ಸೂಟ್ ಮತ್ತು ಶಾರ್ಟ್ಸ್‌ ತೊಟ್ಟು ಆನ್‌ಲೈನ್ ಮೀಟಿಂಗ್ : ನಕ್ಕು ಸುಸ್ತಾದ ಸಹೋದ್ಯೋಗಿಗಳು!

ಕೊರೊನಾ ವೈರಸ್ ಅಬ್ಬರ ಶುರುವಾದ ಬಳಿಕ ಬಹುತೇಕರು ವರ್ಕ್‌ ಫ್ರಮ್ ಹೋಮ್‌ನಲ್ಲಿದ್ದಾರೆ. ಈಗ ಬಹುತೇಕ ಕಡೆ ಲಾಕ್‌ಡೌನ್ ಸಡಿಲಿಕೆಯಾಗಿದ್ದರೂ ಬಹುತೇಕರು ಮನೆಯಿಂದಲೇ ತಮ್ಮ ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಹೀಗೆ ವರ್ಕ್‌ ಫ್ರಮ್ ಹೋಮ್‌ನಿಂದಾಗಿ ಆನ್‌ಲೈನ್ ಮೀಟಿಂಗ್‌ಗಳು ಕೂಡಾ ದಿನ ನಡೆಯಬೇಕಾಗಿದೆ. ವರ್ಚುವಲ್ ಮೀಟಿಂಗ್ ಮೂಲಕ ಸಹೋದ್ಯೋಗಿಗಳು ತಮ್ಮ ಕೆಲಸದ ಮಾಹಿತಿ, ಕಾರ್ಯನಿರ್ವಹಣೆ, ಪ್ರಗತಿ ಬಗ್ಗೆ ಚರ್ಚೆ ಮಾಡುತ್ತಾರೆ. ಆದರೆ, ಈ ಆನ್‌ಲೈನ್ ಮೀಟಿಂಗ್ ಎಂಬುದು ಅಷ್ಟು ಸುಲಭದ ಕಾರ್ಯವಲ್ಲ. ಯಾಕೆಂದರೆ, ಇಲ್ಲಿ ಅನೇಕ `ಯಡವಟ್ಟು'ಗಳು ನಡೆಯುವುದಿದೆ. ಇಂತಹ ಅದೆಷ್ಟೋ ವಿಡಿಯೋಗಳು ವೈರಲ್ ಆಗುತ್ತಲೇ ಇದೆ.

Also Read : ಮೊಮ್ಮಗನೊಂದಿಗೆ ಕುಕೀಸ್ ತಯಾರಿಸುವ ಅಜ್ಜಿ: ಮುಂದೇನಾಯ್ತು ಗೊತ್ತಾ? : ನೋಡಿದರೆ ನಕ್ಕು ಸುಸ್ತಾಗ್ತೀರಿ!

ಆನ್‌ಲೈನ್ ಮೀಟಿಂಗ್ ಸಂದರ್ಭದಲ್ಲಿ ಮಕ್ಕಳು ಬಂದು ಆಟ ಆಡುವುದು, ಪತ್ನಿ ಮೀಟಿಂಗ್‌ನಲ್ಲಿದ್ದಾಗ ಅರೆನಗ್ನ ಪತಿ ಹಿಂಬದಿಯಿಂದ ಹೋಗುವುದು, ಶ್ವಾನ ಬೆಕ್ಕುಗಳು ಬಂದು ಕಾಟ ಕೊಡುವುದು, ಮಕ್ಕಳು ಬಂದು ಆಟ ಆಡುತ್ತಿರುವುದು ಹೀಗೆ ಅನೇಕ ದೃಶ್ಯಗಳು ವೈರಲ್ ಆಗಿದ್ದವು. ಅದರಲ್ಲೂ ತೀರಾ ಇತ್ತೀಚಿಗೆ ಝೂಮ್ ಸಭೆಯೊಂದರಲ್ಲಿ ಫಿಲಿಪೈನ್ಸ್‌ನ ಸರ್ಕಾರಿ ಅಧಿಕಾರಿಯೊಬ್ಬರು ತಮ್ಮ ಕಾರ್ಯದರ್ಶಿಯೊಂದಿಗೆ ಲೈಂಗಿಕ ಕ್ರಿಯೆಯಲ್ಲಿ ತೊಡಗಿದ್ದ ವಿಡಿಯೋ ಕೂಡಾ ವೈರಲ್ ಆಗಿತ್ತು. ಬಹುತೇಕ ವೈರಲ್ ಆದ ವಿಡಿಯೋಗಳು `ಮುಜುಗರ'ಪಟ್ಟುಕೊಳ್ಳುವಂತೆಯೇ ಇದ್ದವು. ಇದರ ನಡುವೆ, ಕೆಲ ತಮಾಷೆಯ ವಿಡಿಯೋಗಳೂ ವೈರಲ್ ಆಗಿದ್ದವು. ಈ ಸಾಲಿಗೆ ಸದ್ಯ ವೈರಲ್ ಆಗುತ್ತಿರುವ ವಿಡಿಯೋ ಸೇರಿದೆ.

