ಜಾಂಬಿಯಾದ ಟಿವಿ ವಾಹಿನಿಯ ನಿರೂಪಕರು ಈಗ ಸೋಶಿಯಲ್ ಮೀಡಿಯಾದಲ್ಲಿ ಭಾರೀ ಸುದ್ದಿಯಾಗಿದ್ದಾರೆ. ತಮಗೆ ಹಾಗೂ ಸಹೋದ್ಯೋಗಿಗಳಿಗೆ ಸಂಸ್ಥೆ ಇನ್ನೂ ಸಂಬಳ ನೀಡಿಲ್ಲ ಎಂದು ಇವರು ನೇರಪ್ರಸಾರದಲ್ಲಿಯೇ ಹೇಳಿದ್ದು, ಈ ವಿಡಿಯೋ ಈಗ ವೈರಲ್ ಆಗುತ್ತಿದೆ. ಕಬಿಂದಾ ಕಲಿಮಿನಾ ಈ ಸುದ್ದಿ ನಿರೂಪಕ. ಕೆಬಿಎನ್ ಎಂಬ ವಾಹಿನಿಯಲ್ಲಿ ಕೆಲಸ ನಿರ್ವಹಿಸುತ್ತಿದ್ದ ಇವರು ರಾತ್ರಿಯ ಪ್ರಮುಖ ಬುಲೆಟಿನ್ನಲ್ಲಿ ಹೆಡ್ಲೈನ್ಸ್ ಓದಿ ಮುಗಿಸುತ್ತಿದ್ದಂತೆಯೇ ಸಂಸ್ಥೆ ತಮಗಿನ್ನೂ ಸಂಬಳ ಕೊಟ್ಟಿಲ್ಲ ಎಂದು ಹೇಳಿಕೊಂಡಿದ್ದಾರೆ. ಸದ್ಯ ವೈರಲ್ ಆಗುತ್ತಿರುವ ಕ್ಲಿಪ್ನಲ್ಲಿ `ಸುದ್ದಿಗಳನ್ನು ಹೊರತುಪಡಿಸಿ ನಾವು ಕೂಡಾ ಮನುಷ್ಯರು. ನಮಗೂ ಸಂಬಳ ಬೇಕು. ದುರದೃಷ್ಟವಶಾತ್ ಸಂಸ್ಥೆ ನಮಗೆ ಹಣ ಪಾವತಿಸಿಲ್ಲ. ನಾನು ಸೇರಿದಂತೆ ಹಲವರಿಗೆ ಸಂಬಳ ಬೇಕು' ಎಂದು ಇವರು ಹೇಳುವ ದೃಶ್ಯವಿದೆ.
ಈ ವಿಡಿಯೋವನ್ನು ಕಲಿಮಿನಾ ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಸದ್ಯ ಈ ವಿಡಿಯೋ ಲಕ್ಷಾಂತರ ವೀಕ್ಷಣೆ ಗಳಿಸಿದೆ. ಜೊತೆಗೆ, ಸಾಕಷ್ಟು ಮಂದಿ ಈ ಸಿಬ್ಬಂದಿ ಪರವಾಗಿ ಮಾತನಾಡಿದ್ದಾರೆ. ಎಲ್ಲರಿಗೂ ವೇತನ ಸಿಗಬೇಕು ಎಂದು ಒತ್ತಾಯಿಸಿದ್ದಾರೆ.
ಇತ್ತ, ಈ ವಿಷಯ ವೈರಲ್ ಆಗುತ್ತಿದ್ದಂತೆಯೇ ಕೆಬಿಎನ್ ಸಂಸ್ಥೆ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದೆ. ಜೊತೆಗೆ, ಟಿವಿ ನಿರೂಪಕ ಮದ್ಯಪಾನ ಮಾಡಿ ಮತ್ತು ಒಂದೇ ರಾತ್ರಿಯಲ್ಲಿ ಖ್ಯಾತಿ ಪಡೆಯಲು ಈ ರೀತಿ ಮಾಡಿದ್ದಾರೆ ಎಂದು ಹೇಳಿದೆ. ಈ ಬಗ್ಗೆ ತನಿಖೆ ನಡೆಸಲಾಗುತ್ತಿದ್ದು, ಇದಕ್ಕೆ ಕೈಜೋಡಿಸಿದವರ ವಿರುದ್ಧ ಶಿಸ್ತುಕ್ರಮವನ್ನು ಕೈಗೊಳ್ಳಲಾಗುವುದು ಎಂದು ಸಂಸ್ಥೆಯ ಮುಖ್ಯಸ್ಥರು ಹೇಳಿದ್ದಾರೆ.
