ಈ ರೀತಿಯ ಮ್ಯೂಸಿಕಲ್ ಚೇರ್ ನೀವು ನೋಡಿರಲಿಕ್ಕಿಲ್ಲ...!

ಮ್ಯೂಸಿಕಲ್ ಚೇರ್ ಅಂದರೆ ನಮಗೊಂದು ಕಲ್ಪನೆ ಇದೆ. ಚೇರ್‌ನ ಸುತ್ತ ಓಡುವುದು, ಪಿಶಲ್ ಹೊಡೆದ ತಕ್ಷಣ ಸಿಕ್ಕ ಚೇರ್‌ನಲ್ಲಿ ಹೋಗಿ ಕುಳಿತುಕೊಳ್ಳುವುದು... ಚೇರ್ ಸಿಗದವರು ಔಟ್... ಇದೇ ತಾನೇ ಬಹಳ ವರ್ಷಗಳಿಂದ ಎಲ್ಲರೂ ಜೊತೆಯಾಗಿ ಸೇರಿದಾಗ, ಕುಟುಂಬದ ಸಮಾರಂಭದಲ್ಲಿ, ಪಾರ್ಟಿಗಳಲ್ಲಿ ಮ್ಯೂಸಿಕಲ್ ಚೇರ್ ಆಡುತ್ತಿದ್ದ ರೀತಿ... ಆದರೆ, ಈಗ ಈ ಆಟದಲ್ಲೂ ಬದಲಾವಣೆಯಾಗಿದೆ...! ಸದ್ಯ ಜೋಡಿಗಳು ಸಂಗೀತ ಕುರ್ಚಿ ಆಡುತ್ತಿದ್ದಾರೆ. ಈ ವಿಡಿಯೋ ಈಗ ವೈರಲ್ ಆಗಿದ್ದು, ಎಲ್ಲರಿಗೂ ಖುಷಿ ಕೊಟ್ಟಿದೆ...

Also Read : ಕಂದನ ರಕ್ಷಿಸಿದ್ದಕ್ಕೆ ಧನ್ಯವಾದ ಹೇಳಿತು ತಾಯಾನೆ : ಇದು ಹೃದಯವನ್ನೇ ಕಲಕುವ ವಿಡಿಯೋ

ಈ ಆಟವೇ ಸ್ವಲ್ಪ ಡಿಫ್ರೆಂಟ್. ಇಟ್ಟಿರುವ ಚೇರ್‌ಗಳ ಸುತ್ತ ಓಡುವ ಬದಲು ಇಲ್ಲಿ ಚೇರ್‌ಗಳನ್ನು ಒಂದರ ಮೇಲೊಂದರಂತೆ ಜೋಡಿಸಿ ಅದರ ಮೇಲೆ ವ್ಯಕ್ತಿ ತನ್ನ ಜೊತೆಗಾರ್ತಿಯನ್ನು ಕೂರಿಸಬೇಕು. ಯಾರು ಎಷ್ಟು ಬೇಗ, ಎಷ್ಟು ಕುರ್ಚಿ ಜೋಡಿಸಿ ಜೊತೆಗಾರರನ್ನು ಮೇಲೆ ಕೂರಿಸುತ್ತಾರೋ ಅವರು ವಿನ್... ಕುರ್ಚಿಯ ಸಂಖ್ಯೆ ಕಡಿಮೆ ಇದ್ದಾಗ ಇದು ಸುಲಭದ ಆಟ ಎಂದು ಕಾಣುತ್ತದೆ. ಆದರೆ, ಕುರ್ಚಿಯ ಎತ್ತರ ಹೆಚ್ಚಾಗುತ್ತಿದ್ದಂತೆಯೇ ಆಟಕ್ಕೆ ಬೇರೆಯದ್ದೇ ಆಯಾಮ ಸಿಗುತ್ತದೆ... ಜೊತೆಗೆ, ಆಟಕ್ಕೊಂದು ಖದರ್ ಬರುತ್ತದೆ...

Also Read : `ಹೃತಿಕ್ ರೋಷನ್ ಇಷ್ಟ' ಎಂದಿದ್ದಕ್ಕೇ ಪತ್ನಿಯನ್ನು ಕೊಂದ ರಕ್ಕಸ...! : ಮತ್ತೇನಾಯ್ತು ಗೊತ್ತಾ...?

ಸದ್ಯ ಇಂತಹದ್ದೊಂದು ವಿಭಿನ್ನ ಮ್ಯೂಸಿಕಲ್ ಚೇರ್‌ನ ವಿಡಿಯೋ ವೈರಲ್ ಆಗುತ್ತಿದೆ. ಈ ವಿಡಿಯೋದಲ್ಲಿ ಜೊತೆಗಾರ್ತಿಯನ್ನು ಚೇರ್‌ ಮೇಲೆ ಕೂರಿಸುವಾಗ ಆಕೆ ಕೆಳಗೆ ಬೀಳುವ ದೃಶ್ಯವೂ ಸೆರೆಯಾಗಿದೆ...

Also Read : ಮನೆಯ ಮುದ್ದಿನ ಶ್ವಾನದಿಂದ ಉಳಿಯಿತು ಆರು ಮಂದಿಯ ಪ್ರಾಣ...!


ಈಗ ಸಾಮಾಜಿಕ ಜಾಲತಾಣದಲ್ಲಿ ಈ ಮ್ಯೂಸಿಕಲ್ ಚೇರ್‌ನ ಚರ್ಚೆ ನಡೆಯುತ್ತಿದೆ. ಕೆಲವರು ತಮ್ಮ ಸ್ನೇಹಿತರಿಗೆ ಈ ವಿಡಿಯೋ ಟ್ಯಾಗ್ ಮಾಡಿ ಈ ಆಟವನ್ನೊಮ್ಮೆ ಟ್ರೈ ಮಾಡಿ ಎಂದು ಹೇಳುತ್ತಿದ್ದಾರೆ. ಸಂಬಂಧಿಕರು, ಸ್ನೇಹಿತರು ಎಲ್ಲರೂ ಸಂತೋಷದಲ್ಲಿ ಸೇರಿದ್ದ ಸಂದರ್ಭದಲ್ಲಿ ಇಂತಹ ಆಟಗಳು ನಿಜಕ್ಕೂ ಮಜಾ ಕೊಡುತ್ತವೆ.