ಅಸ್ತಮಾ ಕಾಯಿಲೆಯನ್ನು ಸೋಲಿಸುವ ಆಹಾರಗಳು

ಇಂದಿನ ದಿನಗಳಲ್ಲಿ ಬಿಪಿ-ಶುಗರ್‌ ಕಾಯಿಲೆಯ ಹಾಗೆ, ಅಸ್ತಮಾ ರೋಗ ಕೂಡ, ಹೆಚ್ಚಿನ ಜನರ ಪ್ರಾಣ ಹಿಂಡುತ್ತಿದೆ. ಉಬ್ಬಸ, ಉಸಿರಾಟದ ಸಮಸ್ಯೆ ಹಾಗೂ ಪದೇ ಪದೇ ಕೆಮ್ಮು ಕಾಣಿಸಿ ಕೊಳ್ಳುದು ಈ ಕಾಯಿಲೆಯ ಪ್ರಮುಖ ಲಕ್ಷಣಗಳು. ಈ ಕಾಯಿಲೆ ಯನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳಬೇಕು ಎಂದರೆ, ಕೆಲ ವೊಂದು ನೈಸರ್ಗಿಕವಾಗಿ ಸಿಗುವ ಆಹಾರಗಳನ್ನು ಸೇವನೆ ಮಾಡುವ ಅಭ್ಯಾಸ ಮಾಡಿಕೊಂಡರೆ, ಈ ಕಾಯಿಲೆಯನ್ನು ನಿಯಂತ್ರಣದಲ್ಲಿ ಇಟ್ಟುಕೊಳ್ಳಬಹುದು.

ವಿಟಮಿನ್ ಸಿ ಅಂಶ ಹೆಚ್ಚಿರುವ ಹಣ್ಣು-ತರಕಾರಿಗಳಾದ ಸೀಬೆ ಹಣ್ಣು, ಪರಂಗಿ ಹಣ್ಣು, ಕಿತ್ತಳೆ ಹಣ್ಣು, ಸ್ಟ್ರಾಬೆರಿ, ಬ್ರೊಕೋಲಿ, ಟೊಮೆಟೊ ಹಣ್ಣು, ಪಾಲಕ್ ಸೊಪ್ಪು, ಇತ್ಯಾದಿ ಆಹಾರ ಪದಾರ್ಥಗಳನ್ನು ಸೇವನೆ ಮಾಡಿ.

ಬೀಟಾ ಕ್ಯಾರೋಟಿನ್ ಅಂಶ ಹೆಚ್ಚಾಗಿ ಕಂಡು ಬರುವ ಆಹಾರ ಪದಾರ್ಥಗಳನ್ನು ಸೇವನೆ ಮಾಡಿ ಉದಾಹರಣೆಗೆ ಹಸಿರೆಲೆ ತರಕಾರಿಗಳು, ಕ್ಯಾರೆಟ್ ಇದರಲ್ಲಿ ಮುಖ್ಯವಾದದ್ದು.

ದಿನಕ್ಕೊಂದು ಬೇಯಿಸಿದ ಮೊಟ್ಟೆ, ಮಶ್ರೂಮ್, ಮೊಸರು ಟ್ಯೂನಾ ಮೀನು ಇತ್ಯಾದಿ ಆಹಾರ ಪದಾರ್ಥಗಳಲ್ಲಿ ವಿಟಮಿನ್ ಡಿ ಅಧಿಕ ಪ್ರಮಾಣದಲ್ಲಿ ಕಂಡು ಬರುತ್ತದೆ.

ಅಸ್ತಮಾ ಇರುವವರು ಅರ್ಧ ಹಸಿ ಈರುಳ್ಳಿಯನ್ನು ಕತ್ತರಿಸಿ ತಿನ್ನಬೇಕು. ಈರುಳ್ಳಿಯಲ್ಲಿ ಕಂಡುಬರುವ ಥಿಯೋಸೆಲ್ಫಿನೇಟ್ ಸಂಯುಕ್ತವು ಅಸ್ತಮಾ ಸಮಸ್ಯೆಯನ್ನು ನಿಯಂತ್ರಿಸುತ್ತದೆ.

ಒಂದು ಲೋಟ ಬಿಸಿ ನೀರಿಗೆ, ಚಿಟಿಕೆಯಷ್ಟು ಅರಿಶಿನವನ್ನು ಹಾಕಿಕೊಂಡು ಕುಡಿದರೆ, ಅಸ್ತಮಾದ ರೋಗಲಕ್ಷಣಗಳು ನಿಧಾನಕ್ಕೆ ಕಡಿಮೆ ಆಗುವುದು

ನೈಸರ್ಗಿಕವಾಗಿ ಸಿಗುವ ಹಣ್ಣುಗಳಲ್ಲಿ ಉತ್ತಮ ಪ್ರಮಾಣದ ಆಂಟಿ ಆಕ್ಸಿಡೆಂಟುಗಳಿವೆ. ಇವು ಅಸ್ತಮಾ ಕಾಯಿಲೆಯ ಲಕ್ಷಣಗಳನ್ನು ನಿವಾರಿಸಲು ನೆರವಾಗುತ್ತದೆ. ಉದಾಹರಣೆಗೆ ದಾಳಿಂಬೆ, ಬೆರ್ರಿ ಹಣ್ಣುಗಳು