ಬಿಗ್ ಬಾಸ್ ಸ್ಪರ್ಧಿ, ನಟಿ ರಾಖಿ ಸಾವಂತ್ ಅವರು ಕೆಲ ದಿನಗಳಿಂದ ಪತಿಯಿಂದ ದೂರ ಆಗಿರುವುದಾಗಿ ಸೋಶಿಯಲ್ ಮೀಡಿಯಾದಲ್ಲಿ ತಿಳಿಸಿದ್ದಾರೆ. ಬಿಗ್ ಬಾಸ್ ಶೋನಲ್ಲಿ ರಿತೇಶ್ ಕೂಡ ಭಾಗಿಯಾಗಿದ್ದರು. ಅಲ್ಲಿ ಅವರಿಬ್ಬರ ನಡುವೆ ಒಂದಷ್ಟು ಜಗಳಗಳು ಆಯ್ತು, ಹೊರಗಡೆ ಬಂದಕೂಡಲೇ ಒಂದಷ್ಟು ಮನಸ್ತಾಪಗಳು ಆದವು. "ಬಿಗ್ ಬಾಸ್ ಶೋ ಮುಗಿದ ನಂತರ ಸಾಕಷ್ಟು ಘಟನೆಗಳು ನಡೆಯಿತು. ನನ್ನ ಕಂಟ್ರೋಲ್ಗೂ ಮೀರಿದ ಕೆಲ ವಿಚಾರಗಳ ಬಗ್ಗೆ ನನಗೆ ಗೊತ್ತೇ ಇರಲಿಲ್ಲ. ನಾನು ಹಾಗೂ ರಿತೇಶ್ ನಮ್ಮ ನಡುವಿನ ಭಿನ್ನಾಭಿಪ್ರಾಯಗಳನ್ನು ಸರಿ ಮಾಡಿಕೊಳ್ಳೋಣ ಅಂತ ತುಂಬ ಪ್ರಯತ್ನಪಟ್ಟೆವು. ಆದರೆ ಸಾಧ್ಯವಾಗಲಿಲ್ಲ. ನಾವಿಬ್ಬರೂ ಬೇರೆ ಬೇರೆಯಾಗಿ ಜೀವನ ನಡೆಸುವುದು ಒಳ್ಳೆಯದು ಅಂತ ಅನಿಸಿದೆ" ಎಂದು ರಾಖಿ ಸಾವಂತ್ ಹೇಳಿದ್ದರು. ಸದ್ಯ ಅನೇಕ ಕಾರ್ಯಕ್ರಮಗಳಲ್ಲಿ ರಾಖಿ ಸಾವಂತ್ ಕಾಣಿಸಿಕೊಳ್ಳುತ್ತಿದ್ದಾರೆ. ಮುಂಬೈನಲ್ಲಿ (ಮಾರ್ಚ್ 6) ರವಿವಾರ ನಡೆದ Indian Television Academy Awards ಶೋನಲ್ಲಿ ರಾಖಿ ಸಾವಂತ್ ವಿಭಿನ್ನವಾದ ಕಾಸ್ಟ್ಯೂಮ್ನಲ್ಲಿ ಕಾಣಿಸಿಕೊಂಡಿದ್ದರು.