‘ಬಿಗ್ ಬಾಸ್ ಕನ್ನಡ 9’ ಕಾರ್ಯಕ್ರಮದಲ್ಲಿ ರೂಪೇಶ್ ಶೆಟ್ಟಿ ಗೆಲುವಿನ ನಗೆ ಬೀರಿದ್ದಾರೆ. ವೀಕ್ಷಕರಿಂದ ಅತಿ ಹೆಚ್ಚು ಮತಗಳನ್ನು ಪಡೆದ ರೂಪೇಶ್ ಶೆಟ್ಟಿ ‘ಬಿಗ್ ಬಾಸ್ ಕನ್ನಡ 9’ ಟ್ರೋಫಿಯನ್ನ ಎತ್ತಿಹಿಡಿದಿದ್ದಾರೆ. ರೂಪೇಶ್ ಶೆಟ್ಟಿ ಗೆದ್ದಿದ್ದಕ್ಕೆ ‘ಬೆಸ್ಟ್ ಫ್ರೆಂಡ್’ ಸಾನ್ಯ ಅಯ್ಯರ್ ಸಿಕ್ಕಾಪಟ್ಟೆ ಖುಷಿ ಪಟ್ಟಿದ್ದಾರೆ.
ಹಾಗ್ನೋಡಿದ್ರೆ, ‘ಬಿಗ್ ಬಾಸ್ ಕನ್ನಡ ಓಟಿಟಿ 1’ ಕಾರ್ಯಕ್ರಮದಲ್ಲಿ ರೂಪೇಶ್ ಶೆಟ್ಟಿ ಹಾಗೂ ಸಾನ್ಯ ಅಯ್ಯರ್ ಮಧ್ಯೆ ಆತ್ಮೀಯತೆ ಬೆಳೆಯಿತು. ಅದೇ ಆತ್ಮೀಯತೆ ‘ಬಿಗ್ ಬಾಸ್ ಕನ್ನಡ 9’ ಕಾರ್ಯಕ್ರಮದಲ್ಲೂ ಮುಂದುವರೆಯಿತು. ‘ಬಿಗ್ ಬಾಸ್ ಕನ್ನಡ 9’ ಕಾರ್ಯಕ್ರಮದಿಂದ ಸಾನ್ಯ ಅಯ್ಯರ್ ಔಟ್ ಆದಾಗ, ರೂಪೇಶ್ ಶೆಟ್ಟಿ ಬಿಕ್ಕಿ ಬಿಕ್ಕಿ ಅತ್ತಿದ್ದರು. ಸಾನ್ಯ ಅಯ್ಯರ್ ನೆನಪಿನಲ್ಲೇ ‘ಮಿಸ್ ಯೂ ಸಾನ್ಯ’ ಅಂತ ಬರೆದುಕೊಂಡು ತಲೆಗೆ ಬಟ್ಟೆ ಕಟ್ಟಿಕೊಂಡಿದ್ದರು. ಇದೀಗ ರೂಪೇಶ್ ಶೆಟ್ಟಿ ವಿನ್ನರ್ ಆಗಿರೋದಕ್ಕೆ ಸಾನ್ಯ ಅಯ್ಯರ್ ಸಂಭ್ರಮ ಪಟ್ಟಿದ್ದಾರೆ.
ರೂಪೇಶ್ ಶೆಟ್ಟಿ ಜೊತೆಗಿನ ಫೋಟೋಗಳನ್ನ ಹಂಚಿಕೊಂಡು, ‘’ಪಿಕ್ಚರ್ಸ್ ಬ್ಲರ್ ಆಗಿದೆ. ಖುಷಿ ನೂರಾಗಿದೆ. ನ್ಯೂ ಇಯರ್ ಬೆಸ್ಟ್ ಆಗಿ ಶುರುವಾಗಿದೆ. ನನ್ನ ಬೆಸ್ಟ್ ಫ್ರೆಂಡ್ ಗೆದ್ದುಬಿಟ್ಟರು’’ ಎಂದು ಸಾನ್ಯ ಅಯ್ಯರ್ ಇನ್ಸ್ಟಾಗ್ರಾಮ್ನಲ್ಲಿ ಬರೆದುಕೊಂಡಿದ್ದಾರೆ.