ಮಗಳ ಹುಟ್ಟುಹಬ್ಬದ ಫೋಟೋ ಹಂಚಿಕೊಂಡ ನೆನಪಿರಲಿ ಪ್ರೇಮ್; ಬೊಂಬೆಯಂತಿದ್ದಾಳೆ ಪ್ರೇಮ್ ಮಗಳು

ನಟ ಪ್ರೇಮ್‌ ಈಗಲೂ ಪ್ರೇಕ್ಷಕ ಕಣ್ಣಲ್ಲಿ ರೊಮ್ಯಾಂಟಿಕ್‌ ಹೀರೊ. ಆದರೆ, ಪ್ರೇಮ್‌ ಮಗಳು ಅಮೃತಾಳ 18ನೇ ಹುಟ್ಟುಹಬ್ಬವನ್ನು ನಟ ಪ್ರೇಮ್‌ ವಿಶೇಷವಾಗಿ ಆಚರಿಸಿದ್ದಾರೆ. ಮೆಡಿಕಲ್‌ ಎಲೆಕ್ಟ್ರಾನಿಕ್ಸ್‌ ಓದುತ್ತಿರುವ ಅಮೃತಾಳ ಹುಟ್ಟುಹಬ್ಬವನ್ನು ಕುಟುಂಬದವರೊಂದಿಗೆ ಆಚರಿಸಿರುವ ಪ್ರೇಮ್‌, ಮಗಳಿಗಾಗಿ ತಾವೇ ಗಿಟಾರ್‌ ನುಡಿಸಿದ್ದಾರೆ. 'ನನಗೆ ತುಂಬಾ ಸಂತಸದ ದಿನ. ಮಗಳು 18ನೇ ವರ್ಷಕ್ಕೆ ಕಾಲಿಟ್ಟಿದ್ದಾಳೆ. ನಾನು ಗಿಟಾರ್‌ನಲ್ಲಿ ಬರ್ತಡೇ ಸಾಂಗ್‌ ಪ್ಲೇ ಮಾಡಿ ರಂಜಿಸಿದೆ' ಎಂದಿದ್ದಾರೆ ಪ್ರೇಮ್‌. 'ಅಂದಿಗೂ ಇಂದಿಗೂ ಎಂದೆಂದಿಗೂ ನೀನೇ ನನ್ನ ಮುದ್ದು ಬಂಗಾರ.. ನಿನ್ನ ಬಾಳು ಭವಿಷ್ಯ ಸದಾ ಹಸಿರಾಗಿರಲಿ ಎಂದು ಬೇಡುವೆ ದೇವರಲ್ಲಿ.. ಹ್ಯಾಪಿ ಬತ್‌ರ್‍ಡೇ ಮಗಳೇ..ಸ್ಟೇ ಲವ್ಲೀ' ಎಂದು ಸೋಷಿಯಲ್‌ ಮೀಡಿಯಾದಲ್ಲಿ ಫೋಟೋ ಸಮೇತ ಶೇರ್‌ ಮಾಡಿದ್ದಾರೆ.