ಬಾಲಿವುಡ್ ಹಾಡಿಗೆ ತಂದೆ ಮಗನ ಜಬರ್ದಸ್ತ್‌ ಸ್ಟೆಪ್ಸ್‌ : ಅದ್ಭುತ ಡಾನ್ಸಿಗೆ ನೆಟ್ಟಿಗರು ಫಿದಾ

ಕುಟುಂಬದ ಕಾರ್ಯಕ್ರಮಗಳಲ್ಲಿ ಎಲ್ಲರೂ ಒಟ್ಟಾಗಿ ಸೇರಿದಾಗ ಆ ಖುಷಿಯೇ ಬೇರೆ... ಇನ್ನು ಡಿಜೆ ಇದ್ದರಂತೂ ಮುಗಿದೇ ಹೋಯ್ತು ನಮ್ಮ ಉತ್ಸಾಹಿಗಳು ಖುಷಿಯಿಂದ ಕುಣಿದಾಡುತ್ತಾರೆ. ಈ ಖುಷಿಯ ಕುಣಿತವನ್ನು ನೋಡುವುದು ಕೂಡಾ ಒಂದು ಸಡಗರ. ಅಂತೆಯೇ ಇಲ್ಲೊಂದು ಜೋಡಿ ಸಖತ್ ಮ್ಯೂಸಿಕ್‌ಗೆ ಜಬರ್‌ದಸ್ತ್‌ ಸ್ಟೆಪ್ಸ್‌ ಹಾಕಿದೆ. ಇವರಿಬ್ಬರ ಡಾನ್ಸ್‌ ಮೋಡಿಗೆ ನೆಟ್ಟಿಗರು ಫುಲ್ ಫಿದಾ ಆಗಿದ್ದಾರೆ. ಇಷ್ಟಕ್ಕೂ ಇಲ್ಲಿ ಡಾನ್ಸ್‌ ಮಾಡಿದ್ದು ತಂದೆ ಮಗನ ಜೋಡಿ.

Also Read : ಅದೃಷ್ಟ ಎಂದರೆ ಇದು : ಕೆಲಸ ಕಳೆದುಕೊಂಡಿದ್ದ ಸೆಕ್ಯೂರಿಟಿ ಗಾರ್ಡ್‌ ಈಗ 31 ಕೋಟಿ ರೂ. ಒಡೆಯ!

2000ರಲ್ಲಿ ರಿಲೀಸ್ ಆದ ಹೃತಿಕ್ ರೋಷನ್ ಅಭಿನಯದ `ಕಹೋ ನಾ ಪ್ಯಾರೇ ಹೇ' ಚಿತ್ರ ಬಾಲಿವುಡ್‌ನ ಬ್ಲಾಕ್ ಬಸ್ಟರ್ ಚಿತ್ರಗಳಲ್ಲಿ ಒಂದು. ಈ ಚಿತ್ರ ಹಾಡುಗಳು ಸೂಪರ್. ಇಂದಿಗೂ ಈ ಹಾಡುಗಳು ಹಾಗೆಯೇ ತನ್ನ ಜನಪ್ರಿಯತೆಯನ್ನು ಉಳಿಸಿಕೊಂಡಿವೆ. ಇದೇ ಚಿತ್ರದ 'ಇಕ್ ಪಾಲ್ ಕಾ ಜೀನಾ' ಹಾಡಿಗೆ ವಿವಾಹ ಕಾರ್ಯಕ್ರಮವೊಂದರಲ್ಲಿ ಈ ತಂದೆ ಮಗ ಅದ್ಭುತವಾಗಿ ಕುಣಿದಿದ್ದಾರೆ. ಸಾಂಪ್ರದಾಯಿಕ ಬಟ್ಟೆ ತೊಟ್ಟು ಈ ಜೋಡಿ ಸ್ಟೆಪ್ಸ್‌ ಹಾಕುತ್ತಿದ್ದರೆ ಆ ವಿವಾಹ ಸಮಾರಂಭಕ್ಕೆ ಆಗಮಿಸಿದ್ದ ಅತಿಥಿಗಳೆಲ್ಲಾ ಹರ್ಷೋದ್ಗಾರದೊಂದಿಗೆ ಇವರಿಬ್ಬರನ್ನು ಹುರಿದುಂಬಿಸುತ್ತಿದ್ದರು.

Also Read : ಪೊಲೀಸ್ `ಬಂಧನ'ದಲ್ಲಿದ್ದ ಹುಂಜ ಕೋರ್ಟ್ ಆದೇಶದಂತೆ 8 ತಿಂಗಳ ಬಳಿಕ ರಿಲೀಸ್!

ಇಲ್ಲಿದೆ ವೈರಲ್ ವಿಡಿಯೋ :

Also Read : ಧಗಧಗ ಉರಿದ ಗ್ಯಾಸ್ ಸಿಲಿಂಡರ್ : ಪ್ರಾಣದ ಹಂಗು ತೊರೆದು ಬೆಂಕಿ ನಂದಿಸಿದ ಕಾನ್ಸ್‌ಟೇಬಲ್

ರೋಷನ್ ಪ್ರಕಾಶ್ ಎಂಬವರು ಈ ಅದ್ಭುತ ವಿಡಿಯೋವನ್ನು ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಹಂಚಿಕೊಂಡಿದ್ದಾರೆ. ಇದು ಯಾವಾಗ ಸೆರೆಯಾದ ದೃಶ್ಯ ಎಂಬುದು ಸ್ಪಷ್ಟವಾಗಿಲ್ಲ. ಆದರೆ, ರೋಷನ್ ಪ್ರಕಾಶ್ ಇದು ತಂದೆ ಮಗನ ಜೋಡಿ ಎಂದು ತಮ್ಮ ಟ್ವೀಟ್‌ನಲ್ಲಿ ಉಲ್ಲೇಖಿಸಿದ್ದಾರೆ. ಸದ್ಯ ಈ ವಿಡಿಯೋ ಸೋಶಿಯಲ್ ಮೀಡಿಯಾದಲ್ಲಿ ಸಖತ್ ವೈರಲ್ ಆಗುತ್ತಿದೆ. ಸಾವಿರಾರು ಜನ ಈ ವಿಡಿಯೋ ನೋಡಿ ಇಷ್ಟಪಟ್ಟಿದ್ದಾರೆ. ಎಲ್ಲರೂ ಪುತ್ರನಿಗಿಂತ ತಂದೆಯ ಉತ್ಸಾಹವನ್ನು ಕೊಂಡಾಡಿದ್ದಾರೆ. ಬಹುಶಃ ನೀವು ಕೂಡಾ ಈ ಅಪೂರ್ವ ಜೋಡಿಯ ಅದ್ಭುತ ಡಾನ್ಸಿಗೆ ಫಿದಾ ಆಗಿರಬಹುದು.