ಇತ್ತ, ತನ್ನ ಮೇಲಿನ ಮದ್ಯಪಾನದ ಆರೋಪವನ್ನು ಕಲಿಮಿನಾ ನಿರಾಕರಿಸಿದ್ದು, ಸಂಸ್ಥೆ ಶೀಘ್ರ ತನ್ನ ಬಾಕಿಯನ್ನು ಪಾವತಿಸಬೇಕು ಎಂದೂ ಒತ್ತಾಯಿಸಿದ್ದಾರೆ. ಸದ್ಯ ಈ ಎಲ್ಲಾ ಪೋಸ್ಟ್ಗಳೂ ವೈರಲ್ ಆಗುತ್ತಿವೆ.
ಈ ವಿಡಿಯೋವನ್ನು ಕಲಿಮಿನಾ ತಮ್ಮ ಫೇಸ್ಬುಕ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಸದ್ಯ ಈ ವಿಡಿಯೋ ಲಕ್ಷಾಂತರ ವೀಕ್ಷಣೆ ಗಳಿಸಿದೆ. ಜೊತೆಗೆ, ಸಾಕಷ್ಟು ಮಂದಿ ಈ ಸಿಬ್ಬಂದಿ ಪರವಾಗಿ ಮಾತನಾಡಿದ್ದಾರೆ. ಎಲ್ಲರಿಗೂ ವೇತನ ಸಿಗಬೇಕು ಎಂದು ಒತ್ತಾಯಿಸಿದ್ದಾರೆ.
ಇತ್ತ, ಈ ವಿಷಯ ವೈರಲ್ ಆಗುತ್ತಿದ್ದಂತೆಯೇ ಕೆಬಿಎನ್ ಸಂಸ್ಥೆ ಈ ಬಗ್ಗೆ ಪ್ರತಿಕ್ರಿಯೆ ನೀಡಿದೆ. ಜೊತೆಗೆ, ಟಿವಿ ನಿರೂಪಕ ಮದ್ಯಪಾನ ಮಾಡಿ ಮತ್ತು ಒಂದೇ ರಾತ್ರಿಯಲ್ಲಿ ಖ್ಯಾತಿ ಪಡೆಯಲು ಈ ರೀತಿ ಮಾಡಿದ್ದಾರೆ ಎಂದು ಹೇಳಿದೆ. ಈ ಬಗ್ಗೆ ತನಿಖೆ ನಡೆಸಲಾಗುತ್ತಿದ್ದು, ಇದಕ್ಕೆ ಕೈಜೋಡಿಸಿದವರ ವಿರುದ್ಧ ಶಿಸ್ತುಕ್ರಮವನ್ನು ಕೈಗೊಳ್ಳಲಾಗುವುದು ಎಂದು ಸಂಸ್ಥೆಯ ಮುಖ್ಯಸ್ಥರು ಹೇಳಿದ್ದಾರೆ.
ಇತ್ತ, ತನ್ನ ಮೇಲಿನ ಮದ್ಯಪಾನದ ಆರೋಪವನ್ನು ಕಲಿಮಿನಾ ನಿರಾಕರಿಸಿದ್ದು, ಸಂಸ್ಥೆ ಶೀಘ್ರ ತನ್ನ ಬಾಕಿಯನ್ನು ಪಾವತಿಸಬೇಕು ಎಂದೂ ಒತ್ತಾಯಿಸಿದ್ದಾರೆ. ಸದ್ಯ ಈ ಎಲ್ಲಾ ಪೋಸ್ಟ್ಗಳೂ ವೈರಲ್ ಆಗುತ್ತಿವೆ.