ಬೆನ್ನಟ್ಟಿಕೊಂಡು ಬಂದ ಸಿಂಹಗಳಿಗೆ `ಒಗ್ಗಟ್ಟಿನ ಬಲ' ತೋರಿಸಿದ ಎಮ್ಮೆ, ಕೋಣಗಳ ಹಿಂಡು...!

ಒಗ್ಗಟ್ಟಿನ ಬಲವೇ ಅಂತಹದ್ದು... ಒಂಟಿಯಾಗಿ ಇದ್ದಾಗ ಇರುವ ಶಕ್ತಿಗಿಂತ ಒಗ್ಗಟ್ಟಿನಲ್ಲಿರುವ ಬಲ ದೊಡ್ಡದು. ಒಗ್ಗಟ್ಟು ಎಂತಹ ಸಮಸ್ಯೆಯಿಂದಲೂ ಪಾರಾಗುವ ಧೈರ್ಯ ತುಂಬುತ್ತದೆ. ಎಂತಹ ಕಠಿಣ ಸನ್ನಿವೇಶವನ್ನೂ ಎದುರಿಸುವ ಹುಮ್ಮಸ್ಸು ತರುತ್ತದೆ. ಅದಕ್ಕೆ ಸಾಕ್ಷಿ ಈ ವಿಡಿಯೋ. ಇಲ್ಲೊಂದು ಎಮ್ಮೆ, ಕೋಣಗಳ ದೊಡ್ಡ ಹಿಂಡು ಎರಡು ಬಲಶಾಲಿ ಸಿಂಹಗಳನ್ನು ಅಟ್ಟಾಡಿಸಿದೆ. ಆದರೆ, ಹೀಗೆ ಕೋಣಗಳ ಹಿಂಡು ಬೆನ್ನಟ್ಟುವ ಮುನ್ನ ಒಂದಷ್ಟು ಹೊತ್ತು ಓಡಿದ್ದ ಈ ಸಿಂಹಗಳೇ ಅಬ್ಬರಿಸಿದ್ದವು...!

Also Read : ಬದುಕುವ ಛಲ ಎಂದರೆ ಇದು : ಈ ಮಹಿಳೆಯ ಜೀವನವೇ ಎಲ್ಲರಿಗೂ ಮಾದರಿ

ಇದು ಭಾರತೀಯ ಅರಣ್ಯ ಸೇವೆಗಳ ಅಧಿಕಾರಿ ಸುಸಂಸ ನಂದ ಅವರು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಶೇರ್ ಮಾಡಿರುವ ವಿಡಿಯೋ. ಇದು ಬರೀ ವಿಡಿಯೋ ಅಲ್ಲ, ಜೀವನ ಪಾಠವೂ ಹೌದು, ಒಗ್ಗಟ್ಟಿನ ಮಹತ್ವ ಸಾರುವ ಗಟ್ಟಿ ಸಂದೇಶವೂ ಹೌದು.

Also Read : ಅಮ್ಮನೊಂದಿಗೆ ಹೆಜ್ಜೆ ಇಡುತ್ತಿರುವ ಒಂದು ದಿನದ ಕಂದ : ಮನ ಸೆಳೆಯುತ್ತದೆ ಈ ಪುಟಾಣಿ ಆನೆ

ಅಲ್ಲಿ ಎಮ್ಮೆ, ಕೋಣಗಳ ದೊಡ್ಡ ಹಿಂಡು ಮೇಯುತ್ತಿದ್ದವು. ಆಗ ಅಲ್ಲಿಗೆ ಎಂಟ್ರಿ ಕೊಟ್ಟಿದ್ದವು ಎರಡು ಸಿಂಹಗಳು. ಮನಸ್ಸಿನಲ್ಲಿ ಸಿಂಹ ಎಂಬ ಧೈರ್ಯದಿಂದ ಈ ಕಾಡಿನ ರಾಜರು ಕೋಣಗಳ ಹಿಂಡಿನತ್ತ ನುಗ್ಗಿದ್ದರು. ಈ ಅನಿರೀಕ್ಷಿತ ದಾಳಿಯಿಂದ ಹೆದರಿದ ಕೋಣಗಳು ದಿಕ್ಕಾಪಾಲಾಗಿ ಓಡಿದ್ದವು. ಆದರೆ, ಇದಾದ ಅರೆಕ್ಷಣದಲ್ಲಿ ಕೋಣಗಳಿಗೆ ತಮ್ಮ ಹಿಂಡಿನ ಬಲದ ಅರಿವಾಗಿರಬೇಕು. `ಇಷ್ಟು ಸಂಖ್ಯೆಯಲ್ಲಿರುವ ನಾವು ಯಾಕೆ ಎರಡು ಸಿಂಹಗಳಿಗೆ ಹೆದರಬೇಕು' ಎಂಬ ಲೆಕ್ಕಾಚಾರ ಕೋಣಗಳ ತಲೆಯಲ್ಲೂ ಸುಳಿದಿರಬೇಕು. ಹೀಗಾಗಿ, ಓಡಿದಷ್ಟೇ ವೇಗದಲ್ಲಿ ಮುನ್ನುಗ್ಗಿ ಸಿಂಹಗಳತ್ತ ಧಾವಿಸಿತ್ತು ಆ ಕೋಣಗಳ ಹಿಂಡು. ಆಗ ಸಿಂಹಗಳಿಗೆ ವಾಸ್ತವ ಅರಿವಾಗಿತ್ತು. ಬಹುಶಃ ``ನಾವು ಸಿಂಹಗಳು' ಎಂಬ ಅಹಂನಿಂದ ಅಲ್ಲೇ ನಿಂತರೆ ಬದುಕುವುದು ಕಷ್ಟ' ಎಂದು ಅರಿತ ಸಿಂಹಗಳು ಅರೆಕ್ಷಣದಲ್ಲಿ ಅಲ್ಲಿಂದ ಓಡಿ ಹೋಗಿದ್ದವು...!

ಇಲ್ಲಿದೆ ವೈರಲ್ ವಿಡಿಯೋ :


Also Read : ಪುಟಾಣಿಯ ಶೌರ್ಯ : ಈಜುಕೊಳಕ್ಕೆ ಬಿದ್ದ ಸ್ನೇಹಿತನನ್ನು ರಕ್ಷಿಸಿದ ಮೂರು ವರ್ಷದ ಪೋರ

ಒಗ್ಗಟ್ಟು ಪ್ರದರ್ಶಿಸಿದ ಸಲುವಾಗಿ ಎಮ್ಮೆ, ಕೋಣಗಳು ಈ ಸಮರದಲ್ಲಿ ಜಯಸಾಧಿಸಿದ್ದವು. ಭರ್ಜರಿ ಬೇಟೆಯ ಆಸೆಯಲ್ಲಿ ಬಂದಿದ್ದ ಸಿಂಹಗಳು ಬಂದ ದಾರಿಗೆ ಸುಂಕ ಇಲ್ಲ ಎಂಬಂತೆ ಕಾಡಿನಲ್ಲಿ ಮರೆಯಾಗಿದ್ದವು. ಈ ಒಗ್ಗಟ್ಟಿನ ಸಂದೇಶ ಈಗ ನೆಟ್ಟಿಗರಿಗೆ ಬಲು ಇಷ್ಟವಾಗಿದೆ. ಎಲ್ಲರೂ ಈ ವಿಡಿಯೋ ಕಂಡು ಖುಷಿಪಟ್ಟಿದ್ದಾರೆ.