ಈಕೆಯ ಸೋಶಿಯಲ್ ಡಿಸ್ಟೆನ್ಸಿಂಗ್ ಐಡಿಯಾ ನೋಡಿದ್ದೀರಾ...?

ಕೊರೊನಾ ವೈರಸ್ ಅಬ್ಬರ ಶುರುವಾದ ಬಳಿಕ ಬದುಕು ಬದಲಾಗಿದೆ. ಮಾಸ್ಕ್‌, ಸ್ಯಾನಿಟೈಸರ್ ಈಗ ಜನಸಾಮಾನ್ಯರ ಬದುಕಿನ ಭಾಗವಾಗಿ ಹೋಗಿದೆ. ಕೈಗಳ ಸ್ವಚ್ಛತೆಯ ಬಗ್ಗೆ ಜನ ಹೆಚ್ಚು ಗಮನ ಹರಿಸುತ್ತಿದ್ದಾರೆ. ಇದರೊಂದಿಗೆ ಸಾಮಾಜಿಕ ಅಂತರ ಕಾಯ್ದುಕೊಳ್ಳುವ ಬಗೆಗೂ ಜನ ಜಾಗೃತರಾಗಿದ್ದಾರೆ. ಸಾಮಾಜಿಕ ಅಂತರ ಕಾಯ್ದುಕೊಳ್ಳುವುದರಿಂದಲೂ ರಕ್ಕಸ ಕೊರೊನಾ ವೈರಸ್‌ನಿಂದ ಪರಿಣಾಮಕಾರಿಯಾಗಿ ದೂರ ಇರಬಹುದು. ಇದನ್ನು ಮನಗೊಂಡ ಎಲ್ಲರೂ ಸಾಮಾಜಿಕ ಅಂತರವನ್ನು ಗಂಭೀರವಾಗಿ ಪಾಲಿಸಿದರೆ, ಇನ್ನು ಕೆಲವರು ಈ ಸೋಶಿಯಲ್ ಡಿಸ್ಟೆನ್ಸ್‌ ಮೆಂಟೇನ್ ಮಾಡಲೆಂದೇ ವಿನೂತನ ದಾರಿಯನ್ನು ಕಂಡುಕೊಳ್ಳುತ್ತಾರೆ. ಸದ್ಯ ಇಲ್ಲೊಬ್ಬರು ಮಹಿಳೆ ಇದೇ ವಿನೂತನ ದಾರಿಯ ಕಾರಣಕ್ಕೆ ಎಲ್ಲರ ಗಮನ ಸೆಳೆದಿದ್ದಾರೆ.

Also Read : ವಿವಿ ಕ್ಯಾಂಪಸ್‌ನೊಳಗಿದ್ದ ಆ ಕೆರೆಯ ಬಗೆಗಿತ್ತು ಭಯಾನಕ ಕತೆ...!

ಇದು ಫ್ರಾನ್ಸಿನ ಮಹಿಳೆಯೊಬ್ಬರು ಕಂಡುಕೊಂಡ ಮಾರ್ಗ. ಸಾಮಾಜಿಕ ಅಂತರವನ್ನು ಕಾಯ್ದುಕೊಳ್ಳುವ ಸಲುವಾಗಿ ಈ ಮಹಿಳೆ ತಲೆಗೆ ಮೀಟರ್ ಸ್ಟಿಕ್ ಅಂದರೆ ಅಡಿಕೋಲನ್ನು ಸಿಕ್ಕಿಸಿಕೊಂಡು ಓಡಾಡುತ್ತಿದ್ದಾರೆ. ಸದ್ಯ ಈ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗಿದ್ದು, ಎಲ್ಲರೂ ಈ ಮಹಿಳೆಯ ಐಡಿಯಾವನ್ನು ಕೊಂಡಿದ್ದಾರೆ.

Also Read : ರಸ್ತೆಯಲ್ಲಿ ಉಗುಳಿದವನಿಗೆ ಬುದ್ಧಿ ಕಲಿಸಿದ ಪೊಲೀಸ್, ಬಾಟಲ್ ಎಸೆದಾತನಿಗೆ ಬಾಲಕನ ಕ್ಲಾಸ್!

ಹಾಗಂತ, ಇದೇ ಮೊದಲ ಬಾರಿಗೆ ಇಂತಹ ಪ್ರಯತ್ನಗಳೇನು ನಡೆಯುತ್ತಿಲ್ಲ. ಈ ಹಿಂದೆ ಚೀನಾದಲ್ಲಿ ಶಾಲಾ ವಿದ್ಯಾರ್ಥಿಗಳು ಫ್ಯಾನಿನ ರೆಕ್ಕೆಯ ರೀತಿಯ ವಿಚಿತ್ರ ಟೋಪಿ ತೊಟ್ಟು ಶಾಲೆಗೆ ಬಂದಿದ್ದರು. ಇದು ಪ್ರತಿಯೊಬ್ಬ ವಿದ್ಯಾರ್ಥಿಗಳಿಗೂ ಒಬ್ಬರಿಗೊಬ್ಬರು ಅಂತರ ಕಾಯ್ದುಕೊಳ್ಳಲು ನೆರವಾಗಿತ್ತು.

Also Read : Viral Video : ಕಾರನ್ನು ಹೀಗೂ ಪಾರ್ಕ್ ಮಾಡಬಹುದು...!

ಇನ್ನು, ಹಾಲು ಮಾರುವ ಯುವಕನೊಬ್ಬ ಬೈಕಿನಲ್ಲಿ ಪೈಪ್ ಮೂಲಕ ಹಾಲು ಕೊಟ್ಟು ಸಾಮಾಜಿಕ ಅಂತರ ಕಾಯ್ದುಕೊಳ್ಳುತ್ತಿದ್ದ. ಈ ಫೋಟೋ ಕೂಡಾ ಇತ್ತೀಚೆಗೆ ಸಾಕಷ್ಟು ವೈರಲ್ ಆಗಿತ್ತು. ಜೊತೆಗೆ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಲೆಂದೇ ವಿನೂತನವಾಗಿ ವಿನ್ಯಾಸಗೊಳಿಸಿದ ಆಟೋ ಕೂಡಾ ಎಲ್ಲರ ಗಮನ ಸೆಳೆದಿತ್ತು. ಇಂತಹ ಅನೇಕ ಹೊಸ ಹೊಸ ಪ್ರಯೋಗಗಳು ನಮ್ಮಲ್ಲಿ ನಡೆದಿದ್ದು ಎಲ್ಲವೂ ಜನರ ಗಮನ ಸೆಳೆಯುತ್ತಿವೆ.