ ಹಾವನ್ನು ಮುದ್ದಾಗಿ `ಮಗು' (ಬಚ್ಚಾ) ಎಂದು ಕರೆಯುತ್ತಿದ್ದದ್ದು ಎಲ್ಲರಿಗೂ ಇಷ್ಟವಾಗಿದೆ.

Also Read : ಮದುವೆ ಸಿದ್ಧತೆಯಲ್ಲಿ ಸಲಿಂಗಿ ಜೋಡಿ : ವೈರಲ್ ಆಗುತ್ತಿದೆ ಪ್ರೀ ವೆಡ್ಡಿಂಗ್ ಫೋಟೋಶೂಟ್...


ಮೂಲಗಳ ಪ್ರಕಾರ ವಿದ್ಯಾ ರಾಜು ಹಾವು ಹಿಡಿಯುವುದರಲ್ಲಿ ಪರಿಣಿತಿ ಪಡೆದಿದ್ದಾರಂತೆ. ಅರಣ್ಯ ಇಲಾಖೆಗೆ ಹಲವಾರು ಸಂದರ್ಭದಲ್ಲಿ ಸಹಾಯ ಮಾಡಿದ್ದಾರಂತೆ. ಜೊತೆಗೆ, ಹಾವಿನ ಬಗ್ಗೆ ಇವರು ಜನರಲ್ಲೂ ಜಾಗೃತಿ ಮೂಡಿಸುತ್ತಿದ್ದಾರೆ. ಯಾರಾದರೂ ಮನೆ ಬಳಿ ಹಾವು ಬಂದಿದೆ ಎಂದು ಹೇಳಿದ ತಕ್ಷಣ ಅವುಗಳನ್ನು ರಕ್ಷಣೆ ಮಾಡಿ, ಕೊಲ್ಲಬೇಡಿ ಎಂದು ಇವರು ಸಲಹೆ ನೀಡುತ್ತಾರೆ. ಈ ಮೂಲಕ ತಮ್ಮ ಪ್ರಾಣಿ ಪ್ರೀತಿಯನ್ನು ಮೆರೆಯುತ್ತಿದ್ದಾರೆ.