ಹೀಗೂ ವೈನ್ ಪಾರ್ಟಿ ಮಾಡಬಹುದು! : ನೆರೆಹೊರೆಯವರ ಸಡಗರದ ವಿಡಿಯೋ ವೈರಲ್

ರಕ್ಕಸ ಕೊರೊನಾ ವೈರಸ್ ಅಬ್ಬರದಿಂದಾಗಿ ಯಾರೂ ಮನೆಯಿಂದ ಹೊರಗೆ ಹೋಗುವಂತಿಲ್ಲ. ಹೀಗಾಗಿ, ಎಲ್ಲರೂ ಮನೆಯೊಳಗೇ ಬಂಧಿಯಾಗಿದ್ದಾರೆ. ಆದರೆ, ಮನೆಯೊಳಗೇ ಕುಳಿತುಕೊಳ್ಳುವುದು ಕೂಡಾ ಅಷ್ಟು ಸುಲಭದ ಕೆಲಸವಲ್ಲ... ಸದಾ ಸ್ನೇಹಿತರನ್ನು, ಆಪ್ತರನ್ನು ಭೇಟಿಯಾಗುತ್ತಿದ್ದವರಂತೂ ಈಗ ನೊಂದು ಕುಳಿತಿದ್ದಾರೆ. ಹೇಗಪ್ಪಾ ಪರಸ್ಪರ ಭೇಟಿಯಾಗುವುದು ಎಂಬ ಟೆನ್ಷನ್‌ನಲ್ಲೇ ಕಾಲ ಕಳೆಯುತ್ತಿದ್ದಾರೆ ಇವರು. ಇದೇ ಟೆನ್ಷನ್‌ ದೂರ ಮಾಡಲು ಇಟಲಿಯಲ್ಲಿ ಜನ ಈಗ ಡಿಫ್ರೆಂಟ್ ಐಡಿಯಾ ಮಾಡಿದ್ದಾರೆ.

Also Read : Viral Video : ನಾಯಿಯ ಹೈಜಂಪ್... ಮನುಷ್ಯನಂತೆ ಹಲ್ಲು ಹೊಂದಿರುವ ಶ್ವಾನದ ಪೋಸ್!


ನೋಡಿದಿರಲ್ಲಾ... ಇದು ಇಟಲಿಯ ಜನರು ಕಂಡುಕೊಂಡ ಹೊಸ ಐಡಿಯಾ. ಹೇಳಿ ಕೇಳಿ ಇಟಲಿ ಕೊರೊನಾ ಅಬ್ಬರಕ್ಕೆ ತತ್ತರಿಸಿ ಹೋಗಿತ್ತು. ಅದೆಷ್ಟೋ ಸಾವಿರ ಜನ ಕೊರೊನಾ ವೈರಸ್ ಕಾರಣಕ್ಕೇ ಸಾವಿನ ಮನೆ ಸೇರಿದ್ದರು. ಈಗಲೂ ಇಲ್ಲಿ ಆತಂಕ ಸಂಪೂರ್ಣ ದೂರವಾಗಿಲ್ಲ. ಹೀಗಾಗಿ, ಎಲ್ಲರೂ ಮನೆಯೊಳಗೇ ಇದ್ದಾರೆ. ಆದರೆ, ಮನೆಯೊಳಗೆ ಕುಳಿತುಕೊಳ್ಳುವುದು ಕೂಡಾ ಒಂದು ರೀತಿಯಲ್ಲಿ ಶಿಕ್ಷೆಯೇ... ಹೀಗಾಗಿ, ಈ ಟೆನ್ಷನ್‌ನಿಂದ ಪಾರಾಗಲು ಇಲ್ಲೊಂದು ಕಟ್ಟಡ ಜನರೆಲ್ಲಾ ಸೇರಿ ವೈನ್ ಪಾರ್ಟಿ ಮಾಡಿದ್ದಾರೆ.

Also Read : ಪಾಪ... ಈ ಬೆಕ್ಕಿಗೆ ಮೀನು ಹೀಗಾ ಮೋಸ ಮಾಡುವುದು...?

ಲಾಕ್‌ಡೌನ್ ನಿಯಮವೂ ಪಾಲನೆಯಾಗಬೇಕು. ಸಾಮಾಜಿಕ ಅಂತರವನ್ನೂ ಕಾಯ್ದುಕೊಳ್ಳಬೇಕು ಎಂದು ನಿರ್ಧರಿಸಿದ ಈ ಜನರು ತಮ್ಮ ತಮ್ಮ ಬಾಲ್ಕನಿಯಲ್ಲಿ ನಿಂತು ಪಾರ್ಟಿ ಮಾಡಿದ್ದಾರೆ. ಈ ಪಾರ್ಟಿಯ ಖುಷಿಗೆ ಕೋಲಿನಲ್ಲಿ ವೈನ್ ಬಾಟಲಿ ಕಟ್ಟಿ `ಚಿಯರ್ಸ್' ಎಂದಿದ್ದಾರೆ.

Also Read : ಡ್ಯಾಡಿ... ಒಳಗೆ ಬನ್ನಿ! ಈ ಡಾಕ್ಟರ್ ದುಃಖ ಆ ಭೂಮಿ ತೂಕ! : ಇದು ಕಣ್ಣೀರು ತರಿಸುವ ದೃಶ್ಯ!

ಸದ್ಯ ಈ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ಭರ್ಜರಿಯಾಗಿ ವೈರಲ್ ಆಗುತ್ತಿದೆ. ವೈನ್ ಪ್ರಿಯರು ಈ ಐಡಿಯಾಕ್ಕೆ ಫಿದಾ ಆಗಿದ್ದಾರೆ. ಕೊರೊನಾ ವೈರಸ್‌ನ್ನು ತಮ್ಮ ಮನೆಯಿಂದ ದೂರ ಇಟ್ಟಂತೆಯೂ ಆಗುತ್ತದೆ. ನೆರೆಹೊರೆಯವರೊಂದಿಗೆ ಖುಷಿಯಿಂದ ಕಾಲ ಕಳೆದಂತೆಯೂ ಆಗುತ್ತದೆ ಎಂದು ಒಂದಷ್ಟು ಜನ ಈ ಪಾರ್ಟಿ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಿದ್ದಾರೆ.