ಶ್ವಾನ ಮತ್ತು ಕುದುರೆಯ ಈ ಅಪೂರ್ವ ಸ್ನೇಹಕ್ಕೆ ಮನಸೋಲದವರಿಲ್ಲ...

ಸ್ನೇಹ ಎಂಬುದು ಅಪೂರ್ವ ಸಂಬಂಧ... ಸ್ನೇಹ ಬಯಸದ ಜೀವಿಗಳನ್ನು ಈ ಲೋಕದಲ್ಲಿ ಕಾಣಲು ಸಾಧ್ಯವೇ ಇಲ್ಲ... ಪ್ರತಿಯೊಬ್ಬರು ಸುಂದರ ಸ್ನೇಹಕ್ಕೆ ಹಾತೊರೆಯುತ್ತಿರುತ್ತಾರೆ. ಕುಟುಂಬದ ಸದಸ್ಯರಿಗಿಂತಲೂ ಸ್ನೇಹಿತರಿಗೆ ಒಂದು ಹಿಡಿ ಮಹತ್ವ, ಪ್ರೀತಿ ಜಾಸ್ತಿ. ಹಾಗಂತ, ಇಂತಹ ಅಪೂರ್ವ ಸ್ನೇಹ ಸಂಬಂಧಗಳು ಬರೀ ಮನುಷ್ಯರಲ್ಲಿ ಮಾತ್ರ ಇದೆಯಾ...? ಖಂಡಿತಾ ಇಲ್ಲ. ಪ್ರಾಣಿ ಪಕ್ಷಿಗಳಲ್ಲೂ ನಾವು ಸ್ನೇಹ ಪ್ರೀತಿಯನ್ನು ಕಾಣಬಹುದಾಗಿದೆ.

Also Read : ಟಿಕ್‌ಟಾಕ್‌ನಲ್ಲಿ ಶುರುವಾದ ವಿಚಿತ್ರ ಚಾಲೆಂಜನ್ನು ನೋಡಿದ್ದೀರಾ...?

ಸದ್ಯ ಬರೀ ಕೊರೊನಾ ವೈರಸ್ ಬಗೆಗಿನ ಸುದ್ದಿಗಳೇ ಕಾಣಸಿಗುತ್ತಿವೆ. ಜನರೂ ರಕ್ಕಸ ವೈರಸ್ ಭಯದ ಕಾರಣಕ್ಕೆ ಮನೆಯಲ್ಲೇ ಮುದುಡಿ ಕುಳಿತಿದ್ದಾರೆ. ಹೊರಗೆ ಹೋಗುವ ಅವಕಾಶವೇ ಜನರಿಗಿಲ್ಲ. ಹೀಗಾಗಿ, ಮನೆಯಲ್ಲೇ ಇರುವುದು ಬೋರ್ ಎಂದು ಕೆಲವರು ನೊಂದಿದ್ದಾರೆ. ಇಂತಹ ಸಂದರ್ಭದಲ್ಲಿ ಸಾಮಾಜಿಕ ಮಾಧ್ಯಮಗಳಲ್ಲಿ ಕಾಣಸಿಗುವ ಒಂದಷ್ಟು ವಿಡಿಯೋಗಳು ಜನರ ಮನಸ್ಸಿಗೆ ಮುದ ನೀಡುತ್ತವೆ. ಅದರಲ್ಲೂ ಪ್ರಾಣಿಗಳ ಕೆಲವೊಂದು ಅದ್ಭುತ ವಿಡಿಯೋಗಳು ನಮ್ಮನ್ನೇ ಮರೆಸುವಂತೆ ಮಾಡುತ್ತವೆ. ಇದು ಕೂಡಾ ಅಂತಹದ್ದೇ ವಿಡಿಯೋ.

Also Read : ಈ ಪುರಾತನ ಬಾವಿಯೊಳಗಿದೆಯಾ ಲೆಕ್ಕ ಹಾಕಲು ಸಾಧ್ಯವಿಲ್ಲದಷ್ಟು ನಿಧಿ...?

Horse and dog are best friends from r/AnimalsBeingBros
ಕುದುರೆ ಮತ್ತು ಶ್ವಾನದ ಅಪೂರ್ವ ಸ್ನೇಹ ಇಲ್ಲಿ ಎಂತವರನ್ನೂ ಸೆಳೆಯುತ್ತದೆ. ರೆಡ್ಡಿಟ್‌ನಲ್ಲಿ ಈ ವಿಡಿಯೋ ಹರಿದಾಡುತ್ತಿದೆ. ಕುದುರೆಯೊಂದು ಬಲು ಪ್ರೀತಿಯಿಂದ ಶ್ವಾನದ ಮುಖವನ್ನು ನೆಕ್ಕಿ ಮುದ್ದಿಸುತ್ತಿದೆ. ಶ್ವಾನ ಕೂಡಾ ಯಾವುದೇ ಭಯವಿಲ್ಲದೆ ಕುದುರೆಯೊಂದಿಗೆ ಆಟವಾಡುತ್ತಿದೆ.

Also Read : ಹೆಣ್ಮಗು ಹುಟ್ಟಬಾರದೆಂದು ಅದೊಂದು ಸಮಾಧಿಯ ತುಂಡನ್ನೇ ತೆಗೆಯುತ್ತಿದ್ದರು...!

ಈ ವಿಡಿಯೋ ನೋಡಿದಾಗಲೇ ಖುಷಿಯಾಗುತ್ತದೆ. ಜೊತೆಗೆ, ಅಪೂರ್ವ ಸ್ನೇಹ ಸಂಬಂಧಕ್ಕೂ ಇದು ಸಾಕ್ಷಿಯಾಗಿದೆ. ಅಲ್ಲದೆ, ಲಾಕ್‌ಡೌನ್ ಕಾರಣಕ್ಕೆ ಮನೆಯೊಳಗೆ ಕುಳಿತಿರುವವರಿಗೆ ತಮ್ಮತಮ್ಮ ಸ್ನೇಹಿತರನ್ನೂ ನೆನಪಿಸುವಂತೆ ಮಾಡುತ್ತಿದೆ. ಇದೇ ಕಾರಣಕ್ಕೆ ಈ ವಿಡಿಯೋ ಎಲ್ಲರಿಗೂ ಇಷ್ಟವಾಗಿದೆ.