Also Read : `ಬೋನ್‌ ಲೆಸ್ ಚಿಕನ್‌ ವಿಂಗ್ಸ್‌'ನ ಹೆಸರು ಬದಲಾಯಿಸಿ...! : ನಗರಸಭೆಗೆ ವ್ಯಕ್ತಿಯ ಮನವಿ...!

ಇದು ಮೂವರು ಸಹೋದ್ಯೋಗಿಗಳು ಆನ್‌ಲೈನ್ ಮೀಟಿಂಗ್‌ನಲ್ಲಿ ತೊಡಗಿದ್ದ ಸಂದರ್ಭ. ಮಾತುಕತೆ ವೇಳೆ, ಒಬ್ಬ ವ್ಯಕ್ತಿಯ ಮಗ ಹಿಂಬದಿಯಲ್ಲಿ ಬಂದು ಕುಣಿಯುತ್ತಾ ಆಟ ಆಡುತ್ತಿದ್ದ. ಇದರಿಂದ ಸಭೆಗೆ ತೊಂದರೆಯಾಗುತ್ತಿತ್ತು. ಹೀಗಾಗಿ, ಈ ವ್ಯಕ್ತಿ ಎಲ್ಲರ ಬಳಿ ಕ್ಷಮೆ ಕೇಳಿ ಅನುಮತಿ ಪಡೆದು ಎದ್ದು ಹೋಗಿ ಕೋಣೆಯ ಬಾಗಿಲು ಹಾಕಿದ್ದರು. ಈ ವೇಳೆ, ಈ ವ್ಯಕ್ತಿ ಶಾಟ್ಸ್‌ ಜೊತೆ ಸೂಟ್ ಧರಿಸಿದ್ದಾರೆ ಎಂಬುದು ಸ್ಪಷ್ಟವಾಗಿ ಕಾಣುತ್ತಿತ್ತು. ಇದನ್ನು ಇನ್ನೊಬ್ಬರು ಸಹೋದ್ಯೋಗಿ ಗುರುತಿಸಿ `ಶಾಟ್ಸ್‌ ಬಹಳ ಚೆನ್ನಾಗಿದೆ' ಎಂದು ಕಿಚಾಯಿಸಿದರು. ಇದನ್ನು ಕೇಳಿ ಈ ವ್ಯಕ್ತಿ ಕೊಂಚ ತಬ್ಬಿಬ್ಬಾಗಿ ನಗುತ್ತಲೇ ಕ್ಷಮೆಯಾಚಿಸಿದ್ದರು. ಅದಕ್ಕೆ ಹಿರಿಯ ಸಹೋದ್ಯೋಗಿ `ಪರವಾಗಿಲ್ಲ' ಎಂಬಂತೆ ಉತ್ತರ ನೀಡುತ್ತಾರೆ ಜೊತೆಗೆ ಅವರೂ ಎದ್ದು ಹೋಗುತ್ತಾರೆ. ಆಗ ಈ ವ್ಯಕ್ತಿ ಧರಿಸಿದ್ದ ನೀಲಿ ಶಾರ್ಟ್ಸ್‌ ಕೂಡಾ ಕ್ಯಾಮೆರಾದಲ್ಲಿ ಕಾಣಿಸುತ್ತದೆ. ಇದನ್ನು ನೋಡಿ ಮೂವರೂ ಬಿದ್ದು ಬಿದ್ದು ನಗುತ್ತಾರೆ.

Also Read : Caught On Camera : ಬೈಕ್‌ನಲ್ಲಿ ಬಂದ ಕಳ್ಳರಿಗೆ ಸರಿಯಾದ `ಪಾಠ' ಕಲಿಸಿದ 15 ವರ್ಷದ ಸಾಹಸಿ ಬಾಲಕಿ

ಸದ್ಯ ಈ ವಿಡಿಯೋವನ್ನು ಲಕ್ಷಾಂತರ ಜನ ನೋಡಿದ್ದಾರೆ. ನೋಡಿದ ಎಲ್ಲರೂ ಬಲು ತಮಾಷೆಯ ಪ್ರತಿಕ್ರಿಯೆಯನ್ನು ನೀಡಿದ್ದಾರೆ.