ಹಾರಾಟವಿಲ್ಲದೆ ವಿಮಾನಗಳನ್ನು ಹೇಗೆ ಪಾರ್ಕ್‌ ಮಾಡಿದ್ದಾರೆ ಗೊತ್ತಾ? ಇಲ್ಲಿದೆ ಉತ್ತರ

ಕೊರೊನಾ ವೈರಸ್ ಕಾಟದಿಂದ ಇಡೀ ವಿಶ್ವವೇ ಸ್ತಬ್ಧವಾಗಿದೆ. ಬಹುತೇಕ ರಾಷ್ಟ್ರಗಳು ಲಾಕ್‌ಡೌನ್ ಘೋಷಿಸಿರುವುದರಿಂದ ಜನರೆಲ್ಲಾ ಮನೆಯೊಳಗೇ ಕಳೆಯುವಂತಾಗಿದೆ. ಹೀಗಾಗಿ, ಬಹುತೇಕ ಸೇವೆಗಳು ಸದ್ಯ ಸ್ಥಗಿತಗೊಂಡಿವೆ. ಅದರಲ್ಲಿ ವಿಮಾನಯಾನವೂ ಒಂದು. ಆದರೆ, ಹೀಗೆ ಒಮ್ಮೆಲ್ಲೆ ಹಾರಾಟ ನಿಲ್ಲಿಸಿದಾಗ ಇಷ್ಟು ವಿಮಾನಗಳನ್ನು ಎಲ್ಲಿ ಪಾರ್ಕ್‌ ಮಾಡುತ್ತಾರೆ, ಹೇಗೆ ಪಾರ್ಕ್‌ ಮಾಡುತ್ತಾರೆ ಎಂಬ ಪ್ರಶ್ನೆ ಜನಸಾಮಾನ್ಯರಲ್ಲಿ ಮೂಡುವುದು ಸಹಜ. ಸಾಮಾಜಿಕ ಮಾಧ್ಯಮಗಳಲ್ಲೂ ಈ ಬಗ್ಗೆ ಕೆಲವರು ಪ್ರಶ್ನೆಗಳನ್ನು ಕೇಳಿದ್ದರು. ಸದ್ಯ ಈ ಅನುಮಾನ, ಚರ್ಚೆಗೆ ಉತ್ತರ ಎಂಬಂತೆ ಅಮೇರಿಕಾದ ಏರ್‌ಪೋರ್ಟ್‌ ಒಂದರ ವಿಡಿಯೋ ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ವಿಮಾನಗಳೆಲ್ಲಾ ಆಟಿಕೆಯ ವಸ್ತುಗಳಂತೆ ಕಾಣುತ್ತವೆ...!

Also Read : ಸುಂಟರಗಾಳಿಯಿಂದ ಮನೆಯವರನ್ನು ರಕ್ಷಿಸಿ ಕಣ್ಮರೆಯಾಗಿದ್ದ ಶ್ವಾನ 54 ದಿನವಾದ್ಮೇಲೆ ಸಿಕ್ಕಿದ್ದೇ ರೋಚಕ!


ಇದು ಕ್ಯಾಲಿಫೋರ್ನಿಯಾದ ವಿಕ್ಟರ್‌ವಿಲ್ಲಿ ಏರ್‌ಪೋರ್ಟಿನಲ್ಲಿ ಸೆರೆಯಾದ ದೃಶ್ಯ. ಇಲ್ಲಿ ಸುಮಾರು 400ಕ್ಕೂ ಅಧಿಕ ವಿಮಾನಗಳನ್ನು ರನ್‌ವೇನಲ್ಲೇ ತುಂಬಾ ಅಚ್ಚುಕಟ್ಟಾಗಿ ಪಾರ್ಕ್‌ ಮಾಡಲಾಗಿದೆ. ಸದ್ಯ ಈ ವಿಡಿಯೋ ವೈರಲ್ ಆಗುತ್ತಿದೆ. ಲಾಕ್‌ಡೌನ್ ಬಳಿಕ ಹಾರಾಟ ನಿಲ್ಲಿಸಿದ್ದ ವಿಮಾನಗಳನ್ನು ಎಲ್ಲಿ, ಹೇಗೆ ನಿಲ್ಲಿಸಿರಬಹುದು ಎಂಬ ಜನರ ಪ್ರಶ್ನೆಗೆ ಉತ್ತರ ನೀಡುವ ಸಲುವಾಗಿ ಪೈಲಟ್ ಒಬ್ಬರು ಈ ದೃಶ್ಯಗಳನ್ನು ರೆಕಾರ್ಡ್ ಮಾಡಲು ನಿರ್ಧರಿಸಿದ್ದರು. ಅಂತೆಯೇ ಈ ಏರ್‌ಪೋರ್ಟಿನ ವಿಡಿಯೋ ಸೆರೆ ಹಿಡಿದಿದ್ದ ಇವರು ಈ ದೃಶ್ಯವನ್ನು ಈಗ ಯುಟ್ಯೂಬ್‌ಗೆ ಅಪ್ಲೋಡ್ ಮಾಡಿದ್ದಾರೆ.

Also Read : 68 ವರ್ಷಗಳಿಂದ ಜನರಲ್ಲಿ ಭಯ ಸೃಷ್ಟಿಸುತ್ತಿದೆ ಆ ಒಂದು ಆಲದ ಮರ! : ಯಾಕೆ ಗೊತ್ತಾ?

ಬ್ರಿಯಾನ್ ಕೀತ್ ತನ್ನ ಗ್ರುಮನ್ ಟೈಗರ್ ವಿಮಾನದಲ್ಲಿ ದಕ್ಷಿಣ ಕ್ಯಾಲಿಫೋರ್ನಿಯಾದ ಲಾಜಿಸ್ಟಿಕ್ಸ್ ವಿಮಾನ ನಿಲ್ದಾಣದಿಂದ ಸಾಗಿ ಈ ವಿಡಿಯೋ ಶೂಟ್ ಮಾಡಿದ್ದಾರೆ. ಏರ್ ಟ್ರಾಫಿಕ್ ಕಂಟ್ರೋಲ್ (ಎಟಿಸಿ) ಇಲಾಖೆಯ ಸಹಯೋಗದೊಂದಿಗೆ ಚಿತ್ರೀಕರಿಸಲಾದ ಈ ವಿಡಿಯೋದಲ್ಲಿ 400ಕ್ಕೂ ಹೆಚ್ಚು ವಿಮಾನಗಳನ್ನು ರನ್‌ವೇನಲ್ಲಿ ಅಚ್ಚುಕಟ್ಟಾಗಿ ನಿಲ್ಲಿಸಿದ ದೃಶ್ಯವನ್ನು ಕಾಣಬಹುದಾಗಿದೆ.

Also Read : ಮರಣದಂಡನೆಗೆ ಗುರಿಯಾಗಿದ್ದ ರೌಡಿ ಇಲ್ಲಿ ಪ್ರೇತಾತ್ಮವಾಗಿ ಕಾಡುತ್ತಿದ್ದಾನಂತೆ...!

ಸದ್ಯ ಈ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವೈರಲ್ ಆಗುತ್ತಿದೆ. ಎಲ್ಲರೂ ಈ ದೃಶ್ಯ ಕಂಡು ಅಚ್ಚರಿಗೊಂಡಿದ್ದಾರೆ. ಅಲ್ಲದೆ, ಇದೊಂದು ಅಪರೂಪದ ದೃಶ್ಯ ಎಂದು ನೆಟ್ಟಿಗರು ಬಣ್ಣಿಸಿದ್ದಾರೆ.