ಕಿಚ್ಚ ಸುದೀಪ್ಗೆ ಕಾರುಗಳೆಂದರೂ, ಬೈಕ್ಗಳೆಂದರೂ ಸಿಕ್ಕಾಪಟ್ಟೆ ಕ್ರೇಜ್ ಇದೆ. ಹಾಗಂತ ಹೇಳಿ ಅವರು ಸಿಕ್ಕಾಪಟ್ಟೆ ಬೈಕ್ ಮತ್ತು ಕಾರುಗಳನ್ನೇನು ಇಟ್ಟುಕೊಂಡಿಲ್ಲ. ತನಗಾಗಿ ಅಲ್ಲದಿದ್ದರೂ ಬೇರೆಯವರಿಗೆ ಉಡುಗೊರೆ ನೀಡುವುದಲ್ಲೇ ಸುದೀಪ್ ಖುಷಿಪಡುತ್ತಾರೆ.
ಕಾಂಪಾಸ್ ಎಸ್ಯುವಿ ಆನ್ ರೋಡ್ ಬೆಲೆ ಸುಮಾರು 18-23 ಲಕ್ಷದ ತನಕ ಇದೆ. ಅಂದಹಾಗೆ ಈ ಕಾರನ್ನು ಸುದೀಪ್ ಖರೀದಿಸಿದ್ದು ಅವರ ಅಕ್ಕ ಸುಜಾತ ಸಂಜೀವ್ ಮಗಳು ಶ್ರೇಯಾ ಹುಟ್ಟುಹಬ್ಬಕ್ಕಾಗಿ.
ಬೆಂಗಳೂರು ಯಶವಂತಪುರದಲ್ಲಿ ಕೆಎಚ್ಟಿ ಜೀಪ್ ಡೀಲರ್ಶಿಪ್ ಶೋ ರೂಂನಲ್ಲಿ ಕಪ್ಪು ಬಣ್ಣದ ಈ ಎಸ್ಯುವಿ ಖರೀದಿಸಿದ್ದಾರೆ. ಆದರೆ ಈ ಕಾರು ಅವರ ಸ್ವಂತ ಬಳಕೆಗೆ ಅಲ್ಲ.
ಸುದೀಪ್ ಶ್ರೇಯಾ ಹುಟ್ಟುಹಬ್ಬಕ್ಕೆ ಈ ಕಾರೊಂದನ್ನ ಉಡುಗೊರೆಯಾಗಿ ಕೊಟ್ಟಿದ್ದಾರೆ. ಇಂತಹ ಮಾವ ಸಿಕ್ಕಿದ್ದಕ್ಕೆ ಇದಕ್ಕಿಂತ ಖುಷಿ ಇನ್ನೇನಿರಲು ಸಾಧ್ಯ ಅಲ್ಲವೇ? ಈ ಬಗ್ಗೆ ಸಂತಸ ವ್ಯಕ್ತಪಡಿಸಿರುವ ಶ್ರೇಯಾ, ಸುದೀಪ್ ಮನೆಯಲ್ಲಿ ನಟ ಎಂಬುದನ್ನು ಮರೆತು ಗೆಳೆಯನ ತರಹ ಇರುತ್ತಾರೆ. ನಾನೂ ಸಹ ಸುದೀಪ್ ಅಭಿಮಾನಿ. ಅವರು ಕೊಟ್ಟಿರುವ ಉಡುಗೊರೆ ಶಾಶ್ವತವಾಗಿ ನೆನಪಿನಲ್ಲಿರುತ್ತದೆ ಎಂದಿದ್ದಾರೆ.
ಈ ಹಿಂದೊಮ್ಮೆ ರೈತರಿಗಾಗಿ ತನ್ನ ಕಾರನ್ನೇ ಮಾರಿದ್ದ ಉದಾಹರಣೆ ಇದೆ. ಸ್ಯಾಂಡಲ್ವುಡ್ನ ಕಾಮಿಡಿ ನಟ ಚಿಕ್ಕಣ್ಣ ಅವರಿಗೆ ಕಾರೊಂದನ್ನು ಗಿಫ್ಟ್ ಆಗಿ ನೀಡಿದ್ದರು. ಇದೀಗ ಜೀಪ್ ಕಂಪೆನಿಯ ಕಂಪಾಸ್ ಎಸ್ಯುವಿಯನ್ನು ಖರೀದಿಸಿದ್ದಾರೆ.